bioloxía
Na sesión de hoxe o alumnado de 1.º e 2.º de ESO gozou de dous experimentos. No primeiro extraeron os pigmentos fotosintéticos das plantas e no segundo fixeron unha columna de densidade coas cores do arco da vella.
Preme na imaxe para ver un vídeo da actividade.
O alumnado de 1.º ESO do club de ciencia fixo un experimento simulando o ciclo das rochas empregando chocolate, simularon o paso de rochas sedimentarias a magmáticas e volcánicas con chocolate.
Máis fotos da actividade: aquí.
Hoxe foi a quenda do alumnado do club de ciencia de 1.º e 2.º de ESO, nesta sesión repetiuse a actividade realizada co alumnado de 4.º ESO: tomando polo, mazá e pataca fixeron unha simulación do proceso dixestivo ao completo para rematar obtendo feces.
Máis fotos da actividade: aquí.
Nesta sesión do mércores do Club de Ciencia, na que participou o alumnado de 4.º ESO, realizouse unha simulación do aparello dixestivo: o alumnado collendo polo, mazá e pataca fixo unha simulación do proceso dixestivo ao completo para rematar formando feces.
Vídeo da actividade: aquí.
Primeira xornada do mes da ciencia. Os rapaces e rapazas puideron gozar de utilizar microscopios, lupas, tocar e ulir minerais e rochas, ver animais en formol...
Actividade organizada polo departamento de bioloxía do Club de Ciencia e a biblioteca da Quinta.
Ver todas as fotos da actividade: aquí.
Venres, 2 de xuño, 2023.
Hoxe tivemos o pracer de contar no centro co biólogo mariño Noé Ferreira o cal nos ofreceu unha estupenda charla sobre os mexillóns de río.
O alumnado de 6.º de EP puido descubrir cousas moi interesantes sobre estes bivalvos como que hai ata 4 especies diferentes en Galicia.
A continuación, Leire, Aroa, Saray e Aitor realizáronlle unha marabillosa entrevista na Voz da Mata que podedes escoitar aquí.
Ver vídeo da charla.
Actividade organizada polo Club de Ciencia e Chus Grela (profesora de relixión de Educación Primaria).
Mércores, 24 de maio, 2023.
Hoxe o alumnado de 1.º ESO do club de ciencia aprendeu a facer xabón empregando aceite usado e sosa cáustica.
Os vindeiros días veremos o resultado.
Martes, 9 de maio, 2023.
Continuamos coa labor empezado no curso pasado: o horto escolar.
O alumnado de ESO preparou o horto para que o alumnado de primaria poidese plantar.
Nos seguintes vídeos podedes ver o resultado: vídeo 1 (6.º EP), vídeo 2 (toda EP).
Mércores, 26 de abril, 2023.
O alumnado do club de ciencia de 1.º ESO está a preparar unha performance sobre a auga, aprenden como divulgar contidos científicos a través do teatro. Hoxe foi o primeiro ensaio a cargo de Lucho Penabade, integrante da compañía teatral Os Quinquilláns. Actividade organizada polo Concello do Rosal.
Mércores, 19 de abril, 2023.
O alumnado de 1.º de ESO integrante do club de ciencia está a preparar unha performance sobre a auga, actividade organizada polo Concello do Rosal.
Na primeira sesión asistiron a unha charla sobre a auga, o seu uso, é infinita?...
