CPI Aurelio Marcelino Rey García

O 24 de febreiro celebramos o Día de Rosalía cunha serie de actividades organizadas pola profesora do departamento de Lingua Galega e coordinadora do EDNL do noso centro Natividad Diéguez, e coa colaboración da profesora do departamento de língua castelá Susana Sánchez; entre estas actividades, que ademáis foron gravadas e emitidas pola TVG no espazo Galicia Noticias, estaba un photocall no corredor principal do colexio e un ManequinChallenge que fixeron os/as rapaces/as de primeiro da ESO.

Premede nestas imaxes ou visitade a nosa galería de fotos para botar unha ollada aos mellores momentos do photocall.

A Consellaría de Cultura, Educación e OU ven de convocar  as axudas para a realización de actividades de formación en linguas estranxeiras no ano 2017, destinadas ao alumnado dos centros docentes sostidos con fondos públicos; das 682 prazas convocadas, 590 prazas son para o alumnado de 1º, 2º, 3º, e 4º da ESO, en réxime residencial na Comunidade Autónoma de Galicia, en estadías de dúas semanas e con profesorado nativo. 

O prazo para a presentación de solicitudes será do 28 de febreiro até o 27 de marzo (incluído). Nos seguintes enlaces da Consellaría podedes atopar toda a información necesaria:

*Educación convoca 682 prazas para que o alumnado mellore as súas competencias en lingua inglesa

*Axudas para a realización de actividades de formación en linguas estranxeiras no ano 2017, destinadas ao alumnado dos centros docentes sostidos con fondos públicos, en réxime de concorrencia competitiva 

E xa vai alá a nosa festa de Entroido 2017, alá van as horas e días de recortar e pegar, de pintar e facer probas, de ensaiar os bailes, e por fin chegou o día de amosar o traballo rematado. Por sorte o día do desfile amanceu frío pero solleiro e tivemos a oportunidade de celebralo no patio do colexio.

Despois do desfile que fixemos no patio escolar degustamos as deliciosas filloas e orellas que aportaron as familias do alumnado coa inestimable colaboración e axuda da ANPA O Baño. Moitas grazas a todos/as por vires compartir con nós esta mañá de festa e pasádeo moi ben nestas pequenas vacacións de Entroido.

Coma sempre podedes botar un ollo ás fotos que sacamos visitando a nosa galería de imaxes ou premendo nalgunha destas.  

O alumnado do CPI convídavos a asistir ao seu desfile de entroido que terá lugar partir das 11:00 hs da mañá no patio exterior do colexio.

Este ano o tema dos nosos disfraces está relacionado cos diferentes personaxes de contos e comics do mundo dando continuidade así ao traballo do tema transversal das Migracións Humanas "A Miña Aldea é o Mundo" que estamos a desenvolver nas aulas. Esperemos que vos guste.

Este martes 21 de febreiro o alumnado de 3º, 4º, 5º e 6º de Educación Primaria asistiu a unhas Charlas-Obradoiro sobre O Etiquetado dos Productos do Entroido que viñeron impartir técnicos da Escola Galega de Consumo. 

Todos/as quedaron moi impresionados/as coa cantidade de desperdicios diarios que ocasionamos e aprenderon moitas cousas sobre a etiquetaxe dos productos que nos venden e as estratexias que nos fan consumir de xeito desmedido.

Premede nas imaxes ou visitade a nosa galería de fotos para ver o moito que se divertiron e aprenderon.