O venre 26 de xuño ás 5:30 na Colexiata de Xunqueira de Ambía, tivo lugar a entrega de premios do VII Concurso de relato e debuxo "Falando de Solidariedade" que este ano tivo como LEMA: "Historias solidarias en tempos de confinamento".

Na Semana das Letras Galegas (18-22 maio) , desde a BIBLIOTECA en coordinación co Departamento de L.GALEGA e cos colexios de primaria de Allariz e Xunqueira,de Ambía CONVOCAMOS a todo o alumnado a participar no VII Concurso de debuxo, conto e  relato "FALANDO DE SOLIDARIEDADE", organizado polo CEIP Padre Crespo de Xunqueira de Ambía, que este ano ten como LEMA: "Historias solidarias en tempo de confinamento".

ANÍMATE A PARTICIPAR  

As BASES pódense consultar no documento adxunto.

            Este ano 2020 vai ser inesquecible por moitos motivos e desde o noso centro queremos conmemorar tamén o "Día do Libro" dun xeito distinto. Ás veces a distancia únenos e así a comunidade educativa do IES de Allariz parece xuntar esforzos para que esta situación sexa o máis levadeira posible para tod@s. Por iso, desde a Biblioteca propomos unha actividade creativa que denominamos "LIBÉRATE CON LIBROS", polo valor simbólico que nestes momentos ten o verbo "liberar" na que poidamos facer recomendacións de lecturas que dalgún xeito axudaran a levar este tempo de confinamento dun xeito máis agradable.

Quen mellor que Olga, profesora do departamento de Lengua Española, para exemplificar a actividade. "El confinamiento me ha traído tiempo de regalo y estoy releyendo "Cien años de Soledad" en una edición preciosísima, regalo de una amiga muy querida. He vuelto a visitar Macondo y a escuchar las mágicas historias de la famila Buendía..." Un placer muy recomendable !!!

Neste curso, queremos desde o noso centro homenaxear o "Día do Libro" (23 de abril) cunha serie de actividades que se propoñen nos departamentos didácticos de linguas en coordinación coa Biblioteca:

1. Publicación dos 3 gañadores do "Concurso de Microrrelatos", organizados pola profesora Emilia Quiruelas, xefa de departamento de Lingua Española.

2. Proposta de realizar un traballo artístico (vídeo, audiolibro, foto...) sobre unha lectura realizada durante o periodo de confinamento.

Remata o Mes de MARZO, e 2 alumnas do noso centro de 1º de Bac B, Brenda e Raguía, comparten con tod@s un traballo que realizaron na materia de Literatura Universal e que pretende ser unha homenaxe a todas as "MULLERES ESCRITORAS" que foron deixando a súa pegada ao longo da historia a través dos seus libros.

Podedes consultala no documento adxunto

O día 30 de xaneiro, algún alumnos do noso centro, acompañados de 2 profesoras,  asistiron a unha Tertulia Literaria en Galego no Liceo de Ourense sobre a obra "O meu nome é ninguén" de Manuel Esteban e ao posterior encontro co autor.

Foi unha actividade moi interesante e produtiva. Animamos a seguir participando a máis alumnado.

O pasado día 30 de XANEIRO, no noso centro conmemorouse o  realizaqndo unha actividade nas TITORÍAS que consistíu en pór bandas de cores con mensaxes relativas á PAZ e a lectura dun Manifesto no 2º recreo.

Grazas á colaboración de toda a comunidade educativa.

O pasado 16 de xaneiro algúns alumnos de 3º, 4º ESO e 1º  de bacharelato asistiron, xunto con outros alumnos dos centros Universidade Laboral de Ourense e o IES Carlos Casares de Viana do Bolo á tertulia literaria sobre a obra de Arantxa Portabales "Beleza Vermella" nas dependencias de "RADIO ALLARIZ".

Os alumnos visitantes aproveitaron para coñecer a nosa vila.

Foi unha actividade realmente interesante.

Esta Semana iníciase a CAMPAÑA DE LECTURA DE NADAL 2019 na Biblioteca.

Lembra que podes levar ata 5 LIBROS para as vacacións.

Data de inicio 16/12/2019/Data de remate: 10/01/2020

O oasado 25 de novembro, o IES de Allariz quixo reivindicar o dereito das mulleres organizando unha actividade na que participou todo o centro. Tamén nas diferentes materias e nas titorías se realizaron traballos sobre o tema.