Foi unha xornada moi aproveitada, estivemos en contacto coa natureza e aumentamos a nosa autoestima e confianza, pois fomos quen de superar retos motrices importantes, gabeando polas árbores, deslizándonos en tirolinas, atravesando pontes colgantes,... Todo isto acompañados do bo tempo e da boa compañía.

Os berros de ledicia foron animosos " ¡O mellor que fixen na miña vida!" dicía algún escorregando polos aires.

O departamento de educación física davos a noraboa polo voso comportamento, e considera superados os obxectivos didácticos da actividade.