www.iesallariz.gal

Fermosas fotos do grupo "No Brain" (Celso, Brais, Dani, Héctor) todos eles alumnos do IES de Allariz, feitas por Nerea Devesa, tamén alumna deste IES. Podedes ver máis en "galerías", na parte superior da páxina. 

O Pasado luns, 13 de abril, o alumnado de 1º e 2º ESO asistiron a un obradoiro de animación á lectura na Casa da Cultura de Allariz, a cargo de Raquel Queizás sobre a obra "El Quijote".

Iníciouse así o ciclo de actividades que vai organizar a Biblioteca en colaboración cos departamentos didácticos para conmemorar o "Mes do Libro".

Nesta actividade tamén participou o colexio de primaria Padre Feijoo, co que colaboramos estreitamente desde a Biblioteca.

     Celebrouse en Ourense a VI Olimpíada de Xeoloxía, participando nela 12 alumnas e alumnos do noso IES. Cristhian Rivero Vidal, de 1º de Bacharelato, acadou un moi meritorio 4º posto provincial entre os 75 participantes.

Ademáis das fotos que vedes eiquí, tedes máis na galería de imaxes desta páxina. As mellores foron feitas polo profesor do IES Taboada Chivite de Verín Don Javier Rodríguez, ao que lle expresamos o noso agradecemento.

No noso centro quixemos celebrar este ano o Día de San Valentín  con música e poesía.

O día 12 de febreiro, o departamento de francés, dirixido por Pilis, organizou unha actividade relacionada con cancións de amor en francés. Durante os 2 recreos, puidemos disfrutar coa música e tamén coa contemplacion duns fermosos corazóns cheos de "letras de amor".

Por outra banda, o dia 13, venres, o departamento de Lingua Castelá, en coordinación coa Biblioteca, organizou unha "Exposición de Poemas de amor decorados" que tivo moito éxito. A actividade consistíu en que o alumnado buscou poemas de amor de escritores famosos en galego, castelán, francés e inglés e decoráronos cada un ao seu xeito. Logo expuxéronse nos corredores do centro para que cadaquén elixise o que máis lle gustase e puides

e agasallar á persoa que quixeran.

O pasado martes, 3 de febreiro algúns alumnos de 1º e 2º de bacharelato e 1 de PDCII acudiron a unhas tertulias en castelán no Liceo de Ourense sobre a obra de Clara Sánchez "Lo que esconde tu nombre".

Estiveron acompañados do alumnado do IES "Lagoa de Antela" de Xinzo de Limia e tamén do IES "Ferro Couselo" de Ourense.

Coma sempre foi unha actividade da que disfrutamos moito tanto alumnos como profesores a pesar de que as condicións climatolóxicas este ano non eran moi boas.

     Raquel Pérez Orozco, antiga alumna deste centro, acaba de obter o Premio Extraordinario Fin de Grao (Enxeñaría da Enerxía) da Universidade de Vigo.

     Felicidades por este recoñecemento ao seu magnífico traballo.  

Onte, 26 de novembro, reunímonos na Casa da Mocidade os clubs de lectura de 5 centros educativos (IES Allariz, Maceda, Bande, IES Lagoa de Antela e IES Cidade de Antioguía de Xinzo de Limia) para asistir a unha tertulia literaria sobre a obra de Francisco Castro "O corazón de Branca de Neve".

A actividade resultou moi ben e o alumnado puido disfrutar dunha tertulia radiofónica e tamén do encontro co autor. Foi moi amena e todos participaron de xeito activo.

O alumnado de 2º de ESO e 4º de ESO realizaron uns fermosos traballos nas materias de Educación para a Cidadanía e Ética coa súa profesora María de Toro.

Mañá, a terceira hora, farán unha lectura na Biblioteca daqueles textos máis representativos que logo serán lidos en público na praza do concello ás 12:00.

O IES quixo unirse á homenaxe que outros colectivos da vila lle queren render a tantas mulleres que sofren "Violencia de xénero".

O día 12 de novembro, o alumnado de 3º e 4º ESO tiveron a oportunidade de coñecer a Ricardo Gómez, autor das obras que leron durante este trimestre na materia de Lengua Española.

Foi unha actividade entretida, na que o alumnado interactuou co autor moito, tendo a oportunidade de poder entender mellor as obras lidas.