CPI Aurelio Marcelino Rey García

Para pechar o "Mes da Memoria Histórica", o alumnado de 4º da ESO realizou un percorrido por algúns dos lugares de Cuntis relacionados cos represaliados durante a ditadura franquista (Aurelio M. Rey García, Uxío Souto, ...).  A visita foi guiada por Heitor Picallo, da asociación "O Fervedoiro".

Botádelle unha ollada ás fotos que tiramos premendo nestas imaxes ou visitando a nosa galería de fotos.

Os nosos mozos e mozas de 1º da ESO veñen de gañar o 1º Premio de Telearqueoloxía dentro da Categoría Lascas( vídeos dun máximo de 5 minutos realizadas por menores de 18 anos) organizado polo Museo de Pontevedra e a Deputación de Pontevedra. Dentro da materia de Paisaxe e Sostibilidade, xunto co profesorado de Plástica e Lingua Galega, o alumnado de 1º da ESO realizou a curtametraxe titulada "Castro-land-ín" na que presentan dun xeito bastante curioso o noso patrimonio cuntiense.

Este venres 16 de decembro un pequeno grupo de alumnos/as, en representación dos seus compañeiros/as de curso, xunto coas profesoras Hortensia Fernández Torre do departamento de Plástica e Natividad Diéguez Pardo do departamento de Lingua Galega asistiron á entrega de premios e visionado das curtametraxes galardoadas.

Premendo nestas imaxes ou visitando a nosa galería de fotos podedes ver algún dos momentos da entrega de premios e botarlle un ollo á curtametraxe gañadora.

Moitos parabéns polo traballo ben feito!!

Este xoves 15 de decembro, dentro das actividades programadas para a Semana da Memoria Histórica do noso colexio, visitounos o noso antigo compañeiro e profesor Eladio Anxo Fernández Manso, que tivo a ben compartir co alumnado de 3º e 4º da ESO todo o traballo que ten sobre Joaquín Balboa e os seus compañeiros de deportación. Para ilustrar este traballo, ademáis da súa charla tamén puidemos contar cunha exposición de paneis informativos sobre a temática no correddor principal do centro.

Premendo nestas imaxes podedes ver algunhas fotografías que tiramos para lembrar esta actividade e a volta dun compañeiro de sempre ao noso colexio. Moitas grazas Eladio e volta cando queiras á túa escola.

Este venres 9 de decembro volveu visitar o noso colexio a mestra Susa Herrera cargada de cancións, ritmos, bailes e moita diversión. Veunos presentar o seu novo libro "En Cabárceno se sigue cantando", continuación do anterior "En Cabárceno se oye cantar" que ademáis das letras das cancións ven acompañado dun CD e dun DVD, para escoitar e aprender as coreografías máis animadas. Desta vez o alumnado que puido desfrutar desta visita foi o de catro e cinco anos de infantil e os de primeiro, segundo e terceiro de primaria.

Moitas grazas Susa por facernos pasar un momento tan divertido e achegarnos un chisquiño máis a eses teus animais encantadores.

Premede nestas imaxes ou visitade a nosa galeria de fotos para que vexades que tanto se divertiron os/as nosos/as cativos/as.

              ORIGAMI                                            EXPERIMENTOS 4º EP                       VISITA METEOCUNTIS 4º EP

       EXPOSICIÓN MINERAIS                 VISITA A METEOCUNTIS 5ºA EP                           ORIGAMI. II 

      EXPERIMENTOS 5ºB. EP                           EXPERIMENTOS 2ºESO                   VISITA A METEOCUNTIS 5ºB EP 

      VISITA A METEOCUNTIS 1º ESO                MÁIS EXPERIMENTOS 4º EP          VISITA A METEOCUNTIS 6ºA EP

           ORIGAMI III                                       EXPERIMENTOS 6ºA. EP                      MÁIS EXPERIMENTOS 2º ESO     

   VISITA A METEOCUNTIS 2º ESO                    EXPERIMENTOS 1º ESO                FALAMOS DE COGUMELOS   

                       ORIGAMI IV                                        CHARLA DAS CAMELIAS                 EXPERIMENTOS 5ºA. EP      

              EXPERIMENTOS 6ºB. EP                         VISITA ÁS BURGAS                              A NOSA HORTA

    GAÑADOR FOTO ESO             GAÑADOR FOTO E TEXTO ESO        GAÑADOR FOTO EP        GAÑADOR FOTO EI

                              CARTEL GAÑADOR                                                 VÍDEOS EXPERIMENTOS GAÑADORES