Nos vindeiros días desenvolveranse no noso centro as seguintes charlas e talleres:

• PREVENCIÓN DE DROGODEPENDENCIA: destinada ao alumado de 2º da ESO, impartida por Yolanda Neira, Psicóloga do Concello de Boqueixón.

• INFORMACIÓN DE ACTIVIDADES PARA A XUVENTUDE: destinada ao alumnado de 3º e 4º da ESO, impartida pola Oficina Municipal de información xuvenil (OMIX)

Todas estas actividades están inclídas no Plan de acción titorial que coordina o Departamento de Oriendación do noso centro.

Esperamos que sexan de utilidade para os nosos alumnos e alumnas.

Xa están subidas as fotos do entroido ao blogue de Dinamización da Lingua Galega.

Aquí tedes un enlace a él.

Desexamos que vos gusten

ROSALÍATE!!!

As crianzas do CPI Antonio Orza Couto demostraron que a solidariedade é a tenrura dos pobos, tal e como expresara a gran literata nicaraguana Gioconda Belli. Este sentimento agromou nos corazóns dos máis pequenos, desconcertados ante a irracoinalidade adulta das guerras e os intereses espúreos que as motivan.

Unidas por una forte convicción: axudar ás persoas que están fuxindo da guerra e da fame, emprenderon unha campaña de recollida de alimentos, material médico e mantas. As familias e a veciñanza de Boqueixón respondeu con gran ilusión a esta petición e, en tres semanas, o vestíbulo do colexio encheuse de caixas cheas de amor e apoio as nosas irmás de oriente.

O 2 de febreiro os alumnos de 2º e 4º da ESO visitarán a planta de Sogama en Cerceda.

Esta saída correspóndese cunha das actividades de formación dun proxecto de aprendizaxe-servizo que estamos facendo en colaboración co Concello.

As actividades de aprendizaxe-servizo son actividades colaborativas cunha finalidade social onde, ademais de aprender, se ofrece un servizo á comunidade, tal como di o seu propio nome. No noso caso, temos como obxectivo tratar de mellorar a separación de residuos que se está a facer en Boqueixón.

Ao longo dos meses de xaneiro e febreiro os alumnado de 4º da ESO vai participar nun taller de prevención da violencia de xénero.

Os alumnos de 3º, 4º, 5º e 6º de Educación primaria e de 1º, 2º e 3º da ESO, recibirán charlas sobre a prevención do acoso escolar.

O día 19 de decembro de 2016, a comunidade educativa do CPIP Antonio Orza Couto, participou en varios actos de condena do horrible crime que sufriu unha ex-alumna do noso centro.

Queremos expresar a nosa repulsa á toda manifestación de violencia e así llo queremos transmitir á toda a sociedade. A concienciación dos máis novos é imprescindible para erradicar a violencia de xénero.  Todos debemos contribuir a que impere o respecto e a tolerancia.

NON + VIOLENCIA DE XÉNERO

O 25 de Novembro tivo Lugar no noso centro unha charla informativa sobre a violencia de xénero orientada ao alumnado de 3º da ESO.

NIN UNHA MÁIS!!!

Mañán martes, 8 de novembro terá lugar, en horario de 15:00 a 17:15 o MAGOSTO.

Haberá xogos tradicionais e castañada.

Do 16 ao 20 de maio o noso centro celebrará, a súa V semana cultural. Rendiremos homenaxe a dous persoeiros ilustres das nosas letras, Manuel María (letras galegas 2016) e Xosé Neira Vilas.

No documento adxunto tedes o tríptico coa programación das actividades.

Esperamos que sexan do voso agrado!!!