www.iesallariz.gal

A contratación do servicio de cafetería do IES DE ALLARIZ, para o curso 2017-18, sae a concurso público.

O servicio de cafetería debe funcionar no período que vai dende o 1 de setembro de 2017 ata o 30 de xuño de 2018, co seguinte horario: 10:00 a 13:00 horas de luns a venres. Quen resulte adxudicatario deberá, antes da firma do contrato, subscribir unha póliza de seguro cunha cobertura mínima de riscos por valor de 20.000€.

Nos arquivos adxuntos, pódense descargar os seguintes documentos necesarios para participar no concurso:

1. Folla de Especificacións Técnicas.
2. Condicións para a Contratación do servicio.
3. Anexo I (formulario de Declaración Responsable).
4. Anexo II (formulario para a Proposición Económica).
5. Anexo III (Lista de prezos máximos).

O centro aceptará ofertas e demais documentación necesaria na Secretaria do centro ata as 13:00 horas do día 12 de xullo de 2017.

NO DOCUMENTO ADXUNTO OU PREMENDO EIQUÍ PÓDESE CONSULTAR A RELACIÓN DE LIBROS DE TEXTO PARA O CURSO 2017 - 2018

No documento adxunto pódense consultar os prazos e procedementos para facer a matrícula no curso 2017 - 2018, solicitar axudas para adquisición de material escolar, e participar no fondo solidario de libros de texto. 

No documento adxunto pódense ver as instrucións para a realización, dentro do curso 2016-2017, da avaliación de bacharelato para o acceso á Universidade (ABAU) 

Jacobo Conde Cid, alumno de 2º de Bacharelato do IES de Allariz, quedou en terceira posición na fase provincial da VIII Olimpiada de Xeoloxía. Felicitacións a el moi especialmente, pero tamén ao resto do alumnado participante.

O exalumno do IES de Allariz Iván Feijoo gaña o campionato de España junior de bicicleta de montaña, mentres que a exalumna Arnoia Bouzas conta as súas ricas experiencias educativas, en tódolos sensos, por Europa adiante (Trieste. Londres, Turín, Boloña...)

http://www.lavozdegalicia.es/noticia/ourense/allariz/2017/01/09/dotta-rossa-allariz/0003_201701O9C8991.htm

http://www.laregion.es/articulo/deporte-local/nadie-puede-ivan-feijoo/20170109085312676664.html

Raquel Pérez, antiga alumna do IES de Allariz, conseguíu o premio ao mellor expediente académico no Máster en Enxeñaría de Minas da Universidade de Vigo.

Un premio ao esforzo e a paixón

A titulada Raquel Pérez, recoñecida co Premio ao Mellor Expediente da súa promoción, confesaba sentirse enormemente agradecida á escola e ao Colexio de Enxeñeiros de Minas do Noroeste. “A verdade é que resulta unha grata recompensa polo esforzo e a entrega durante os anos de mestrado”, sinala. Ante unha titulación que esixe tantas horas de dedicación, a alumna recoñecía que cando “un lle pon paixón o que fai, o traballo é moito máis levadeiro”. Pérez considera que “un recoñecemento deste tipo sempre se vai ter en conta de maneira positiva á hora de iniciar a vida laboral”, aínda que agarda que cando ocupe un posto de traballo sexa porque ten as cualidades idóneas para o mesmo, e non por este tipo de recoñecementos previos.

Segundo indica a premiada, no máster lévase a cabo unha formación integral nos campos da extracción, transformación e xestión dos recursos, ben sexan naturais (minerais, augas, espazos subterráneos) coma enerxéticos (renovables e convencionais). A ela o mestrado serviulle para completar a formación como enxeñeira nos temas relacionados coa industria extractiva, os explosivos e a metalurxia. Resulta positivo observar que nunha titulación na que sempre houbo máis alumnos que alumnas, a tendencia vai cambiando, como así o demostra este outorgamento, a pesar de que nesta promoción do mestrado “eramos dúas mulleres fronte a oito homes”, confesa a alumna.

Texto e fotos: http://duvi.uvigo.es/index.php?option=com_content&task=view&id=12166&Itemid=47.

Entrevista en "La Voz de Galicia"

Lorena Quintas Rejo

Luis Pérez Álvarez

Gabriela Zerpa Ostilla (Gaby), antiga alumna do IES de Allariz, recibíu da Universitat Jaume I, dentro dos Premios Ernest Breva á Excelencia Académica, o Premio ao Rendemento Académico de Primeiro Curso no Grao de Publicidade e Relacións Públicas.

Parabéns e a seguir con esa brillante traxectoria á que nos tés xa acostumados.

Rocío Dopozo Gómez, Eva Quintas Rejo e Luis Pérez Álvarez, estudantes do IES de Allariz, acompañados pola súa profesora de Economía, Mercedes Pumar García, participaron nas Olimpiadas Galegas de Economía. Luis Pérez logrou a medalla de bronce, polo que participará proximamente nas Olimpiadas Españolas de Economía que terán lugar en Valladolid.

Noraboa a estudantes e profesora!