O martes 18 de xuño o alumnado de infantil celebrou o fin de curso con un gran festival ateigado de música, baile, diversión e sobre todo moita emoción. As actuacións foron as seguintes:
4º A: baile " Eu son un artista"
4º B: baile "La bamba"
5º A: baile " Dime que fixeches e onde estiveches"
5º B: interpretación do poema " Mariñeiros"
6º A: representación do conto " A casa da mosca chosca"
No festival das letras galegas este ano homenaxeamos a Antonio Fraguas, autor que tivo especial relación coa nosa vila, pois foi na Estrada onde comezou a súa labor docente.
Celebrámolo representando 3 obras de teatro, por parte do alumnado do Club da Lingua.
Tamén participaron o alumnado de 1º de primaria poñendo o broche final ao proxecto " coidamos o medio ambiente" coa canción Á HORTA DE BALBINA .
O pasado 16 de maio celebramos o día das Letras Galegas adicado este ano, a Antonio Fraguas.
Ademais de diversas actividades relacionadas con este autor, todo o centro participamos nun baile levado a cabo dentro do proxecto deportivo de centro
" móvete + ".
Outra actividade foi a representación teatral da obra a pulga e o piollo ( de Antonio Fraguas) por parte do alumnado de 1º B.
Ver video obra de teatro:
Por último, todo centro participamos nunha búsqueda do tesouro, organizada polos especialistas de educación física, no que tiñan que buscar pistas sobre vida e obra de autores galegos para coñecer de que autor se trataba.
Este ano estamos a facer no cole un proxecto sobre os camiños de Santiago. Entre eles, sobre o camiño da Xeira Romana e dos Arrieiros, que parte de Braga e despois de percorrer terras de Ourense e Pontevedra atravesa a nosa vila e entra na provincia da Coruña por Pontevea. Tamén ten outra variante que vai por Pardemarín, Ribeira e intérnase na provincia da Coruña por Sarandón.
Hoxe fomos peregrinos por un día e andamos parte dese camiño. O alumnado/a e mestres/as de 3º a 6º curso de Educación Primaria camiñamos dende Tabeirós á Estrada e os alumnos/as de 5º e 6º de Educación Infantil e 1º e 2º de Educación Primaria fixémolo dende as escolas de Guimarei.
Mentres camiñamos fixámonos en algunhas construcións que hai neste tramo do camiño e teñen a Santiago coma protagonista: o peto de ánimas coa súa inscrición " Al Caminante" , a ermida da Consolación construida en 1680 porque se atopou alí unha imaxe da virxe e onde hai unha imaxe de Santiago Matamouros de peregrino, a igrexa de Tabeirós onde se atopa outra imaxe do apóstolo mirando cara Compostela, para indicarlle aos peregrinos por onde teñen que ir. Entramos en Guimarei pola Ponte de Xerliz e preto de alí hai un cruceiro coa figura do apóstolo e a igrexa parroquial dedicada a San Xiao. Pasamos ao lado da Torre de Guimarei e xa na vila chegamos de volta ao cole!
Durante esta semana, os nenos e nenas seguimos os mandados de Viondiño. Comezando polo sombreiro, cada día fomos engadindo complementos ao noso traxe ata convertirnos en auténticos peregrinos!
Chegou o gran día da festa do Entroido. Para celebralo viñemos tódolos nenos e nenas disfrazados do que mais nos gustaba, comemos produtos típicos desta data e bailamos sen parar.
Ademais fixemos un atranque como o xenerais do Ulla, neste enlace pódese ver que ben o fixemos.https://youtu.be/slOKOF-yW9w
Celebramos o Samaín disfrazándonos de persoaxes de medo, asistimos a representación teatral "corre corre cabaciña" interpretada polas mestras de infantil e decoramos todo o colexio con cabazas teroríficas.
Agradecer ás familias a participación na elaboración das cabazas
O pasado venres batimos o récord en solidaridade xa que participamos na carreira solidaria para recaudar fondos contra a leucemia infantil, dentro da campaña Unoentreciemil.
A carreira realizouse nos patios exteriores do colexio e foron asequibles a todas as idades.
