Extraescolares outros cursos

O pasado 27 de maio os alumnos de 3º ESO desprazáronse ata Vigo, a Fundación Barrié  para asistir a unha sesión de "Espectáculo de Ciencia" que recollía un conxunto de expriencias relacionadas coa Química. Os alumnos de 3º ESO C aproveitaron a viaxe para acercarse tamén ao estudio de gravación Planta Sónica onde, da man de Sergio Castro e Pancho de Lis, asistiron non só á explicación de como se fai para gravar música, se non tamén á crónica dun tempo pasado; o da movida viguesa dos anos oitenta do século pasado, e dun tempo presente; o da actual crise da industria discográfica.

O xoves 29 de maio celebrouse no Centro o IV Festival Audiovisual IES As Barxas. Este ano presentábanse 5 curtas baixo o título "Realidades Delirantes":

• O Exorcismo, baixo con guión de Brais Pérez onde unha lingua maléfica se apodera dunha nena.
• El Oso, basado no conto de Woody Allen El Alce.
• Adictos, trata de reflexar que pasaría nun mundo dominado polos móbiles.
• La Cita, reflexa algún dos  perigos das citas a través de Internet
• Detrás de ti, unha metáfora sobre o medo.

Como todos os anos a afluencia de público foi masiva e as curtas tiveron un gran éxito entre todos os asistentes.

O alumnado do obradoiro musicabarxas e o equipo de Normalización Lingüística do IES As Barxas protagonizan este novo video clip

O Instituto As Barxas participa na campaña: “En galego, con toda a frescura” promovida dende o Servizo de Normalización do Concello.

Varios grupos de alumno@s da ESO, tanto de primeiro coma de terceiro foron os protagonistas da campaña, axudados polas súas profesoras Lorena Pérez, Iria Collazo e Matilde Llano.

Esta consistiu en contactar con Supermercados e tendas, e recoller o  léxico dos produtos frescos que ofertan. Despois correxiron e clasificaron as palabras na aula e traballaron os seus significados. Este material entregóuselle ao Concello que editou unhas listas da compra cos nomes dos alimentos no noso idioma.

Os rapaces quedaron satisfeitos co resultado e participaron na presentación pública da campaña no Mercado de Moaña o día 29 de maio repartindo as listas entre os postos e os clientes. Tamén levarán este material aos Supermercados e Tendas colaboradores nos vindeiros días.

(ver prensa)

Vídeo realizado polo grupo de Normalización Lingüística do IES As Barxas, A Lingua que Traba, conmemorando o ano do idioma galego