blogue decris

Onte as nenas e nenos de Educación Infantil desfrutaron coa actividade "Alavín Alaván, O tranvía da Educación Viaria" organizada polo Concello de Ourense.

Convertíronse en pequenos coches, peóns responsables e incluso policías.

Unha sesión moi interesante onde practicaron e aprenderon normas importantes para a súa vida diaria.

O luns as rapazas e rapaces de 6º puideron disfrutar do XIX Obradoiro de Xogos Populares e Tradicionais ofertado polo CCP Xaquín Lourenzo e a Deputación de Ourense.

Unha actividade na que xa imos participando dende hai anos e que nunca defrauda.

Este ano practicaron con aros, zancos, peóns e outros xogos tradicionais da cultura galega.

TOCA NA IMAXE PARA VER MÁIS FOTOS

TOCADE NA IMAXE PARA AMPLIAR

O mércores 24 de xaneiro ás rapazas e rapaces de 1º de Primaria recibiron a visita da nutricionista do Centro de Saúde para realizar a actividade "Garavanciño come saniño".

Tratouse dunha charla e obradoiro de xogos didácticos nos que traballaron a pirámide dos alimentos e a dieta equilibrada.

Toca na imaxe para acceder á galería.

O pasado sábado 13 de xaneiro celebrouse o Campionato Galego de Cros Escolar no Circuíto A Veronza, en Ribadavia. Unha cita á que asisten as mellores marcas de Galicia, os clasificados das catro provincias, e o CEIP Vistahermosa estivo presente.

Laura González (5º de Primaria) sorprendeunos no Campionato Provincial ca súa impresionante marca que a fixo pasar directamente á fase Galega. Como non podía ser doutra maneira, neste caso, tamén fixo unha carreira estupenda, estando ao nivel das mellores corredoras galegas que adestran nos diferentes clubes da comunidade.

Noraboa Laura!!!

E moitas grazas á familia polo voso tempo e implicación.