FAI CLIC SOBRE A IMAXE PARA AGRANDAR

Un curso máis, o IES Fernando Blanco forma parte da Rede de Centros de Capacitación Dixital dependentes da Consellería de Educación. É por isto que vai ofrecer durante o mes de abril novos cursos de capacitación dixital para persoas maiores de 55 anos e colectivos vulnerables. 

As persoas destinatarias non poden estar cursando ningunha outra ensinanza regrada, ESA, bacharelato de adultos, EOI. Si serán candidatas e candidatos as persoas que cursen ensinanzas non regradas ou ensinanzas básicas iniciais.

A duración dos cursos é de 30 horas, serán impartidos previsiblemente os martes, mércores e xoves durante tres horas ao día de 16:00h a 19:00h.  O 2 de abril darán comezo. 

Para máis información chamar ao centro ou consultar no correo electrónico ies.fernando.blanco@edu.xunta.gal

Unha vez rematado o curso e cumpridos os obxectivos certificarase que asistiu con aproveitamento ao curso de capacitación dixital cunha duración de 30 horas asociada a unha cualificación de nivel 2 do Catálogo Nacional de cualificacións profesionais (IFC748_2).

PRAZO DE INSCRICIÓN OU MATRÍCULA DENDE O MÉRCORES 6 de MARZO ATA O COMEZO DO CURSO O 2 DE ABRIL.

Folleto informativo

Información xeral

Impreso matrícula

Hoxe tivemos unha visita moi especial no Fernando Blanco. Trátase de José Antonio Riveiro, ex-alumno do noso instituto e actualmente Director da ONCE en Santiago de Compostela dentro das charlas Alén do Fernando que se están a desenvolver no noso centro dende hai xa varios cursos académicos.

Nesta ocasión José Antonio charlou co noso alumnado de Bacharelato de Ciencias Sociais e dos Ciclos da Familia Profesional de Administración e Xestión dado que foi nestas etapas nas que Jose Antonio formou parte da nosa comunidade educativa,  compartindo con eles/as a súa experiencia tanto académica e profesional antes e despois do seu paso polo noso centro.

Moitas grazas pola túa atención José Antonio.

O vindeiro xoves día 22 de febreiro no noso centro tivo lugar unha charla que despertou gran interés tanto no noso alumnado de 4º da ESO e 1º Bacharelato como de ciclos de FP Básica e 1º dos ciclos Medio das nosas familias profesionais, " A responsabilidade Penal nos menores de ideade" que correou a cargo do xuíz D. Alberto Nodar, especialista en violencia de xénero e menores de idade.

O alumnado obtivo información e formación de primeira man sobre as conductas que son susceptibles de responsabilidade penal nos menores de idade e poideron despexar dúbidas que xurden no tocante a esta materia.

Agradecer inmensamente a labor feita por D. Alberto Nodar e ao docente Manuel Magariños impulsor de dita actividade.

Esta semana o centro estivo cheo de colorido, argalladas, falcatruadas, risas e moita ledicia coa chegada do Entroido, cas ordes do Meco de luns a xoves e coa celebración do desfile/festival do venres cuxa temática xiraba sobre o universo, onde se pretendía recoñecer o traballo en equipo e a sostenibilidade.

Os equipos recoñcidos neste Entroido 2024 foron “Órbita Diversa” de 2º da ESO, “Pupurri Espacial” de 3º da ESO, “ Universo Alternativo, Universo Disney” de 1º de Bacharelato C e “ Galicialiens” de 1º CS de Administración e Finanzas.

Nos festexos tivemos o pracer de desfrutar do ritmo da percusión do alumnado de Música cunha animada batucada que fixo mover das súas butacas a todo o público asistente.

Parabéns a todas/os polas vosas creacións e ao resto do alumnado e profesorado que quixeron unirse a esta festa.

O Meco xa anda argallando a ver que manda para o vindeiro 2025