CEIP Plurilingüe O Sello

Segundo a ORDE do 12 de marzo de 2013 pola que se desenvolve o procedemento para a admisión do alumnado en centros docentes sostidos con fondos públicos ponse en coñecemento das familias a seguinte información:

• Postos escolares ofertados para o curso 20/21 (Ver anexo)
• O prazo de presentación de solicitudes de admisión é do 1 ao 23 de marzo.
• Listaxe provisional de admitidos e non admitidos: antes do 25 de abril.
• Listaxe definitiva de admitidos e non admitidos: antes do 15 de maio.
• O prazo de formalización de matrícula será do 20 ao 30 de xuño.
  

O pasado venres 21 de febreiro, toda a comunidade educativa do noso centro celebrou o Entroido.
Baixo unha mesma temática, os inventos. Cada unha das clases elaborou o seu disfraz: houbo reloxos, tripulación de submarinos, radio-casetes, robots, bombillas e mesmo algún que outro científico tolo!
Desfilamos todos xuntos polo patio do cole para lucir os nosos talentosos disfraces. E despois a modo de comparsa fixemos un pasacalles ata o mercado. A mestra de música se encargou de poñer o ritmo ao son da batucada!

Como xa fixéramos o ano pasado, o noso cole participou na Xornada do Campionato de Campo a Través celebrada no parque de Castrelos.

Ademais de correr, os nosos nenos superaron o medo a participar nunha competición, compartiron experiencia con nenos doutros coles, esforzáronse por chegar á meta, axudaron a aqueles que o necesitaron e o que é mellor gozaron facendo deporte!!!!

Estamos de noraboa!!!!!

O noso centro acaba de ser seleccionado no "Proxecto de Introdución á Robótica" proposto pola Consellería de Educación para este curso 2019/2020.

Foron seleccionados un total de 25 centros educativos en toda Galicia  e noso centro está dentro dese grupo de afortunados!

Esta gran nova para toda a comunidade educativa vén cargada de novo material para uso e disfrute do noso alumnado. En breve estarán correndo polas nosas aulas outros novos amiguiños: OS MBOTS!