Un curso máis o Club de Ciencia do IES Fernando Blanco  organizou con gran éxito o Día da Ciencia na rúa. Unha xornada onde foron presentados unha treintena de experimentos científicos.

Na convocatoria do pasado mércores 29 de maio  alumnado e docentes de diferentes centros educativos da contorna ( IES Agra de Raíces, CPR Manuela Rial Mouzo, IES Fin do Camiño, IES Ramón Caamaño, IES Lamas de Castelo e IES Fernando Blanco)  foron presentando por grupos os seus proxectos aos visitantes que se ían acercando ao pavillón de deportes do Concello de Cee.

Entre os proxectos atópase un simulador de ascensor, unha máquina que resolve sudokus, un panel de neumática, como funcionan algúns elementos dun coche, un levitador ultrasónico, experimentos de magnetismo, óptica e mecánica, un rosco científico, a creación dun reloxio de sol, un obradoiro de instrumentos musicais, un obradoiro de cosméticos naturais, creación de “pasta de dentes de elefante”, enganos que podemos atopar sobre o contido de amidón en alimentos, experiencias con termoeléctricos, unha maqueta dunha célula, diversos proxectos de tecnoloxía, diversos xogos matemáticos, que é unha braquistócrona, medidas de pH, experiencias que teñen que ver ca densidade, ca tensión supercial dos líqudos entroutras actividades máis.

Parabéns a todas/os os partipantes.

A pasada semana no IES Fernando Blanco tivemos uns días ben animados. Tal como viñemos anunciando celebramos a I Semana das Artes Escénicas grazas ao traballo do grupo de teatro do noso centro, Tuéje Teatro en coordinación coa vicedirección do centro.

Nesta semana a comunidade educativa do Fernando Blanco e o público en xeral da contorna tiveron a ocasión de desfrutar de diferentes obras teatrais e comprobar o grande talento dos compoñentes das compañías de teatro escolar, profesional e afecionado dos diferentes lugares da provincia que nos acompañaron durante esta semana.

O broche final correu a cargo do grupo de teatro Tuéjele Teatro coa estrea da obra "Os vellos non deben de namorarse" onde quedou plamado o gran traballo que hai detrás dun gran éxito

Agradecer a Farándula Velutina, Casa Hamlet, Teatro das Maniotas e Escola Municipal de Corcubión por poñer á nosa disposición  a vosa arte e o voso tempo.

Parabéns a todas e todos e longa vida á Semana das Artes Escénicas no Fernando Blanco.

Rematadas xa todas as probas clasificatorias da XIII edición da Olimpiada Cultural " O Saber ten premio" os equipos que desputará a gran final que terá lugar o vindeiro 14 de xuño son:

OS ALDEÁNS

ESPAZO EN BRANCO 

AFE

Parabéns a todos os equipos e a o seu profesorado

A vindeira semana temos un evento moi especial para toda a comunidade educativa do IES Fernando Blanco, a celebración da I Semana das Artes Escénicas.

Dende o luns 20 ao venres 24 de maio no Salón de Actos do IES Fernando Blanco representanse diferentes obras teatrais grazas a colabación de varias compañías teatrais que xenerosamente poñen a nosa disposición a súa arte e o seu tempo.

A programación en horario de mañá estará dirixida á nosa comunidade educativa na cal tamén se inclúe un obradoiro de máscaras, cuxos resultados serán obxecto dunha exposición final nas instalacións do centro. Tamén dentro deste programa de mañá, o venres 24, levarese a cabo unha respresentación moi especial para o noso centro, a estrea por parte do noso grupo de teatro Tuéjele Teatro  coa obra " Os vellos non deben de namorarse". 

A programación da tarde estará dirixida ao público en xeral con entrada libre até completar aforo.

O pasado xoves día 9 de maio o alumnado do Club de Lectura Nautilus do noso centro xunto ao alumnado do Club de Lectura Libros coma area do IES Agra de Raíces tiveron a ocasión de desfrutar dunha marabillosa xornada na cidade de A Coruña onde realizaron un roterio literario.