Fai uns días recibimos na clase unha misteriosa carta dun paxariño chamado Ole. Ole poñía que vivía na biblioteca do Ágora e que nos invitaba aos nenos de 3 anos a coñecela, e alí fumos. Na biblioteca contáronnos dous contos, vimos os milleiros de libros que alí había, e ata nos prestaron uns poucos para levar ó cole. Gústanos moito a biblioteca, non tardaremos en volver a ver a Ole.
No cole cada día descubrimos un novo espazo, desta vez tocoulle a quenda ó pequeno horto que temos nos pallets. Vimos as partes dunha planta, botámoslle auga e en vez de maceta o puxemos nunha bolsiña con pequenos buratiños.
Traballamos moito, pero agardamos ver resultados moi cedo e probar o pirixel, a manzanilla e as acelgas.
O pasado 24 de febreiro Rosalía de Castro estivo de aniversario, e para festexalo, os nenos e nenas de 3 anos fixemos moitas actividades adicadas á figura de Rosalía: Pensamos nas nosas palabras favoritas en galego, pintamos caretas e ata posamos nun photocall que había na biblioteca do centro.
A nosa primeira excursión deste ano foi ó Muncyt. Pasámolo xenial, estivemos dentro dun avión, fixemos un helicóptero de papel, falamos con robots, vimos pezas enormes e outras diminutas, etc.
