O noso alumnado de 4º ESO de matemáticas aplicadas acaba de ser recoñecida cunha mención no XIV Concurso da Incubadora de Sondaxes e Experimentos na Facultade de Matemáticas da USC, por un proxecto desenvolvido nesta materia e capitaneado pola docente Sofía Cendán.

Moitos parabéns.

Este venres día 7 de xuño o noso centro vestiuse de gala para festexar a festa de graduación do noso alumnado de 2º de Bacharelato do curso 23-24

GALERÍA DE IMAXES DE LA VOZ DE GALICIA

O acto estivo presentado por Samira Pose, Uxía Outes e Ángel Suárez. Tamén interviron a directora do noso centro, Sonia López e o xefe de estudos Paulo Calvo xunto aos titores Celtia Sar e Fernando Castro. Pola banda do alumnado tomou a palabra Camilo Pablo Espasandín e Lucas Sanmartín, Lume Fernández e Lucía Domínguez, e Ángel Suárez con Laila López.

Ademáis, o alumnado escolleu á raiña e ao rei da graduación.

Para finalizar serviron uns pinchos no xardin, para remataron cunha cea onde asistiron alumnado e docentes.

O compromiso do IES Fernando Blanco coa limpeza dos areais da contorna non ven de novo. En colaboración coa asociación Mar de Fábula, nesta ocasión, a recollida de plásticos e demáis materiais de refugallo que están a contaminar a nosa contorna, levouse a cabo na praia da Concha, no Concello de Cee.

O noso alumnado de 1º da ESO ademáis de levar a cabo labores de limpeza tivo a ocasión de reflexionar sobre o impacto que se está a producir nesta praia ao comprobar o aumento de de desperdicios acumulados nestas mesmas datas en comparación con edicións pasadas.

O pasado luns día 3 de xuño o grupo de teatro do IES Fernando Blanco levou a súa proposta de  "Os vellos non deben de namorarse" ao XXV Certame de Teatro Escolar e Afeccionado da Deputación da Coruña e que se está a levar a cabo no IES Rosalía Mera de A Coruña onde unha vez máis quedou reflexado a grande talento da nosa compañía. 

Parabéns

Alumnado de 1º da ESO, grazas a organización do Dpto. de Debuxo, viaxou até A Lanzada no Concello de O Grove para defrutar dunha xornada artistica no areal desta mítica praia das Rías Baixas. Alí deseñaron e plasmaron en area fermosas esculturas relacionadas co medio mariño.