blogue decris

Hoxe conmemoramos o 8M baixo o lema TODO PODE SER.

En cada aula pintouse unha pancarta  con mensaxes como "Pode ser," "Xunt@s somos máis fortes", "Libres iguais e sen medo", "Ser Muller é o meu Superpoder" "Por las mujeres de cada familia que hacen que todos los días sean una maravilla"... que reivindicaban a importancia dunha sociedade máis igualitaria.

Cantamos e bailamos "Así Bailaba, semana feminista" e "Pode ser" nun acto conxunto.

Agasallo dun colgante en 3D deseñado polo alumnado de 6º de Primaria

O xoves e venres as rapazas e rapaces de 4º, 5º e 6º de Primaria recibiron a visita da nutricionista do Centro de Saúde para realizar a actividade "Comendo cores".

Tratouse dunha charla e obradoiro de xogos didácticos nos que traballaron a pirámide dos alimentos e a dieta equilibrada.

 O sábado fómonos de Campionato Provincial ao Aguillón, no concello da Rúa.

Enzo e Saúl foron os nosos participantes, que despois de pasar todas as fases previas e final comarcal, clasificáronse para competir cas mellores marcas da provincia de Ourense.

Unha xornada estupenda na que os nosos rapaces defenderon ao colexio o máximo, deixando claro que estas actividades débense seguir organizando nos vindeiros anos.

Moitas grazas campións!! A vós e ás vosas familias!!

Onte as nenas e nenos de Primaria participaron na actividade "Plantando árbores con pinceis". Trátase dun proxecto escolar pola sostenbilidade que une cultura e coidado do medioambiente a través da realización de un Mural Artístico, colaborativo e ecolóxico con pinturas fotocatalíticas anticontaminación, que absorben o CO2 do ambiente. Unha iniciativa que ten como obxectivo transmittir a mensaxe positiva sobre o coidado do entorno.

Previamente o alumnado de 4º, 5º e 6º elaborou as súas propostas para pintar o muro seguindo a temática. A partir desas ideas o artista fixo o seu boceto que plasmou na parede do patio ca axuda das nenas e nenos.

Por outra banda o alumnado de 1º,2º e 3º tamén reflectiu a súa idea en bolsas de tea reutilizables que levaron para casa.

 Actividade de Afundación

Onte desenvolveuse a Final Comarcal de Campo a Través no Complexo Deportivo de Monterrei.

Para esta cita o CEIP Vistahermosa contaba con catro clasificados, dos que, finalmente, só puideron aistir dous.

Enzo e Saúl (3º Primaria) foron os nosos representantes que participaron na categoría benxamín masculino. E non o puideron facer mellor. Nunha competición na que asisten os mellores da comarca (a maioría pertencentes a clubes que adestran esta modalidade semanalmente) os nosos campións fixeron unha estupenda carreira, entrando na meta nos postos 10 e 13 e clasificándose para o Campionato Provincial, que se desenvolverá o día 11 de febreiro na Rúa.

Noraboa rapaces!! e moitas grazas ás familias pola vosa colaboración.