biblioteca
Pechamos o Mes da Ciencia en galego nas bibliotecas coa actividade organizada polo departamento de Tecnoloxía: robótica e impresión 3D na biblio!
Todos e todas as que se achegaron á Quinta durante o recreo quedaron fascinados cos “ben guiadiños” robots educativos mBot e coa impresora 3D en pleno funcionamento!
Preme na imaxe para ver un vídeo coas actividades realizadas.
Máis fotos da actividade: aquí.
Os científicos e científicas de 5.º B EP tiveron a oportunidade de experimentar coas cores.
O azucre dos Lacasitos fixo subir a densidade da auga e formou barreiras a cor. Logo de tremendo experimento científico, chegou o culinario, pois tamén puideron comprobar que os Lacasitos da auga seguían estando ricos!
Actividade organizada en colaboración da Quinta.
Vídeo da actividade: aquí.
Primeira xornada do mes da ciencia. Os rapaces e rapazas puideron gozar de utilizar microscopios, lupas, tocar e ulir minerais e rochas, ver animais en formol...
Actividade organizada polo departamento de bioloxía do Club de Ciencia e a biblioteca da Quinta.
Ver todas as fotos da actividade: aquí.
Mércores, 30 de novembro, 2022
Para rematar o Mes da Ciencia en Galego nas Bibliotecas o Club de Ciencia organizou un show científico a cargo do divulgador David Ballesteros (colaborador do programa Aquelando na TVG), no que o alumnado de 1º e de 2º de ESO gozaron e aprenderon coa ciencia.
Ver o álbum e vídeo da actividade.
Xoves, 24 de novembro, 2022
Parte do alumnado de 1º ESO do club de ciencia, no marco das actividades do Mes da Ciencia en Galego nas Bibliotecas, prepararon un obradoiro para explicar o concepto de densidade dos corpos aos compañeiros e compañeiras de 4º e 5º de EP.
A sesión de preparación foi onte, mércores ao mediodía.
Podedes ver aquí o vídeo coa preparación e o obradoiro realizado.
Xoves, 17 de novembro, 2022
Presentamos "Ciencia na Mata" unha serie de podcasts nos que falaremos de temas científicos.
Xa podedes escoitar o primeiro programa na canle de IVOOX da radio do CPI, A Voz da Mata.
Neste primeiro podcast o alumnado de 1º ESO do club de ciencia infórmanos do programa para celebrar o Mes da Ciencia en Galego nas Bibliotecas no noso CPI e danos a coñecer a Fleming.
Preme aquí para escoitar o programa.
Ver o álbum e vídeo da actividade.
Mércores, 16 de novembro, 2022
O club de ciencia en colaboración coa biblioteca segue a celebrar o Mes da Ciencia en Galego nas Bibliotecas, esta semana foi a quenda do alumnado de 5º EP (o luns, 5º A EP; o mércores, 5º B EP) co obradoiro Coas mates pódense gardar segredos, co cal coñeceron o código César e aprenderon a codificar e descifrar mensaxes.
Xoves, 10 de novembro, 2022
Co gallo do Mes da Ciencia en Galego nas Bibliotecas
o alumnado de 6º EP do club de ciencia experimentou coa densidade, actividade moi vencellada co PDI deste ano Eureka! Inventos, inventores e inventoras.
Ver o álbum e vídeo da actividade.
O mércores, 3 de novembro, foi o primeiro encontro do curso do club de ciencia da ESO que coincide coa celebración de Novembro. Mes da Ciencia en Galego nas Bibliotecas, polo cal un dos grupos fixo o experimento na biblioteca do centro, os outros dous grupos realizárono nos labotorios de bioloxía e física-química. Para esta primeira xornada anotáronse cerca de 70 alumnos/as, todo un éxito de convocatoria.
Nesta primeira actividades comemos e experimentamos.
O primeiro experimento realizado foi comprobar se bailan as lentellas, para iso o alumnado tivo que tarar a báscula, medir e familiarizarse co distinto material do laboratorio.
Os pasos da práctica foron os seguintes:
1. Pesar 5 gramos de bicarbonato, botalo no vaso de precipitados.
2. Engadir auga da billa co frasco lavador un pouco menos de 50 ml.
3. Revolver para que se disolva e vertelo na probeta.
4. Completar ata os 50 ml.
5. Botar 4 ou 5 lentellas que irán ao fondo porque son máis densas que a auga.
6. Engadir vinagre ata os 80 ml, pouco a pouco as lentellas comezan a subir.
