25/10/2017

Estes días de prórroga de verán, o alumnado de 1º de ESO está participando nun obradoiro de cociñas solares organizado polo Concello de Narón (en colaboración co noso departamento de Bioloxía e Xeoloxía). Na foto, podedes ver unhas verduriñas en proceso de cocción.

02/07/2017

Seguro que moit@s de vós vistes en directo as acrobacias dos nosos alumnos de 4º de ESO Álex e Dani nalgún recreo. Deixamos de recordo este pequeno vídeo que xa foi proxectado no último festival de fin de curso.

Por outra parte, o alumnado de 4º de ESO comezou a traballar na montaxe do seu propio vídeo de despedida moi poucos días antes do festival, polo que a alumna Negra Doce ten intención de facer melloras durante o verán sobre a que presentaron no Pazo, de xeito que sería publicada despois.

01/07/2017

Tiñamos este vídeo no conxelador desde o pasado 25 de abril, cando parte do noso alumnado de 4º de ESO (dirixido por Alba Alonso) participou no Encontro de Música celebrado no Auditorio de Ferrol.

O vídeo non se publicou ata agora porque estaba previsto repetir esta actuación no festival de fin de curso, e finalmente non foi posible.

29/05/2017

O Pazo de Mariñán acolleu o pasado venres  27 de maio a Gala de entrega dos premios da 57ª edición nacional do Concurso de Relato Curto organizado pola empresa Coca Cola, e apoiado pola RAE.

A convocatoria deste ano bateu marca de participación: 555 alumnos/as na comunidade de Galicia. Trala valoración do xurado, 21 deses rapaces foron seleccionados como finalistas. Entre eles, Noa Filgueira Piñeiro, alumna de 2º de ESO A, que recibiu o segundo premio do sector Ferrolterra. Todo un logro desta brillante escritora. Parabéns, Noa!!

Mar González

Fai clic para ampliar a foto

14/05/2017

O pasado martes 25 de abril, o alumnado de 3° e 4° de ESO coa materia de Música asistiu ao VI Encontro de Música no auditorio de Ferrol. Alí gozou dun concerto no que actuaron os diferentes centros participantes (de toda Galicia), e o noso estaba representado polo grupo de 4° de ESO con Música, que sorprendeu cunha divertida actuación de ritmo. Despois do concerto, todos os participantes pasárono en grande nos obradoiros programados: beat box, hip hop, técnica vocal e percusión, para rematar cun xantar común no Odeón. Foi un gran día no que aprenderon música, puideron gozar de diferentes actuacións musicais, e coñecer a xente nova.

As profesoras acompañantes (Alba Alonso e Eva Loureiro) queremos destacar o bo comportamento do alumnado e felicitar á organización do encontro, así como sinalar o alto nivel musical e o bo facer dos compañeiros/as na materia de Música.

E grazas á Asociación Asomúsica, que foi a que fixo posible este encontro. Agora a polo VII!!

Fai clic para ampliar a foto

26/03/2017

Alba Castro, Noa Filgueira, Alba Rey y Carmela Varela, alumnas de 2º ESO, representaron al CPI do Feal en la 57ª edición del Concurso de Relato Corto, organizado por la empresa Coca Cola y avalado por la Real Academia de la Lengua. La prueba se celebró el pasado viernes en el Aula Magna de la facultad de Filología de la Universidad de A Coruña. A partir de la sugerente frase Esto es lo único que recordarás, los participantes debían crear su historia. En unas semanas se conocerá el nombre de los seis finalistas provinciales. Suerte!

Mar González

Fai clic para ampliar a foto

13/02/2017

O amor... sen dúbida a temática máis empregada polos músicos nas súas cancións. Podemos atopar cantos ao amor platónico, ao desamor, hai cancións alegres, amargas... centos delas que cantan a tódolos sentimentos que provoca o amor. Aquí tes un novo xogo, adiviña cal é a mensaxe das cancións do mural e poderás gañar un premio!! Anímate e participa!

Nota: Graciñas ao alumnado de 4° de ESO que colaborou na realización do mural.

Alba Alonso

Fai clic para ampliar a foto

30/01/2017

Aínda que a temática máis empregada polos cantantes é o amor, hai un bo número deles que escribiron ou interpretaron cancións de paz. Esta semana celebramos o día da paz cun xogo. No corredor da segunda planta de Secundaria, hai un mural con cancións, títulos e artistas que cantaron pola paz. Úneos correctamente e poderás gañar un premio! O xoves no recreo escoitaremos as cancións na aula de Música e o venres publicaranse os/as gañadores/as. Anímate!

Alba Alonso

P.S. Grazas ao alumnado de 3º e 4º que colaborou na realización do mural.

Fai clic para ver máis fotos

27/01/2017

Hoxe pola mañá, os alumnos de 3º e 4º da ESO acudiron ao concello de Narón para participar na cerimonia en homenaxe ás vítimas do Holocausto. A data do 27 de xaneiro foi elixida pola ONU como Día Internacional en memoria das vítimas do Holocausto, e foi celebrada no salón de plenos do concello cun acto moi emotivo no que seis alumnos do Feal (Itziar Aly Mourente, María Arribí Rodríguez, Thea Day Atkins, Victor da Silva Viana, Pedro Díaz González e Gabriel Pardo Buján) acenderon seis velas en recordo desas vítimas; velas en recordo dos seis millóns de xudeus exterminados nas cámaras de gas, dos xitanos e outros grupos perseguidos polos nazis, dos nenos falecidos nos campos de exterminio, dos refuxiados españois que acabaron nos campos de concentración, dos xustos entre as nacións que axudaron a salvar a moitos perseguidos e dos que sobreviviron ao horror e contan os seus recordos para evitar que voltemos repetir esa destrución inhumana.

18/01/2017

Desde hoxe, pódese visitar a exposición “Galegos en Mauthausen”, situada no corredor da Biblioteca de Secundaria do noso centro. A mostra está composta por un total de corenta imaxes nas que se fai referencia aos represaliados no campo de Mauthausen. Permanecerán expostas ata finais deste mes: fotografías desa localidade, do campo de concentración, dos represaliados, da escaleira da morte, das fábricas soterradas, e dos represaliados da comarca de Ferrolterra, entre outras.

Esta exposición foi organizada pola nosa profesora de Xeografía e Historia Eva Loureiro, en colaboración co Concello de Narón, con motivo do Día Internacional de Conmemoración en Memoria das Vítimas do Holocausto.