As unidades de medida forman parte do noso día a día. Para entendelas e practicalas, o alumnado de 3ºC de Ed. Primaria plastificou as distintas táboas de unidades para traballar sobre elas e interiorizar estes conceptos tan importantes.
Os nenos e nenas de 5º de educación infantil dedicamos o mes de febreiro a traballar o Entroido. Dentro deste proxecto fixemos un taller de cociña elaborando unha receita tradicional galega, filloas. Coñecemos os ingredientes necesarios, as súas medidas, os utensilios necesarios , para finalizar elaboramos a receita e por suposto a súa degustación. Durante este proceso descubrimos que existen filloas que se fan na pedra, isto levounos á invitar a unha avoa dun alumno, a cal trouxo ó centro unha pedra e explicounos a elaboración do amoado e poidemos probalas. Así coñecemos as diferenzas entre as filloas de pedra e as de sartén.
Coñecer o planeta no que vivimos sempre resulta interesante para o alumnado. Este curso despois de estudar as capas da Terra, o alumnado de 5º de Ed. Primaria, fixo unha maqueta para afianzar os seus coñecementos. Aquí vos deixamos unha mostra do traballo feito.
Cada ano conmemórase,o 8 de marzo, o DÍA INTERNACIONAL DA MULLER recoñecido pola ONU como unha xornada para reivindicar a igualdade e de facer balance sobre a situación das mulleres na sociedade.
Os nenos e nenas de 5º de Ed. Primaria estiveron investigando sobre esta efeméride. Fixeron uns traballos empregando medios audiovisuais e cartolinas nos que se recollen as súas pescudas. Para finalizar esta tarefa, aprenderon de forma autónoma a empregar a máquina de chapas deixando un manual de usuario na aula de Polos Creativos e crearon unhas chapas personalizadas con mensaxes do 8M.
Coas súas chapas queren dar visibilidade á loita continuada do feminismo a favor dos dereitos da muller.
A igualdade non é un agasallo, é un dereito. ABRAZA A IGUALDADE!
Competencias: CCL, STEM; CD, CPSAA, CE, CCEC, CC
Mateiras: Lingua castelá, linuga galega, matemáticas, ciencias sociais, Ed. Plástica e audiovisual.
O KAMISHIBAI é unha maneira moi popular xaponesa de contar historias empregando ilustracións, textos e a voz dun narrador ou narradora.
O alumnado, de Proxecto Competencial, de 5º de Ed. Primaria adicouse durante un tempo deste curso a crear e recrear historias para despois contalas neste formato. Botáronlle imaxinación para crear as historias e ilustralas. Logo plastificaron no formato axeitado, a continuación ensaiaron e finalmente actuaron para o público máis selecto: Ed. Infantil, 1º e 2º de Ed. Primaria.
Competencias: CCL, CPSAA, CE, CCEC, STEM
Materias: Lingua galega, matemáticas, ciencias sociais, ciencias naturais
Obradoiro de disfraces "CHOCALLEIROS DE VILARDEVÓS", dentro da actividade "Entroido Tradicional Galego: VILARDEVÖS" en Lamas de Abade (Santiago), na que o noso centro participa.
