O noso alumnado de 1º de ESO e PMAR puido disfrutar o luns 4 de abril, do encontro con Sabela Núñez Singala, autora de O agasallo de Anya, obra que traballaron durante o 2º trimestre e que ten un gran contido de solidariedade.
A autora contoulles como este libro naceu dunha viaxe realizada a Ucraína na que puido coñecer de 1ª man as grandes necesidades que teñen os nenos e nenas dese país, a maioría dos cales viven en orfanatos.
Este libro é un complemento máis das distintas actividades que se están levando a cabo no centro durante este curso dentro do noso proxecto "Falando de Solidariedade".
Ademais de ao instituto, a autora foi aos colexios de primaria de Allariz e Xunqueira de Ambía.
Os coordinadores das 3 bibliotecas disfrutaron dun xantar compartido coa autora.

O noso alumnado de 3º ESO e 1º de Bacharelato inicia o trimestre cunha actividade de animación á lectura sobre "El Lazarillo de Tormes", libro que leron durante o 2º trimestre.
Este obradoiro está protagonizado por Raquel Queizás, quen dun xeito humorísticos e interactivo co alumnado, lles explica as pasaxes máis divertidas desta famosa obra.

Para conmemorar este día, desde a Biblioteca, en coordinación cos departamentos de Linguas, proxectouse durante os 2 recreos un documental que foi rodado en Allariz que leva por título POLAS BRAVAS ,protagonizado por 6 mulleres da nosa zona que fan do "rural" o seu modo de vida.

Ademais e dentro do Proxecto que estamos levando a cabo desde a Biblioteca "Falando de Solidariedade" quixemos rendirlle unha homenaxe a unha muller que está realizando un gran traballo en Nicaragua coa que leva colaborando o noso centro desde hai anos a través do CALENDARIO SOLIDARIO e á que o Concello de Lugo lle concedeu este ano o premio "ENTRE MULLERES". 
Trátase de ANA MARÍA VILA MONTERO, fundadora da ONG AXUNICA.

A responsable da biblioteca quixo agasallar aos seus colaboradores da Biblioteca cunhas lambetadas.
É un xeito de recompensar a súa dedicación durante este trimestre nos recreos e tamén nas actividades que se foron desenvolvendo.

GRAZAS A TOD@S:

Desde hai 3 tres anos, vimos realizando no noso centro un concurso de postais de Nadal.
Este ano, como estamos traballando coa "Solidariedade", o noso concurso levou o título "Falando de Solidariedade" e tódalas postais incluían mensaxes e imaxes solidarias.
Despois de elixir as postais gañadoras, fixemos unha exposición no corredor do centro, fronte á biblioteca.

O día 18 de decembro, durante o Festival de Nadal, a nosa compañeira Rebeca, fixo entrega dos premios ao alumnado gañador do concurso "Falando de Solidariedade".

As postais gañadoras foron as seguintes:

1º ciclo: Raguía Añel Fernández (1º ESO A)

2º ciclo (Accésit á orixinalidade): Lucía Calviño Fernández (PDCII)

Como tódolos anos, o alumnado de 1º ciclo da ESO participou na elaboración do CALENDARIO SOLIDARIO AXUNICA, guiados pola nosa compañeira Olga, que desde hai 30 anos colabora cos seus alumnos nesta causa.
O debuxo elixido do noso centro foi realizado por un alumno de PDCII, IÑAKI RIVERO.
Este ano ademais dedícase a "Manuel María", autor homenaxedado nas Letras Galegas e que aparece tamén no calendario.
Quíxose lembrar tamén o desastre ocorrido en Francia, cunha imaxe en homenaxe ás víctimas.
Desde a Biblioteca queremos felicitar tanto ao alumnado coma o profesorado que colabora neste proxecto polo seu traballo e dedicación.

Grazas a todos aqueles alumnos que se comprometen a vender o calendario para recadar fondos para esta causa.

O pasado 23 de outubro e, dentro das actividades que se organizaron para conmemorar o "Día da Biblioteca", o alumnado de 1º, 2º ESO, asistíu á Casa da Cultura do Concello de Allariz, para ver a adaptación que Cándido Pazófixo da famosa obra de Neira Vilas "Memorias dun neno labrego".
A esta actividades tamén asistiron os alumnos de5º e 6ª de primaria do colexio CEIP Padre Feijoo de Allariz.

Foi unha actividade compartida que disfrutaron moito.

O día 21 de outubro e dentro das actividades que estamos organizando polo mes da Biblioteca, o alumnado de 3º ESO, acompañados de Manuela e María, realizaron as seguintes actividades:

1. Visita ao castro de Santomé, onde puideron disfrutar da natureza e aprender cousas sobre a cultura castrexa.

2. Obradoiro sobre "O Segredo dos Franciscanos" que se levou a cabo no Arquivo Histórico de Ourense e lles permitiu facer un percorrido pola historia desta orde na cidade de Ourense.

3. Visita ao Mosteiro de Oseira, onde ademais de poder contemplar a marabillosa arquitectura do mosteiro puideron ver a súa fermosa "Biblioteca".