Activ. colectivas

Álbum: CURSO 2018-2019 -> Día Escolar da Paz 2019

Hoxe, 30 de xaneiro, celebramos no colexio o Día Escolar da Paz. Toda a comunidade educativa estaba convidada a participar na gran cadea humana que rodeu o colexio. Percorremos todo o camiño pasando polo Ágora collidos e collidas da man. Finalmente, recordamos a figura de Gandhi no noso manifesto.

E bailamos unha canción ben bonita.

Era de Diego Torres, Color esperanza.

Grazas a todos e todas pola vosa gran implicación! Paz!

Álbum: CURSO 2018-2019 -> Visita do Apalpador 2018

Levabamos todos estes días preparando a súa visita:

lemos o conto,

practicamos a súa canción

e aprendemos unha panxoliña.

E, finalmente, hoxe alguén chamou á porta dalgunhas aulas e, ao abrila, apareceu el: o Apalpador. Recén chegado do Courel, coa súa chaqueta de pana, a súa barba roxa e, oh sorpresa, cunha guitarra ao lombo. Falounos de quen era, cantamos con el unha panxoliñas e, como xa se lle acabaran as castañas, agasallounos cuns caramelos. Ata o ano que vén, Apalpador!