CPI Aurelio Marcelino Rey García

O vindeiro xoves 8 de setembro, ás 12,30 horas, terá lugar no Salón de Usos Múltiples do noso centro a Reunión de Principio de curso para as familias do alumnado de Educación Infantil na que faremos a presentación do equipo docente e daremos conta de aspectos varios de interese para a escolarización dos nosos cativos e cativas.

Podedes consultar a listaxe dos libros de texto para o vindeiro curso 2016-2017 na porta principal do colexio ou no arquivo adxunto a este artigo.

AVISO IMPORTANTE. Lembrade que é recomendable NON mercar ningún libro de texto nin material escolar ata o mes de setembro cando todo o alumnado teña asignado o grupo e profesor/a correspondente. Graciñas.

O tempo pasa tan rápido que case sen decatarnos xa rematamos outro curso máis. Este curso 2015- 2016 chega ao sen fin e con el chegan, por un lado, os momentos de despedida e parabéns para os nosos mozos e mozas de cuarto da ESO que emprenden camiños novos fora das paredes do seu colexio de sempre, e por outro, as despedidas mais curtas e ata logo-vémonos prontiño para os raparigos e raparigas que comezan as tan esperadas e merecidas vacacións despois do traballo e esforzo tan grande que fixeron neste ano.

Para por remate a este ano tan intenso de traballo, dedicación e por qué non, de ilusións cumpridas e logros acadados fixemos un montón de actividades para celebralo. Coma sempre podedes botar un ollo á nosa galería de imaxes ou premer en calquera destas imaxes para facervos unha idea e lembrar momentos de diversión compartidos con todo o noso alumnado.

Bo verán e vémonos en setembro.

O alumnado do centro deberá presentar debidamente cuberto o sobre de matrícula que lle será entregado no centro.

Os alumnos/as de nova incorporación poderán recoller e entregar o sobre de matrícula na secretaría do centro en horario de 9:00 a 13:30 hs.

Os prazos para a formalización da matrícula serán os seguintes (Orde do 10 de marzo de 2013, DOG nº 53):

•   Alumnado de Educación Infantil e Primaria do 20 ao 30 de xuño.

•   Alumnado de Educación Secundaria do 25 de xuño ao 10 de xullo.

O alumnado de quinto e sexto de primaria ven de realizar a súa viaxe de fin de etapa este seis, sete e oito de xuño. Un ano mais foron compartir experiencias, xogos e aventuras á Estación de Montaña de Manzaneda, en Ourense. Primeiro visitaron o casco histórico de Ourense e os baños de Outariz, e na viaxe de volta aproveitaron para visitar o Castelo de Castro Caldelas. Os mestres que os acompañaron tiraron moitas fotos que coma sempre podedes ver na nosa galería de imaxes ou premendo en calquera destas que puxemos de mostra.