primaria
O alumnado do club de ciencias de 6º B de EP e 2º A de ESO traballou as leis de Newton, consideradas como as máis importantes da mecánica clásica neste obradoiro:
- A lei da inercia.
- A relación entre forza e aceleración.
- A lei de acción e reacción.
Pero sobre todo esta última tan importante para o lanzamento dos foguetes.
O obradoiro constou de tres partes:
- Unha parte teórica cunha exposición moi interesante sobre as leis de Newton e os foguetes e satélites artificiais, ou sexa, a viaxe ao espazo.
- A construción propiamente do noso foguete feita polo alumnado, grazas ás indicacións de Óscar e Antonio os monitores de Ciencia en Ruta.
- O lanzamento dos foguetes, esta parte foi a que levantou máis expectación entre o alumnado.
Todos os grupos querían repetir os lanzamentos e o alumnado da ESO incluso foi capaz de acertar a cantidade de auga máis axeitada para que o foguete acadase velocidade.
FOI INTERESANTÍSIMO!
Mércores, 26 de maio, 2021.
Hoxe tivemos unha visita moi especial no noso CPI: Jorge Mira.
Pola mañá, o alumnado do club de ciencia de 6º B de EP, traballou o tamaño do Sistema Solar e construíu o noso Sistema Solar a escala no patio. Simulando o Sol cunha pelota de tenis e os planetas con canicas e pedriñas, o alumnado comprobou as distancias e os distintos tamaños relativos entre estes corpos celestes.
Pola tarde, mantivo unha charla co alumnado de 4º ESO, co título "Química no amor", e desvelou os segredos de como eliximos parella desde o punto de vista puramente científico.
A Voz da Mata non podía desaproveitar a oportunidade de entrevistar un persoeiro galego tan importante. Non perdades a súa entrevista a cargo de Andrea, Manuel e Claudia (alumnado de 4º ESO) que podedes escoitar visitando a canle de IVOOX da Voz da Mata, a Aula Virtual do CPI, ou premendo AQUÍ. Nela descubriredes unha anécdota sobre o premio Nobel, John Nash, cal foi o labor de Jorge Mira no equipo de investigadores encargados da predición da evolución da COVID-19, consellos aos estudantes que rematan ESO e BAC, e moitas cousas máis.
Máis fotos das actividades:
Venres, 21 de maio, 2021
O alumnado de 6º B de EP continúa a experimentar; esta vez usando o microscopio para ver distintas mostras de seres vivos do laboratorio de secundaria.
Tan interesante foi a sesión que a nai dun alumno conseguiulles máis mostras das que ela mesma analiza na súa clínica de animais. Grazas a isto viron células animais, vexetais, glóbulos vermellos, plaquetas e tamén ácaros, bacilos, cocos, células reproducíndose...
Estas son algunhas das cousas que tiveron a sorte de ver:
- Escamas de bolboreta
- Óso compacto
- Pata de mosca
- Ril de coello
- Fígado de ovella
- Cloroplastos
- Cotiledónea
- Raíz, talo e folla de monocotiledónea
- Dicotiledónea
- Urina de gato (infectada)
- Linfoma de can (cancro de ganglios simpáticos)
- Pelo de can (ácaros no pelo)
- Orella externa e interna de can con dermatite (malasezia pachynodermia)
- Citoloxía ocular de can
- Citoloxía de nódulos subtucular de gato
- Frotis de sangue de can
A experiencia foi moi interesante.
Venres, 14 de maio, 2021.
Co gallo do 12 de Maio: Día Escolar das Matemáticas durante toda a semana o alumnado de primaria gozou duns obradoiros de matemáticas onde puideron achegarse a elas dunha maneira máis recreativa e lúdica.
Neles realizaron sudokus, figuras xeométricas, traballaron o cálculo e a orientación espacial, tiveron xogos de lóxica, construiron un metro cuadrado e un metro cúbico...
As actividades estiveron organizadas polo Equipo de Biblioteca Creativa e o Club de Ciencia.
Venres, 7 de maio, 2021.
O alumnado de 6º B de EP segue a experimentar.
Neste caso facendo un indicador de pH caseiro con col lombarda, así estudiaron como son as sustancias que nos rodean, se son ácedas, básicas ou neutras.
Para a súa sorpresa a auga que debería ser neutra, non o é no experimento; nin a auga embotellada, nin a da fonte, nin a da piscina, nin a auga con sal.
Todas as sustancias que utilizaron teñen un uso cotiá tanto na casa coma na colexio.
Eles mesmos foron quen de ordealos segundo o seu pH gracias as cores.
E tanto lles gustou que ao día seguinte buscaron máis sustancias para saber o seu pH.
E así quedou o noso experimento.
Esperamos que vos guste o experimento tanto como a eles.
Xoves, 29 de abril, 2021.
O alumnado de 6º B de EP realizou o seguinte experimento, como extraer a clorofila dunha folla.
O proceso foi o seguinte:
Cortaron as follas en pedazos moi pequenos, os cales botaron en vasos e cubriron con acetona ao 90%.
Deixáronno repousar durante un día enteiro pero o taparon con film para evitar o cheiro forte á acetona e a evaporación desta.
Meteron papel de filtro dentro do vaso, axudáronse cun lapis ou bolígrafo para que quedase en posición vertical e deixárono durante media hora para que a clorofila fose subindo polo papel de filtro.
Así que metes o papel xa se ve como vai subindo a clorofila pero non é ata media hora despois que esta queda impregnando o papel de filtro.
O resultado foi o seguinte:
Venres, 26 de marzo, 2021.
O alumnado de 6º B de EP ademáis de estudar a célula e facer traballos sobre ela, decidiu confeccionar a súa propia célula utilizando os elementos que tiña ao seu alcance.
Este é o resultado do seu bo traballo.
Durante esta semana puidemos gozar dunha exposición realizada polo alumnado do club de ciencia de 6º B EP na que nos descubriron moitas mulleres científicas descoñecidas.
Hoxe no Club de Ciencia de EP o alumnado de 6º B de EP guiado pola súa profesora Elvira viron a importancia da hixiene, a importancia de lavar as mans con xabón.
O club de ciencia despídese ata o vindeiro curso coa montaxe das pontes realizadas polo alumnado do centro.
Moitas grazas pola vosa participación e por vos converter en enxeñeiros e enxeñeiras por un día.
Esperámosvos no club o curso que vén.
Bo verán!!