Extraescolares

O pasado venres día 10 de febreiro, as alumnas Irene Ramón e Paula Lema de 1º de bacharelato acudiron á Masterclass de Física de Partículas, no IGFAE, organizada con motivo do Día da Muller e a Nena na Ciencia do pasado 11 de febreiro.

Nesta xornada aprenderon un pouco sobre as partículas elementais que nos compoñen, e incluso descubriron varios candidatos a Bosón de Higgs!!

Ao final da xornada, participaron nunha videoconferencia co CERN para discutir os resultados obtidos na práctica, que se desenvolvou íntegramente en inglés.

Deste xeito pasaron unha xornada coma brillantes investigadoras, demostrando que tamén as mulleres poden facer ciencia!

Un grupo de alumnado de 4º da ESO e de 1º de bacharelato acompañados polos seus docentes Cristina Ledo e Pablo Mira realizaron unha visita de carácter cultural á Coruña para ver a exposición AI: More than human na sede de Afundación.

Posteriormente visitaron a ETS de Náutica e máquinas.

Fai clic sobre as imaxes para ampliar.

O mércores 21 de setembro o alumnado de 1º da ESO, acompañados pola súa titora Lorena e a súa profesora e profesor Silvia e Sergio, tiveron unha xornada de convivencia e exercicio físico aproveitando o bo tempo que vai estes días.

Saíron do instituto pola mañá e foron camiñando ata a praia de Restrelo en Sardiñeiro seguindo un tramo do Camiño de Santiago.

Unha vez na praia o alumnado participou en xogos e actividades físicas co obxectivo de promover a socialización e o achegamento entre o novo alumnado.

O pasado 10 de xuño o alumnado de 1º da ESO acompañados polas súas profesoras Silvia Santamaría e Beatriz Lemos e polo seu profesor Sergio Carballo, realizaron unha excursión ás Illas Cíes, arquipélago que forma parte do Parque nacional das illas atlánticas, ese día tiveron unha visita guiada polas Cíes, actividades recreativas e puideron tamén disfrutar da praia.

Aquí van algunhas fotos da xornada.

O alumnado de 1º do CM de Mantemento electromecánico e do curso AFD de Montaxe e posta en marcha de bens de equipo e maquinaria industrial, acompañados polos seu docentes Miguel Varela e Diego Carril, acudiron a visitar varias empresas en Arteixo, onde puideron facer visitas guiadas por varios departamentos das mesmas.

As empresas foron Aluman, Leyma e Pescanova

42 alumnos e alumnas de 3º e 4º da ESO e de 1º Bacharelato do Fernando Blanco, acompañados de Cristina Ledo, Sofía Cendán e Sergio Carballo visitaron o CIS Tecnoloxía e Deseño en Ferrol o pasado 25 de maio para participar nos talleres D’TEC “Mundos Virtuais e “Descubrindo Materiais”. O alumnado, divididos en dous grupos participaron alternativamente nos dous talleres.

O obradoiro de Mundos Virtuais ten a finalidade de achegar á mocidade tanto a actividade que desenvolve o CIS Tecnoloxía e Deseño como aproximalos á creación de contidos en realidade aumentada e realidade virtual. Durante o taller o alumnado experiementou de primeira man con  Dispositivos de VR como o Google cardboard o OculusRift. Ademáis, o alumnado participou na creación dun exemplo de mundo VR ou Iniciación a Cospaces así como na creación dunha contorna navegable.

No taller “Descubrindo os novos materiais”, a través dun conxunto de actividades, entre as que destacamos a elaboración manual dunha pelota saltarina usando un polisilicato de sodio, os rapaces mergulláronse no mundo dos novos materiais, descubrindo un campo de coñecemento de investigación que ten unha grande importancia pero é un descoñecido para gran parte da poboación.

Unha vez rematada a visita e antes de regresar a Cee, o alumnado visitou a praia de Cabanas onde puideron comer os bocatas que trouxeron da casa.

O pasado venres 13 de maio celebramos con todo o alumnado da ESO do Fernando Blanco un Field Day na praia de Quenxe en Corcubión. Esta foi unha iniciativa da nosa language assistant, Rebecca Blessing, que se encargou da organización xunto con profesorado e persoal non docente. Rebecca regresa a Estados Unidos o día 17, polo que esta saída tamén serviu para que o alumnado se despedise dela. 

Field Day é unha vella tradición nos Estados Unidos. Continúa hoxe en todo o país.  Field Days comezan na escola primaria e continúan tamén nas universidades.

Normalmente, na primavera ao final do curso, toda a escola reúnese para facer xogos competitivos fóra. Esta é una celebración para rematar o trimestre escolar, e moitas veces para o comezo do verán. Os gañadores das competicións do Field Day adoitan recibir o trofeo e presumir durante o resto do ano. Isto reflicte a idea do orgullo de clase dentro das escolas dos EEUU.

O noso alumnado dividiuse en 6 equipos que participaron en diversos xogos e deportes: tug of war, three-legged race, egg race, water ballon tag, voley ball e fútbol

Tamén houbo un descanso onde o alumnado puido tomar froita, bocadillos e auga. Finalmente limparon e recolleron deixando a praia limpa.

Podes ampliar as fotos clicando sobre elas.

Thank you so much Rebecca, we’ll miss you!

Alumnado de 3º e 4º da ESO, acompañados por Sofía Cendán e Germán Insua, docentes de Matemáticas do Fernando Blanco foron visitar a exposición Converxencias Arte e Ciencia 2022 que foi organizada por IGACIENCIA e polo Servizo Municipal de Educación do concello da Coruña e que está no Ágora.

O obxectivo fundamental dos talleres-exposición é ilustrar e profundar no diálogo entre a ciencia, a arte e a tecnoloxía, primando en todo momento a compoñente didáctica e divulgativa para achegarse ao público xeral e, especialmente, á mocidade. Trátase dunha proposta que propicia o tratamento STEAM nas aulas (ciencia, tecnoloxía, enxeñería, arte e matemáticas). Unha maneira de traballar a ciencia e a arte en proxectos conxuntos, que impliquen ambos os polos.

Na exposición preténdese explorar esa interacción dinámica das conexións entre a arte e a ciencia, para establecer visións integradas e integradoras, para iso selecciónanse obras e autores representativos de distintos movementos artísticos ao longo do tempo.

A viaxe iníciase na arte celta e céntrase especialmente en movementos artísticos dos últimos séculos e remata con obras de arte dixital 3D recentemente expostas en congresos internacionais.