O luns 22 de xaneiro reuniuse o club de lectura co grupo de 3º ESO para comentar Un elefante na sala de estar, de Berta Dávila.

A saúde mental deu moito de que falar, entre as motivacións das persoas suicidas e as posibles consecuencias. Os tabús tamén permitiron falar daqueles feitos agochados pola sociedade.

Da estrutura do libro, chamou a atención a narración a moitas voces, que lle permite á autora amosar moitos puntos de vista dunha única persoa, case coma se dun caleidoscopio se tratase, tal e como se referencia na propia obra.

Agardamos ansiosos a seguinte reunión...