www.iesallariz.gal

O Concello de Allariz, organiza a comezos de outubro unha Semana dedicada ás Persoas Maiores.
Desde o noso centro levamos participando desde o ano pasado, organizando unha convivencia entre adolescentes e persoas maiores.
A actividade consiste en facer unha "Andaina Interxeracional" ó redor dunha actividade cultural.
Este ano fomos visitar Santa Mariña de Augas Santas e o Castro de Armea.
O alumnado escollido foi o grupo de PMAR (8 rapaces) que pasaron unha xornada de intercambio de experiencias o día 1 de outubro e posteriormente puideron gravar un programa de radio en Radio Allariz.

Foi unha experiencia xenial que esperamos poder repetir.

Un alumno do noso centro, Gonzalo Villar de 3º ESO (PMAR) representou ao noso centro coa gravación dun fragmento do famoso poema de Curros Enríquez "A Virxe do Cristal".

Nesta actividade, que organiza a "Casa dos Poetas"  participaron tamén os colexios de primaria de Allariz e Xunqueira de Ambía, xunto con outros centros de Galicia.

Preténdese facer unha homenaxe ao párroco de Vilanova dos Infantes, tristemente falecido o ano pasado, a través da lectura de distintos fragmentos da famosa obra de Curros por parte de alumnos de distintos centros que ao longo dos anos foron visitando Celanova.

Agradecemos a colaboración do noso excompañeiro, Rogelio Barbosa, que se ofreceu a facer a gravación e editala para mandala á Casa dos Poetas.

Comeza un novo curso escolar.

Seguindo o Lema da Biblioteca Escolar deste ano: "Biblioteca Escolar, base de exploracións"

ANIMÁMOSVOS A QUE PARTICIPEDES nas nosas actividades:

1. CLUB DE LECTURA

2. TERTULIAS LITERARIAS

3. VISITAS CULTURAIS

4. OBRADOIROS DE ANIMACIÓN Á LECTURA

5. EXPOSICIÓNS....

E MOITAS MÁIS....

BENVIDO/AS A TODO/AS

Este é o alumnado que participará os vindeiros 26 e 27 de xuño nun cursiño para mediadores escolares en Viana do Castelo

Esta fin de semana comezaron as esperadas "Festa do Boi" que se estenderán ata a vindeira fin de semana.

Onte, 31 de maio, celebrouse a "Procesión do Xan de Arzúa" na que participan alumnos e profesores do noso centro. 

Pola tarde, houbo unha presentación de "Bailes" e "Sobremesas" dos diferentes gremios. Foi unha actividade moi animada á que asitíu moita xente da vila e dos arredores.

31 de maio: "Procesión de Xan de Arzúa"

1 DE XUÑO "ROTEIRO DO BOI"

3 DE XUÑO "OS MONICREQUES"

ESTUDO CIENTÍFICO DO BOI DO DO ALUMNADO DE BIOLOXÍA 1º BAC

O pasado 28 de maio, o alumnado de 4º de ESO e PDCI puideron disfrutar dun día de excursión en Pontevedra e O Grove.

Visitaron, acompañados das súas profesoras Belén Barril e María Sánchez, o Museo de Pontevedra onde puideron facer un percorrido pola historia de Galicia desde o Paleolítico ata a actualidade. Logo fixeron o "Roteiro de Castelao" pola parte antiga de Pontevedra.

Tiveron un tempo libre para comer e como o tempo acompañaba algúns disfrutaron dun baño nas augas do Grove.

Pola tarde realizaron unha viaxe en catamarán pola Ría de Arousa no que ademais da beleza da paisaxe puideron aprender moitas cousas sobre as técnicas de captura de mexilóns, vieiras, ostras e tamén coñecer as especies de algas que habitan a nosa Ría.

Foi un día inolvidable xa que ademais tiveron un encontro con unha profesora de Lingua Española, Sara, que estivo con eles o ano pasado e á que querían moito.

Un día inesquecible sobre todo para o alumnado de PDCII que tiñan moita ilusión por volver ver a sú extitora.

Celebrouse a cea de fin de curso do alumnado de 2º de Bacharelato deste curso 2014-2015. Moi, moi ben organizada, pasámolo moi ben.

Maís fotos en "Galerías", na parte superior da páxina.

O día 18 de maio, o alumnado de 1º ESO e 2º ESO (AE) acudiron a unha representación teatral ofrecida pola compañía "Os Quinquilláns" na Casa da Cultura de Allariz sobre a obraA esta actividade tamén acudiron os alumnos de 4º, 5º e 6º de primaria dos colexios de Xunqueira de Ambía e Allariz. de Neira Vilas "O Espantallo amigo"

Colaboraron os 3 centros escolares e o concello coa editorial Galaxia para ofrecer esta actividade no Mes das Letras Galegas.

O pasado 15 de maio, fíxose entrega en Xunqueira de Ambia dos premios do II Concurso "Falando de Solidariedade".

Do noso centro resultaron premiados seguintes alumnos:

1º Ciclo: Francisco Morales Vidal (2º ESO): 1º premio

2º Ciclo: Elisabeth Lorenzo (PDCII): Finalista

Bacharelato:

             Eva Quintas (1º Bacharelato): 1º premio

             Manuel Fernández (2º Bacharelato): Finalista