No proceso de reserva e admisión do alumnado para o vindeiro curso 2021-2022 tomaremos o seguinte calendario para ubicar o proceso e indicar os prazos  e datas dentro do mesmo.

A palabara Magosto procede do latín Magnus Ustus, gran lume e significa "fogueira para asar castañas". Esta celebración é unha homenaxe a un dos froitos típicos do outono: a castaña. 

Este ano non tivemos un gran lume pero, si desfrutamos con xogos (sementa e apaña, carreiras ....)  e unha  merendola a base de castañas. Moitas grazas ás nosas cociñeiras por asárnolas. Estaban moi boas.

Un festexo diferente pero igual de divertido!

Preme para acceder a Galería do Magosto.

 Imaxe sacada do blog da teacher: https://thisisourenglishcorner.wordpress.com 

O Halloween sempre foi unha festa con gran tradición no centro. Todos os anos as familias estabades moi afanadas en buscar a mellor cabaza para poder crear xunto cos vosos fillos e fillas unha boa obra. Os pequenos e pequenas, e os non tan pequenos, viñan encantados con elas ao centro, moi fachendosos do traballo familial. Durante o recreo paseaban e miraban as súas obras e as dos seus compañeiros para despois compartir na casa con todos vós.

Este ano, non puido ser así. O traballo non desmereceu o feito en ano anteriores, todo o contrario. Soubéstedes reinventarvos e adaptarvos á nova situación. Todas as vosas creacións colgáronse no salón de actos. Aquí vos queda unha boa mostra. 

Preme encima para acceder ao Álbum

Seguindo indicacións da Xefatura Territorial e da Inspección Educativa informámosvos de que este curso 2020/2021 se deben realizar renovacións nos representantes dos membros do consello escolar. 

Por tal motivo, e dada a situación actual, intentaremos na medida do posible, minimizar o envío de papeis e circulares, empregando só as imprescindibles. Deste xeito, solicitamos a toda a comunidade educativa que, estea atenta durante este mes de outubro e novembro ás novas que iremos subindo a aula virtual e enviando a través do correo electrónico ou a aplicación Abalar Móbil. 

Neste apartado recolleremos toda a información da que dispoñamos sobre o impacto da COVID-19 no centro durante o curso 2021-2022