Protocolo de Atención a Familias
Enviado por admin o Ven, 08/05/2020 - 06:25Como solicitar cita previa:
-
No correo: ceip.osello@edu.xunta.es
-
No teléfono 886120268 (a partir do luns en horario de 10:30 a 12:30)
-
A atención realizarase a través da ventá dispoñible na porta de entrada da dereita dos soportais. Por favor chamade ao timbre da entrada ao chegar.
Non se atenderá a ninguén que non concertara a cita previamente.
Prégase respectar as pautas sanitarias.
Reanudación do proceso de Admisión de Alumnado curso 2020-2021
Enviado por admin o Mér, 06/05/2020 - 04:29Tal e como establece o DOGA do 6 de maio de 2020 a través da RESOLUCIÓN do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 5 de maio de 2020, o proceso de admisión de alumnado reanudarase tendo en conta as seguintes directrices:
Información para as familias
Enviado por admin o Xov, 23/04/2020 - 05:48A concellería de Benestar Social do Concello de Vigo, a través dos colexios, está intentando detectar ás familias que se atopen con problemas grandes para que o alumnado acceda aos contidos dixitais do colexio (por falta de conexión a internet, de ordenador ou de tablet), así como tamén a aquelas familias que amosen dificultades económicas graves, para intentar axudalas.
Todas as familias que precisen solicitar esta axuda, que se poñan en contacto vía correo electrónico coa orientadora Puri no seguinte correo: purificacion.fernandez@gmail.com
Aquelas familias que xa estiveron en contacto con Puri por este tema, xa non precisan escribirlle.
Orientacións provisionais Terceiro Trimestre
Enviado por admin o Mar, 21/04/2020 - 05:03Orientacións provisionais para o desenvolvemento do terceiro trimestre do curso 2019/2020 (Á espera da publicación da normativa estatal correspondente por parte do Ministerio dunha norma que estableza as directrices para o desenvolvemento do 3º trimestre do curso 2019/20).
En tanto non se publique a correspondente norma, é oportuno adiantar como avance estas orientacións para os centros educativos para o desenvolvemento do terceiro trimestre do curso 2019-2020:
-
As actividades lectivas: non se estenderán mais alá das datas establecidas na Orde do 20 de xuño de 2019, que será o mes de xuño.
-
Durante o terceiro trimestre desenvolveranse actividades de recuperación, repaso, reforzo e, no seu caso, ampliación das aprendizaxes anteriores que resulten necesarias para todo ou parte do seu alumnado.
-
Os centros e o profesorado adaptarán o sistema de avaliación do alumnado, co obxectivo prioritario de que os alumnos e as alumnas non perdan o curso e poidan continuar avanzando na súa formación, tendo en conta de maneira especial a situación do alumnado máis vulnerable.
-
A avaliación final das aprendizaxes do alumnado durante o curso 2019-2020 considerará en conxunto as avaliacións de todo o curso, valorando especialmente o grao de desenvolvemento das aprendizaxes e das competencias imprescindibles previamente definidas.
Terceiro Trimestre
Enviado por admin o Mar, 14/04/2020 - 06:22Comeza o terceiro trimestre, e todo o claustro de profes desexa que vos atopedes ben de saúde e con moito ánimo para afrontar este novo trimestre.
Esperando instrucións da Consellería de Educación, co fin de coordinar as medidas concretas para o desenvolvemento deste terceiro trimestre, esta semana as actividades lectivas levaranse a cabo con carácter xeral, mediante repaso, reforzo e recuperación do traballo desenvolvido ata o de agora.
Cando teñamos novas instrucións sobre o desenvolvemento deste terceiro trimestre seredes informados.
- « primeira
- ‹ anterior
- …
- 24
- 25
- 26
- 27
- 28
- 29
- 30
- 31
- 32
- …
- seguinte ›
- última »