Na sesión de hoxe o alumnado de 1.º e 2.º de ESO realizou dous experimentos:

• Crear unha pirámide holográfica para ver vídeos e imaxes en 3D empregrando os seus móbiles.
• Crear unha estrutura antigravidade.

Máis fotos da actividade: aquí.

Continuamos a celebrar o 11F Día da Muller e da Nena na Ciencia, hoxe o departamento de tecnoloxía preparou unha actividade relacionada coa enxeñeira Elena García Armada. A actividade consistiu en crear un robot grafiteiro (relacionando así co PDI do centro).

Preme sobre a imaxe para ver un vídeo coa actividade realizada.

Máis fotos da actividade: aquí.

Pechamos o Mes da Ciencia en galego nas bibliotecas coa actividade organizada polo departamento de Tecnoloxía: robótica e impresión 3D na biblio!

Todos e todas as que se achegaron á Quinta durante o recreo quedaron fascinados cos “ben guiadiños” robots educativos mBot e coa impresora 3D en pleno funcionamento!

Preme na imaxe para ver un vídeo coas actividades realizadas.

Máis fotos da actividade: aquí.

Desde o ano 2000, declarado pola UNESCO Ano Mundial das Matemáticas, instituíuse en España a celebración do día 12 de maio como Día Escolar das Matemáticas pola Federación Española de Sociedades de Profesores de Matemáticas (FESPM).

A data escollida para esta celebración coincide coa do nacemento do insigne matemático Pedro Puig Adam, quen naceu o 12 de maio de 1900 e foi o iniciador da didáctica das matemáticas en España.

A finais do mes de marzo, de non estarmos confinados, montariamos a Cúpula de Leonardo no centro, pero non foi posible... No seu lugar, invitamos o alumnado a montar na casa a Ponte Autoportante de Leonardo.

Imaxe de Core77

A devandita ponte está recollida nun dos seus códices, o Códice Atlanticus (nos folios 69r e 71v). Trátase dunha ponte "ideada tanto para perseguir como para fuxir do inimigo". O feito orixinal desta ponte lixeira en forma de arco é que non requiría cravos, parafusos, cordas nin ningún outro medio para permanecer ergueita. O propio peso dos seus elementos era responsable de mantelos unidos.

Con que material a queres construír? Escolle o que máis che preste!

• Espaguetes cortados pola metade

• Lapis

• Paus de madeira

• Pallas de bebidas ás que lles podes facer uns cortes

• Calquera outro material que teñas pola casa

 Os pasos que debes seguir son os seguintes:

Imaxe de Core77

Como sabedes o proxecto da biblioteca deste ano é “O Río Miño”, seremos capaces de levantar unha ponte que cruce o Miño e que una o concello do Rosal coa veciña Portugal?

Pontes feitas por @bblanc0

Animádevos a facelo! Convertédevos en enxeñeiros ou enxeñeiras por un día!!!

Mandade as vosas fotografías ao seguinte enderezo de correo electrónico

 merceds.profe@gmail.com

O club de ciencia reuniuse os mércores 6 e 20 de novembro de 14:30 a 16:30 h.

Durante o mes de novembro con motivo do Día Internacional da Violencia contra a Muller, o club de ciencia elaborou un gráfico no que se representa o número de mulleres vítimas mortais por violencia de xénero en España a mans das súas parellas ou exparellas.

Para a súa realización o alumnado:

• investigou porque se elixiu esta data,
• buscou en que páxinas investigar os datos necesarios para crear o gráfico,
• mediu a parede en que se colocaría o gráfico
• fixo os cálculos necesarios para facer a escala o gráfico.

O resultado final foi o seguinte:

Seguimos cos obradoiros dos martes con motivo do Mes da Ciencia en Galego nas Bibliotecas.

Hoxe o departamento de Tecnoloxía trasladou á biblioteca os robots que seguen liñas, labirinto e a impresora 3D Prusa I3.

Moitas grazas a Pablo Alexis por facelo posible. O alumnado pasouno moi ben como se pode ver no vídeo feito polo equipo da biblioteca.

Co gallo do Mes da Ciencia en Galego nas Bibliotecas, o Club de Ciencias colaborará co equipo da Biblioteca do centro desenvolvendo unha serie de obradoiros destinados a todo o alumnado. Os obradoiros terán lugar os martes do mes de novembro durante o recreo.

Martes 12:

Matemaxia co matemago Gutier: trucos de maxia con matemáticas

Martes 19:

Robótica: Segue liñas con mBot, labirinto

Impresora 3D Prusa I3

Martes 26:

Cromatografía

Experimentando con Maicena (fluídos non Newtonianos)

Anímate a participar!