Biblioteca A3P

RECOMENDACIÓNS LECTORAS E AGASALLOS DE NADAL

Dende a biblioteca estámosvos pedindo que colaboredes toda a comunidade educativa con nós para elaborar un panel con recomendacións lectoras e agasallos de libros e similares para Nadal (farémolo en forma de árbore con estrelas que conteñen a carátula do libro, como xa fixemos o curso pasado) e unha presentación para poñer na pantalla de abaixo. Só tedes que aportar o autor e o título e facérnolo chegar polas vías que consideredes. Gustaríanos en particular recomendación de libros en inglés, francés e portugués. Xa temos algunhas suxestións pero queremos máis.

Animádevos!!

CONTOS DE MEDO NA BIBLIO

Este xoves, a 3ª hora, e venres, a 3ª e 4ª teremos un ano máis a actividade dos contos de medo na biblio, na que participan como espectadores o alumnado de 1º de ESO e como narradores/lectores alumnado de 2º e 4º de ESO e 1º de Bacharelato. Achegamos presentación da actividade e estrutura da mesma para información dos profes afectados.

.

2 adxuntos

ACTIVIDADES DA NOSA BIBLIOTECA PARA AS FAMILIAS

A biblioteca do IES David Buján vén de elaborar un plan de actividades para as familias do seu alumnado co obxectivo de implicalas máis na dinámica do centro e, en particular, do relacionado coa biblioteca e a lectura. Esas actividades comezarán o día 20 deste mes, ás 18,15, cunha xornada de portas abertas na que amosaremos a biblioteca e comentaremos as súas actividades aos familiares que queiran vir. O demais que lles ofrecemos está contido nesta carta que xuntamos e que estamos a entregar ao alumnado estes días para que as familias nola devolvan cuberta e as´saber o que lles interesa.

.

ANIMÁDEVOS A PARTICIPAR!

1 adxunto

CLUB DE LECTURA "AVELAÍÑA"

Xa están en marcha a maioría dos grupos de lectura no club "Avelaíña". Por agora, temos un grupo de literatura xuvenir de 1º de ESO, un de novela e teatro de 3º, un de novela en galego, un de literatura universal tamén en galego, un de ciencia e un de profes. Teremos tamén un de manga, un de literatura de misterio e outro de lecturas en inglés. Aínda estás a tempo de anotarte no que máis che interese!

Toda a información na biblioteca.

1 adxunto

Visita á Biblioteca Municipal Central María Pita

Ler máis

RESUMO EN IMAXES DA ACTIVIDADE DA NOSA BIBLIOTECA NO CURSO 2022-2023

Aquí vos deixamos un arquivo con imaxes e algunhas reflexións sobre a actividade desenvolvida pola biblioteca do noso centro coa axuda de toda a comunidade educativa. O grupo da biblioteca quere agradecervos a vosa colaboración, desexarvos un feliz e lector verán e convidarvos a alumnado, familias e profesorado e demais traballadores do centro a un novo curso nunha biblioteca aberta á participación de todos vós.

1 adxunto

Roteiro dos clubs de lectura da biblioteca 2022/2023

O luns, 12 de xuño de 2023, a biblioteca organizou un roteiro histórico literario pola cidade da Coruña. Foi unha xornada de convivencia para o alumnado que participou nos clubs de lectura e outras actividades de voluntariado. Percorremos distintos lugares da cidade vencellados a escritores e fixemos unha lectura en cada un. Tamén visitamos o Arquivo do Reino de Galicia, a tumba de Sir John Moore e a ponte do Burgo.

Recomendacións de lectura para o verán

Como todos os anos, dende a biblioteca achegámosvos, a xeito de agasallo de fin de curso, unhas recomendacións de lectura e tamén algo de música para que, se queredes, as teñades en conta no voso descanso do verán de 2023 (podedes velas no vídeo ou no PDF anexo a esta publicación). Grazas ao alumnado e profesorado que colaborou na súa elaboración.

Que pasedes un verán moi feliz e moi lector (que vén ser o mesmo).

1 adxunto

ACTIVIDADES DÍA DO LIBRO

Para a última semana deste mes de abril, a biblioteca traballa na preparación das seguintes actividades:

-III Concurso Fotográfico "O Pracer de Ler".

-Elaboración de vídeos onde as familias do noso centro amosen as súas bibliotecas, explicando que tipo de libros teñen, como os teñen ordenados, cales son os seus favoritos, etc.

-Encontro de exalumnas do instituto que son escritoras.

-Exposicións bibliográficas dos premios Cervantes.

Agardamos a vosa colaboración e suxestións.

1 adxunto

RECOMENDACIÓNS E AGASALLOS DE NADAL

Como todos os anos nestas datas, a nosa biblioteca e a comunidade educativa do David Buján en xeral fai pública a súa lista de desexos lectores para este Nadal. Nela participaron alumnado, profesorado e algunhas familias. O resultado é esta árbore de libros recomendados para ler e agasallar e a presentación que tedes no enlace. Con eles, queremos desexarvos unhas felices e lectoras vacacións.

.