Agradecemos aos/ás nos@s amig@s do CEE M. López Navalón (Santiago de Compostela) o artigo publicado no seu blog "Olladas no Navalón", no que fan un resumo da súa participación na I Xornada pola Diversidade, incluíndo tamén un vídeo con imaxes da actividade.

 Podedes velo AQUÍ!

CHARLA INFORMATIVA: NAVEGA CON RUMBO

MARTES 22 DE MAIO

LUGAR: Salón de actos.

O alumnado de 5º e 6º de Educación Primaria e o de 1º e 2º de ESO asistirán a unha charla impartida polo Colexio Profesional de Enxeñaría en Informática de Galicia,  en colaboración coa Xunta de Galicia, enmarcada no Plan Navega con Rumbo polo Ciberespazo. Unha iniciativa encamiñada a que os escolares naveguen con tino pola rede, é dicir, con seguridade, evitando o ciberacoso e outros riscos de internet.

CHARLA SOBRE MARÍA VICTORIA MORENO

Dirixida ao alumnado de 3º, 4º, 5º e 6º de Educación Primaria e a toda a Secundaria

Hora: de 12:00 a 13:30

Impartida por MARILAR ALEIXANDRE

Organiza o Equipo de Dinamización da Biblioteca.

Actividade aberta ás familias.

A garda civil impartirá o mércores 9 de maio unha charla sobre o ACOSO ESCOLAR dirixida ao alumnado de 3º, 4º, 5º e 6º de Educación primaria.

Hora: de 12:10 a 13:00

Lugar: salón de actos.

Organiza o Departamento de Orientación do centro.

STOP ACOSO ESCOLAR!!!

O alumnado de 5º e de 6º de Educación primaria ten o privilexio de participar nun obradoiro de regueifas impartido por Alba María, destacada poeta e regueifeira que estudou  canto na Escola Livre da Música Popular Galega, de aCentral Folque, e que en 2014  gañou o I Certame de Canción de Autor organizado polo Concello de Teo. A partir de aí a súa vida artística dou un xiro xa que o premio consistía na gravación dun disco, "Ainda".

O luns, 7 de maio, en Compostela, o alumnado de 3ºEP, 4ºEP, 6ºEP e 1ºESO representará ao noso centro na décimo oitava edición do "Correlingua".

Trátase dunha proposta de carácter lúdico-educativo que pretende convidar á mocidade e á infancia e aos centros de ensino a participar nun acto público de reivindicación do dereito a medrar en galego e tamén a exercer de maneira efectiva como galegos e galegas a través do uso do noso idioma.

Actividade coordinada polo noso Equipo de Normalización e Dinamización da Lingua Galega en colaboración co Departamento de Educación Física.

O luns 30 de abril, o alumnado de 1º e 2º de ESO participou nunha charla informativa sobre acoso escolar, enmarcada dentro do Plan Director para a convivencia e mellora da seguridade nos centros educativos.

O alumnado de 4º, 5º e 6º de Educación Primaria, co gallo da conmemoración do día do libro, recibirán no día de hoxe a visita de PERE TOBARUELA,  autor, entre outros títulos,  da "colección Formigas".

Lugar: salón de actos.

Hora: 12:10

DESFRUTADE RAPACES!!!

Nesta edición interpretaron un par de temas que estiveron preparando nas clases, realizaron un obradoiro sobre expresión e xogos vocais, danzas do mundo, percusión afrolatina ou baile tradicional e viviron un día de convivencia musical con alumnado de moitos outros centros de Galicia.

AGAPEMA (Asociación Galega do Profesorado de Educación matemática) e APM (Asociación do Profesorado de Matemáticas de Portugal), convocan a segunda edición da actividade "Matemáticas na Raia", concurso de resolución de problemas dirixido ao alumnado de 3º de ESO. A caracterísitca principal desta actividade consiste no fomento do traballo colaborativo, pois os equipos participantes son grupos-clase completos.

O noso centro está representado polo alumnado de 3º ESO A e 3º ESO B.