Biblioteca A3P

Este ano dedícaselle o Día das Letras, por fin, ao profesor e escritor ferrolán Ricardo Carvalho Calero (1910-1990), autor dunha Gramática e dunha Historia da Literatura Galega contemporánea e ademais narrador, poeta e dramaturgo. Na nosa biblioteca temos estas obras súas ou arredor da súa figura, se queres achegarte á súa vida e obra.

Ademais, a súa novela Scórpio é moi recomendable polo interese do seu contido (que recolle os acontecementos históricos dos anos 20 e 30 do século pasado en España) e pola modernidade da súa técnica narrativa.



	Carvalho Calero en "Son de poetas"

23 de abril: Día do libro


Joan Margarit é un poeta catalán nacido en 1938. Exprésase tanto en catalán como en español. Os seus poemas adoitan ser breves e falan de sentimentos persoais pero tamén crítica social. Hoxe, 23 de abril, Día do Libro, debería recibir o Premio Cervantes nunha cerimonia que, como tantas outras cousas, deberá ser adiada por mor do coronavirus.

Día Internacional do Libro Infantil

Dende 1967, o 2 de abril, a Organizacion Internacional para o LIbro Xuvenil (IBBY en inglés), coincidindo coa data do nacemento do escritor danés Hans Christian Andersen, promove a celebración do Día Internacional do Libro Infantil co fin de promocionar os libros infantís e xuvenís e a lectura entre os máis novos.