O alumnado de 1º ESO participou nun obradoiro sobre minerais, impartido por unha antiga alumna do instituto, Raquel Pérez, docente e investigadora na Escola de Enxeñaría de Minas e Enerxía da Universidade de Vigo.

Moitas grazas por voltar ao teu centro.

O alumnado de 1º ESO participou nun obradoiro sobre minerais, impartido por unha antiga alumna do instituto, Raquel Pérez, docente e investigadora na Escola de Enxeñaría de Minas e Enerxía da Universidade de Vigo.

Moitas grazas por voltar ao teu centro.

Desde o 15 ao 29 de outubro, no edificio da ESO poderase ver a exposición itinerante Exxperimenta en feminino: Mulleres na ciencia, apoiada pola Unidade de Igualdade da UVigo e a Fundación Española para la Ciencia y la Tecnología (FECYT), do Ministerio de Ciencia, Innovación e Universidades. Está formada por 14 posters, tipo roll up, sobre mulleres cun destacado papel na investigación científica e tecnolóxica. De cada protagonista, a exposición recolle información da súa traxectoria, de cales foron as súas achegas e dos premios ou recoñecementos que recibiu tanto en vida como posteriormente. A selección de mulleres da exposición abarca desde a investigación básica á aplicada, desde o ámbito galego ao internacional e desde a física á informática. Así, a través dos roll up, o público pode coñecer desde a primeira muller galega (e española) en presentar unha tese no campo da astronomía, ata a muller que deu o seu nome á linguaxe de programación ADA.

Esta mostra ofrece información da física Mileva Maric; da física e pioneira na apicultura Eva Crane; da programadora Ada Lovelace; da astrónoma Antonia Ferrín; da bioquímica Margarita Salgas; da química e nutricionista Elsie Widdowson; da enxeñeira química Frances Arnold; da enfermeira Isabel Zendal; da microbióloga Esther Lederberg; da psicóloga e bióloga Linda B. Buck; da química industrial e farmacéutica María José Núñez; da farmacéutica e química Tarsy Carballas; da tecnóloga dos alimentos Concepción Llaguno e da química e farmacéutica Teresa Toral.

O obxectivo desta actividade é espertar vocacións científicas nos rapaces e rapazas a través de referentes femininos.

Rematamos cos Recreos Activos deste curso 2023-24 no cal o noso alumnado participou en actividades diversas coma Fit-tok, Floorball, Tenis de Mesa, Datchball, Futsal, Concurso de triples ou Voleibol.

O luns 16 de abril o alumnado de 4º ESO B e C foi ao río Arnoia para facer unha análise Físico/Química e Biolóxica da auga e unha valoración da Flora da ribeira. Dita actividade pertence ao Plan Proxecta: O Monte Vivo.

Hoxe na biblioteca, celebramos o Día de Rosalía co recitado de poemas de Rosalía por parte de alumnado da ESO e lectura do manifesto. A Biblioteca estaba engalanada con paraugas decorados polo alumnado con poemas e motivos relacionados coa nosa grande escritora.

Velaquí un vídeo cos traballos do noso alumnado que participou neste concurso escolar. PARABÉNS!!

Conmemoramos o do Día da Paz nun acto no que recordamos con tristura os conflitos armados existentes na actualidade no mundo.