Noraboa á nosa alumna Lucía X, de 1º de Bacharelato Ciencias por ese premio tan merecido.O tema de este ano era o Transhumanismo, os cambios que sufrirá a nosa especie coa introdución da tecnoloxía .As metas desta tecnoutopía son mellorar as nosas capacidades intelectuais, físicas e mesmo morais, e incluso conseguir a inmortalidade.

Este curso coma os anteriores imos deseñar unha das parcelas do Festival Internacional de Xardíns de Allariz en colaboración co CEIP Padre Feijoo. O tema que escollimos foi "O xogo cura. Máis parque menos pantallas". Tedes as instrucións e o plano para facer o voso deseño no anexo. Podedes inspirarvos nas seguintes imaxes:

O 23 de febreiro conmemórase o aniversario do nacemento de Rosalía de Castro. Conmemoraremos tan importante acontecemento con varias actividades que se están a preparar. Unha delas é o concurso de deseño das chapas e carteis para ese día.

Os días 21 e 25 de febreiro, contaremos coa visita do escritor Xabier Dominguez. Presentaranos o seu libro: Maxia de Pedra. Este obradoiro será para todo o alumnado de 1º ESO.

Gañadoras do concurso de microrrelatos:

1º Premio :Carmen Pérez (1ºESO C)

2º Premio : Naia Conde (1ESO B)

Gañador@s do concurso de máscaras:

1º Premio: Yihan Jin (1º ESO B)

2º Premio: Sheila gonzález (1ºESO B)

Un dos aspectos máis característicos e salientables da Cultura Galega é a tradición da celebración do Entroido, festa que abrangue moitos eidos, e un dos máis importantes é o da gastronomía. O EDLG do IES de Allariz convoca o concurso de vídeo receitas gastronómicas do Entroido. Animámoste a participar no concurso coa realización dun vídeo coa descrición e elaboración dunha receita gastronómica típica deste período de Entroido.

As vídeo receitas deberán enviarse á conta de correo electrónico ies.allariz@edu.xunta.gal antes do 1 de marzo. Na valoración da vídeo receita teranse en conta os seguintes criterios:

1. A receita será exposta en lingua galega e polo tanto, valorarase o seu uso axeitado.
2. Exposición clara da receita. Duración máxima de 5 minutos.
3. A calidade de elaboración do vídeo.

O/A gañador/a obterá un cheque asgasallo por valor de 50 € e o finalista de 20 €.

O venre 26 de xuño ás 5:30 na Colexiata de Xunqueira de Ambía, tivo lugar a entrega de premios do VII Concurso de relato e debuxo "Falando de Solidariedade" que este ano tivo como LEMA: "Historias solidarias en tempos de confinamento".

Participación: poderá participar todo o alumnado da ESO e 1º de Bacharelato

Como participar: Realizaredes un deseño acompañado dun lema pola Igualdade LGTBI+ en formato marcapáxinas ( 5x20 cms, ou mantendo a proporción) por unha ou as dúas caras (frontal e reverso). Poderanse empregar diferentes técnicas: bolígrafo, rotuladores, acuarela, lápices de cores, técnicas mixtas, etc.

Data límite de entrega dos traballos: 11 de xuño.

Podes entregar os traballos a través do correo electrónico do instituto: ies.allariz@edu.xunta.gal

Xurado: o día 15 de xuño o xurado escollerá entre os deseños recibidos un gañador. O xurado estará formado pola xefa de Departamento de Artes plásticas e Visual, a xefa de Departamento de Filosofía e coordinadora do equipo LGBT.

Premio: o premio terá unha dotación de 25 euros intercambiables en material escolar/libros.. O traballo gañador exporase na web do Instituto e con el faremos marcapáxinas que entegaremos s todo o profesorado e alumnado a principios do curso 2020-2021.Con todos os traballos participantes realizaremos unha exposición pola diversidade na páxina web do centro .

Na Semana das Letras Galegas (18-22 maio) , desde a BIBLIOTECA en coordinación co Departamento de L.GALEGA e cos colexios de primaria de Allariz e Xunqueira,de Ambía CONVOCAMOS a todo o alumnado a participar no VII Concurso de debuxo, conto e  relato "FALANDO DE SOLIDARIEDADE", organizado polo CEIP Padre Crespo de Xunqueira de Ambía, que este ano ten como LEMA: "Historias solidarias en tempo de confinamento".

ANÍMATE A PARTICIPAR  

As BASES pódense consultar no documento adxunto.