Este mércores 24 de xaneiro tivemos no IES Fernando Blanco a visita do alumnado do CEIP Plurilingüe Santa Eulalia de Dumbría. A visita corresponde a unha invitación feita pola profesora e o alumnado de Cultura Clásica que está a traballar agora mesmo nos Xogos Olímpicos. Trece alumnos e alumnas de 3º,4º,5º e 6º de Educación Primaria presentaron o seu proxecto “Xogos Olímpicos e Paralímpicos Dumbría 2024”. A continuación o alumnado de Cultura Clásica mostrou a súa exposición “Xogos Olímpicos na Antiga Grecia”.

Ao rematar as exposicións, o alumnado de Dumbría coñeceu as instalacións do noso centro: salón de actos, capela, torre do reloxo, talleres, biblioteca, aulas...

Foi un pracer contar coa visita de alumnado e profesorado nas nosas instalacións e moito máis compartir proxecto!!

Dentro do programa InnovaTech FP,  no que o IES Fernando Blanco está a participar nesta primeira edición, estanse a desenvolver direferentes actividades formativas baseadas na metodoloxía " Design Thinking" 

Unha delas tivo lugar no CIFP Compostela o pasado venres 19 na cal o noso alumnado participante acadou ferramentas para poder poñer en práctica na resolución do seu reto.

Este venres 19 de xaneiro celebrábase na Facultade de Matemáticas de Santiago a Olimpíada Matemática Galega. Entre os 150 participantes estaban 12 alumnos e alumnas de 1º e 2º de bacharelato do noso centro que foron acompañadas das profesoras de matemáticas Sofía Cendán e Sonia López. A dificultosa proba consiste en desenvoler 6 problemas, 3 na quenda de mañá e 3 na quenda de tarde. Non pasamos a fase nacional pero o que si podemos afirmar é que alumnado e profesoras gozaron das matemáticas nun completo día en Santiago. 

Noticias: A Olimpíada Matemática Galega reúne 150 estudantes que compiten por acceder á fase estatal da competición.

              O correo galego

              Páxina da Olimpíada

Parabéns aos participantes e ao seu profesorado por animalos a acudir a estas actividades!!!

Post do usuario Olimpíada Matemática galega en X.

Desmotrado está que a aprendizaxe e o xogo poden ir da man. Hoxe o noso alumnado e profesorado de 2º de Ciclos dentro do programa Aula de Emprendemento, experimentaron unha actividade lúdica pero chea de coñecemento en base ao empredemento participando nun Escape Room. Con esta metodoloxía habiliades como a planificación, procura de oportundades, iniciativa curiosidade, autoconfianza, persistencia, perseverancia, fixación de obxectivos, orientación ao logro, riscos calculados, capacidade de adaptación, comunicación e traballo de equipo, grandes aliados do espírito emprendedor foron, xunto ao noso alumnado de FP e profesorado, verdadeiros protagonistas.