O calendario escolar para o curso 2021-2022 seguirá o establecido na Orde 19 de maio do 2021 pola que se aproba o calendario escolar para o curso 20021-2022 nos centros docentes sostidos con fondos públicos na Comunidade Autónoma de Galicia.

A maiores, durante o vindeiro curso, 2021-2022 o centro contará con dous días de libre disposición:

• 11 de novembro. Festivo Local. San Martiño.
• 16 de Maio (autorizado pola Xefatura Territorial)

https://www.edu.xunta.gal/portal/calendarioescolar 

Este xoves puxemos a vosa disposición, de toda a comunidade educativa o listado de material escolar que se precisa o alumnado de educación primaria neste curso 2021-2022.

Na etapa de Educación Infantil serán as mestras titorás quenes lle informarán nas vindeiras semanas da xestión do material. 

Nesta entrada se pode descargar o documento co material correspondente a cada nivel educativo. 

Tras revisar e visar as solicitudes de Fondo de Libros para o vindeiro curso, e seguindo as indicacións da Orde do 6 de maio (DOG 20 de maio de 2021) na que se regula a participación no fondo solidario de texto para o curso 2021/2022, pasamos a publicar no taboleiro interior do Centro as listaxes provisionais de admitidos (NON hai excluídos). As listaxes definitivas publicaranse o 20 de xullo. 

Para consultar a listaxe de admitidos de xeito telemático, poden acceder á páxina de Fondolibros do Portal Educativo. 

Para calquera dúbida ou aclaración poden chamar ao centro educativo de 10.30 a 13.30. 

Seguindo as Instrucións enviadas pola Consellería, os usuarios de comedor poderán dispoñer deste servizo previa presentación do Anexo II. Modelo de autodeclaración e especificacións relativas á renda do 2020 no centro. 

Teña en conta que: 

- Dispón ata o venres 3 de setembro do 2021 para entregar o anexo no centro.

- Aquel alumnado que non entregue este anexo non poderá facer uso do servizo.

- Se quere facer un simulacro de taxas para o pago do comedor pode facelo premendo na imaxe.