Terceiro Trimestre
Enviado por admin o Mar, 14/04/2020 - 06:22Comeza o terceiro trimestre, e todo o claustro de profes desexa que vos atopedes ben de saúde e con moito ánimo para afrontar este novo trimestre.
Esperando instrucións da Consellería de Educación, co fin de coordinar as medidas concretas para o desenvolvemento deste terceiro trimestre, esta semana as actividades lectivas levaranse a cabo con carácter xeral, mediante repaso, reforzo e recuperación do traballo desenvolvido ata o de agora.
Cando teñamos novas instrucións sobre o desenvolvemento deste terceiro trimestre seredes informados.
Axudas de COMEDOR ESCOLAR de alumnado becado
Enviado por admin o Lun, 30/03/2020 - 13:49Todos aqueles que solicitaran vía email a presentación das solicitudes a través do centro, deberiades ter un correo de confirmación da presentación da mesma. De non ser o caso por favor poñédevos en contacto a través do correo electrónico de centro: ceip.osello@edu.xunta.es
Instrucións 2ª Avaliación
Enviado por admin o Lun, 30/03/2020 - 08:13Dadas as novas instrucións por parte da Consellería, remitimos a seguinte información:
- A 2ª Avaliación dáse por pechada o venres 13 de marzo, data na que se declarou o estado de alarma.
- As notas publicaranse o día 3 de abril, ás 10:00h. a través da aplicación Abalar Móbil. No seguinte enlace tedes aceso á descarga da mesma: AbalarMóbil. Se algunha familia tivese problemas pode poñerse en contacto a través do correo ceip.osello@edu.xunta.es ou co titor correspondente.
- Respétase o período vacacional de Semana Santa do 4 ao 13 de abril, ámbolos dous incluídos.
Á volta das vacacións, no terceiro trimestre, de continuar con esta situación o traballo desenvolverase a través do blogue DENDECASA e a páxina web do CEIP O Sello seguirá actualizando a información oficial da Consellería.
Traballando dende Casa
Enviado por admin o Lun, 16/03/2020 - 07:22Seguimos a traballar na elaboración de materiais para que o alumnado poda traballar na casa.
Se premedes na imaxe accederedes ao Blogue onde pouco a pouco iremos subindo o material.
Lembramos que segundo as últimas instrucións recibidas dende a Xunta, o noso centro permanecerá pechado ata nova orde. Para calquera aclaración ou dúbida atenderémosvos no correo electrónico do centro: ceip.osello@edu.xunta.es (poñendo no asunto a quen vai dirixido o correo)
INFORMACIÓN IMPORTANTE ÁS FAMILIAS
Enviado por admin o Xov, 12/03/2020 - 10:16Atendendo ás últimas informacións facilitadas pola Consellería de Educación informámosvos que AS CLASES VERANSE SUSPENDIDAS DENDE O PRÓXIMO LUNS 16 DE MARZO por motivo da situación relacionada co Coronavirus. Mañana vernes, a asistencia ao centro será voluntaria.
Por este motivo tamén quedará suspendido o obradoiro organizado pola ANPA relacionado co Día do Pai e todas as actividades extraescolares.
En canto ao PROCEDEMENTO DE ADMISIÓN DE ALUMNADO, interrómpense os prazos para a tramitación dos procedementos das entidades do sector público. O cómputo dos prazos reiniciarase no momento en que perda vixencia a RESOLUCIÓN do 15 de marzo de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade ao acordo do Centro de Coordinación Operativa (Cecop), mediante o que se adoptan medidas preventivas en lugares de traballo do sector público autonómico como consecuencia da evolución epidemiolóxica do coronavirus COVID-19.
En canto saibamos mais datos sobre o tema informarémosvos a través da páxina web do centro.
- « primeira
- ‹ anterior
- …
- 25
- 26
- 27
- 28
- 29
- 30
- 31
- 32
- 33
- …
- seguinte ›
- última »