O alumnado de 3º nivel quixo profundizar sobre os cambios acontecidos na agricultura local nas últimas décadas , para iso entrevistaron aos seus pais e avós sobre: tipos de ferramentas, aparellos e usos, utilización dos animais, extensión dos terreos, fertilizantes, rego, tecnoloxía, vantaxes , respecto polo medio ambiente...
Arado de ferro e sementadora.
Leira de millo para consumo dos animais, antes tamén se facía pan.
Agora estase cultivando de máis extensamente a viña e as maceiras.
Celebramos o Festival do Teatro representando as obras para o centro e as familias que prepararon os cursos 4º B, 5ºB e 5ºC . Fixérono moi ben e gustáronnos moito.
O alumnado de 5º de Primaria estivo traballando a través do teatro distintas habilidades sociais e emocionais: aprendendo a escoitar, a respectar as opinións dos demais e a traballar en equipo. Xogando coa expresión verbal e non verbal, aprendendo a usar a súa voz, o seu corpo e os seus xestos para poder comunicarse de maneira máis efectiva. Achegándose á nosa cultura literaria creando ou adaptando textos. Asemade traballando no deseño e elaboración de decorados.
Todo iso acompañado de moitas risas e bos momentos que culminaron no debut das pezas.
Competencias: CCL, STEM, CD, CPSAA, CC, CE, CCEC
Materias: Lengua, Lingua, Plástica e audiovisual, Música e danza, Ciencias Sociais e da Naturaleza, Matemáticas.
O alumnado de 6º B adaptou contos tradicionais : OS TRES PORQUIÑOS, A TOUPIÑA QUE QUERÍA SABER QUEN LLE FIXERA AQUILO NA CABEZA, O MONSTRO ROSA, A VACA QUE PUXO UN OVO, CHIBOS CHIBÓNS E A FELICIDADE, MANUAL DE USUARIO, para os nenos de infantil, e representáronos para eles usando lámpadas de luz negra.
Dentro do club da lingua , algúns grupos participaron en talleres de creación literaria e escribiron: poemas ,relatos,comics que leron nos grupos e logo expuxeron.
Participamos no Correlingua un ano máis. Saímos do cole coa nosa pancarta, xuntámonos na praza do Concello cos outros coles da zona e percorremos as rúas da vila co noso lema DENDE AQUÍ ATA ACOLÁ GALEGO XA! Regresamos a praza e bailamos ao ritmo de Gramola Gominola ata que fixemos a solta de globos, para que alá a onde cheguen leven o significado desta actividade.
