www.iesallariz.gal

No seguinte vídeo podedes botarlle unha ollada ao día da Nena e a Muller na Ciencia no IES. Parabéns ás alumnas de FQ e BioXeo.

O 14 de febreiro, alumnado de 2º e 3º ESO acompañados da súa profesora María, visitaron o Centro de Día de Allariz co fin de pasar unha xornada con esas persoas que tanto fixeron por nós e cos seus coidadores que permiten que teñan un envellecemento activo.

Moitas grazas ao alumnado que se implicou na actividade agasallando mensaxes de amor e recoñecemento en forma de corazóns e sobre todo por compartir o seu tempo cos nosos maiores

As nosas alumnas Yaixa e Yadira de 3º ESO van esta fin de semana competir na final do Campionato de España de Hockey, co club ourensano Albor, moita sorte as dúas!

 O pasado venres celebramos o entroido. Preme na imaxe e verás a comparsa dos profes desfilar...

O pasado luns 5 de febreiro, o alumnado de 4º ESO recibiu a visita do escritor Manuel Fontemoura, o cal impartiu unha charla sobre a necesidade da empatía e o respeto na sociedade actual.

O día 8 de febreiro tivemos o pracer de poder contar con Luís Miguel Botana López profesor, doutor e catedrático da USC.

Conmemoramos o do Día da Paz nun acto no que recordamos con tristura os conflitos armados existentes na actualidade no mundo.

Co ánimo de seguir mellorando a convivencia no centro aprobamos unhas novas normas que rixen os comportamentos leves contrarios á convivencia (os graves seguen un procedemento recollido no decreto 8/2015). A gran novidade destas novas normas é a introdución dun puntos que gradúan a gravidade das condutas coas súas correspondentes medidas así como procedementos para suprimir estes puntos, por exemplo sen condutas contrarias durante un certo período etcétera.