Este venres 23 de maio recibimos a visita dos representantes da ONG Cooperación Internacional para entregar aos alumnos de OIE de 3º e 4º ESO diplomas polo bo traballo realizado na campaña DOFORUGANDA que organizaron no primeiro trimestre do ano.
Dita entidade vai montar unha escola no verán en Uganda cun grupo de voluntarios universitarios e solicitou a nosa colaboración para elaborar material didáctico que axudase a concienciar aos nenos/as de Uganda da importancia de lavar as mans e de consumir auga en bo estado para prever enfermedades. Os nosos alumnos aportaron numerosos debuxos para colorear e un vídeo cunha canción e unha coreografía.
Tamén lles fixemos entrega do material educativo (cores, rotuladores, lapis, gomas) recollido no centro durante esta semán e polo que nos mostraron moito agradecemento.
Un ano mais se celebrou no salón de actos do noso Centro, repleto ata a bandeira de familiares e amigos dos homenaxeados, a tradicional cerimonia de graduación dos alumnos de 2 º Bacharelato, que chegaron ao final da súa traxectoria no ensino secundario no noso instituto. A promoción do 25 Aniversario do IES AS BARXAS.
Con moitos nervios por parte de alumnos e os seus familiares, o acto tivo a emotividade propia dun momento tan importante para eses mozos, que pechan un capítulo da súa vida académica para abriren outro noutros lares. Durante o transcurso da cerimonia - ademais dunhas palabras do director, dos propios alumnos e da proxección dunha simpática presentación sobre o seu paso polo centro ao longo destes 6 anos - o profesorado fixo entrega duns obsequios conmemorativos a cada alumno. Estes, á súa vez, entregáronlles aos profesores uns orixinais regalos que provocaron as risas dos presentes. Ao remate, alumnos, familias e profesores compartiron un viño no hall do centro. A xornada rematou cunha cea de alumnos e profes nun restaurante da localidade.
O pasado luns 19 de maio, visitou o noso centro Celso Fernández Sanmartín nunha actividade organizada polo Departamento de Normalización Lingüística, na que descubrimos e disfrutamos dun extraordinario narrador e un excelente contador de contos e historias tiradas maioritariamente da tradición oral.
A experiencia foi fantástica xa que todos os presentes poidemos escoitar, rir e disfrutar cos contos e historias que Celso leva recollendo toda a vida e aprender que “o galego está vivo e ten moitas posibilidades de comunicación”, tal e como xa anticipara o noso compañeiro Brais cando o presentou