www.iesallariz.gal

Esta semana iníciase no noso centro co alumnado de 3º ESO o programa Quérote + , sobre educación sexual, dentro do Plan Proxecta +, de innovación educativa, da Consellería de Cultura, Educación, Formación Profesional e Universidades en colaboración con outros organismos.

Todas as actividades que se desenvolvan serán publicadas no blog "Quérote + no IES de Allariz", ao que podedes acceder premendo aquí.

O pasado venres 17 de novembro, alumnado de 1º a 3º ESO participou na fase zonal de Cros do Xogade desfrutando dunha xornada deportiva e acadando moi bos resultados (como podedes ver nas fotos adxuntas)

O obxectivo desta xuntanza é dar información sobre o programa YAM (Youth Aware of Mental Health) ou Xuventude Consciente da Saúde Mental. Trátase dun programa escolar dirixido á mocidade entre 13 e 17 anos no que aprenden e debaten sobre saúde mental.

O pasado luns, o alumnado de 1º ESO asistiu a un obradoiro de poesía impartido pola autora Alba Cid. Podedes ver a nova reflectida en La Voz de Galicia.

O pasado venres 3 de novembro, o noso alumnado de 4º ESO e 1º BACH, asistiu na Casa de Cultura a unha charla de Bernardo Caal, activista medioambiental guatelmalteco encarcerado inxustamente por defender á súa comunidade do expolio dos recursos naturais.

Incorporamos o catálogo online da Biblioteca do IES de Allariz á nosa web, xa non tedes escusa para buscar libros, e lelos , na nosa biblioteca!

Está no menú da dereita co icono da imaxe.

O pasado martes 17 de outubro, o alumnado de 1º Bach desfrutou dunha xornada de rafting polo río Miño ao seu paso pola localidade pontevedresa de Arbo.

Premede na imaxe superior para ver as súas habilidades...

Convocatoria para a xestión de probas de acreditación de competencia lingüística en linguas estranxeiras para o alumnado que curse estudos en centros públicos non universitarios dependentes da Consellería de Cultura, Educación, Formación Profesional e Universidades durante o curso 2023/2024.

O alumnado interesado deberá entregar na secretaría do centro ata o día 2 de novembro incluído a solicitude de participación cuberta e asinada.

Non se recollerán solicitudes por correo electrónico.

Publicación da listaxe definitiva do alumnado que participará na mobilidade a Italia no curso 2023-2024