Blog de biblioteca
E chegaron 2 contos máis, desta volta , Vanessa, a nai de Adrián da clase de 5 anos fíxonos un "contacontos" dobre. Moitísimas grazas a Vanessa polo seu tempo e implicación. Agardamos que vos gusten tanto coma a nós!
En primeiro lugar, un clásico do Nadal que nunca pasa de "moda" ( e tamén unha das recomendacións lectoras de Nadal para o alumnado de ED. Infantil) "Cando Martiño tivo ganas de mexar na noite de Reis"
E en segundo lugar, esta historia tan orixinal: "O principiño e Adrián".
MOITÍSIMAS GRAZAS!!!! |
|||
O pasado venres día 16 de decembro tivemos a sorte de contar con dúas locutoras de Radio Voz dentro dun novo programa que leva a cabo a emisora en colaboración coa Asesoría de Bibliotecas Escolares e os centros participantes no programa "Radio na Biblio"
En primeiro lugar tivemos a sorte de que nos desen unha pequena "charla" sobre a radio e o seu funcionamento a todo o alumnado de ED. Primaria.
Posteriormente o alumnado de 5º e 6º de ED. Primaria cos consellos de Antía e mais a súa compañeira fixeron a gravación dun programa de radio ( que elaboraron, ensaiaron, guionizaron e fixeron a "escaleta" previamente) co seu asesoramento. Aprendendo algunhas cousiñas novas. Moitas grazas ás compañeiras de Radio Voz, e aquí vos queda o programa que foi emitido en directo , e estamos a espera de que o "colguen" no seu espazo adicado a "RADIO NA BIBLIO" na súa páxina web.
Algunhas fotos do momento gravación:
|
|||
Hoxe tivemos a visita de Ana, a nai de Antón ( da clase de 5 anos) que nos veu contar: "Cando Martiño tivo ganas de mexar a noite de Reis" ao alumnado de ED. Infantil e 1º de ED. Primaria. Moitas grazas a Ana por achegarse ao cole e compartir con nós o seu tempo!!!
Ademais Beatriz, a nai de Xermán , da clase de 1º de ED. Primaria fíxonos chegar dous contos moi propios do Nadal, que nos contou coa axuda do seu fillo. Agardamos que os desfrutedes tanto coma nós.
|
|||
Aquí quedan as recomendacións lectoras, elaboradas polo profesorado do centro, para este Nadal. Bo Nadal e boa lectura !!!
Tamén as adxuntamos en formato PDF para que as vexades con máis detalle. Se premedes na portada do libro levaravos á súa ficha técnica. |
|||
Cando convocamos o concurso de postais de Nadal, no centro quedan as "gañadoras", e despois compartimos a creatividade do noso alumnado e as súas familias pola contorna, enviándoas a centros de "maiores"; ao Concello, a outros centros educativos, a institucións representativas, ao centro de saúde , etc etc..
Ás veces recibimos respostas ...
Aquí tedes a respostas que nos envían dende a Residencia San Antonio de Beariz. E ademais as postais que compartimos con eles e elas, penduradas da súa árbore de Nadal.
E este vídeo chulísimo que compartiron con nós como "agradecemento".
|
|||
Novembro foi o " mes da ciencia en galego". e así, na páxina da Asesoría de Bibliotecas Escolares de Galicia" puidemos atopar este texto:
"A ciencia está chea de momentos épicos coma este. Coñecelos e transmitilos é un deber no que todos, non soamente os que somos científicos, debemos participar. Amigos: temos unha historia da ciencia tan rica como descoñecida. Cando leades unha historia coma esta, facédea vosa e transmitídea, porque cada vez que a contedes estaredes sementando a curiosidade pola ciencia e contribuiredes a facer medrar no noso pobo unha cultura científica moi necesaria, que nos permitirá avanzar como sociedade e nos fará máis libres." José Tubío
No centro fixemos diversas actividades a nivel aula, ademais nalgúns dos recreos do mes de novembro houbo "experimentos" destinados ao alumnado de ED. Infantil, de 3º e 4º e 5º e 6º de ED. Primaria. Aquí vos quedan unhas poucas fotos dos experimentos
|
|||
Como xa é tradicional nos últiimos cursos , dende os equipos de Biblioteca e Dinamización da Lingua Galega, convocamos o concurso de postais de Nadal.
|
|||
O pasado venres día 2 tivemos dúas actividades para visibilizar con respecto á DISCAPACIDADE. ( Xa que o 3 de decembro é o DÍA INTERNACIONAL DAS PERSOAS CON DISCAPACIDADE)
Por unha banda, e para o alumnado máis pequeno do centro, SANDRA, a nai de Iria preparou 2 contos con moita intención e sensibilidade.
Para o alumnado da aula mixta de 3 e 4 anos, contoulles "O porquiño Azul" , unha historia que trata sobre a diversidade, e posteriormente fixeron un "porquiño" da cor que quixeron.
Para o aumnado de 5 anos e 1º de ED. Primaria o conto escollido foi " El libro negro de los colores". Mentres lles contaba o conto, deulles unha máscara para tapar os ollos e tocar o libro,, sentir os relevos, e tamén a escritura en braille Despois disto, diversas actividades de estimulación sensorial: tomar alimentos e adiviñar que eran cos ollos pechados, tocar elementos e tentar adiviñar, polo tacto, polo olfacto e tamén pasaron pola emisora de Radio Xuve para escoitar distintos sons, e ver se eran quen de adiviñar a súa orixe. E como actividade final , trouxo un modelo para que puidesen escribir o seu propio nome en "braille".
Queremos agradecer a Sandra, o seu tempo, esforzo e a preparación destas dúas actividades tan interesantes, visibilizadoras e completas. MOITÍSIMA GRAZAS!!!
A outra actividade do dia, para visibilizar, e concienciar ao noso alumando fo a visita ó centro dunha pequena representación de ASPADISI. Esta actividade estaba dirixida ao alumnado de 2º a 6º de ED. Primaria. Primeiramente falaron da súa historia ,da entidade ,despois tamén houbo dúas persoas que contaron a súa "experiencia de vida",e finalmente compartiron con nós todas as actividades que fan e materiais artesanais que elaboran. Foi unha experiencia moi moi interesante e enriquecedora. Para rematar con este día tan emotivo e inspirador, na hora do recreo as persoas de ASPADISI compartiron con nós os seus "xogos populares", ( elaborados en diversos materias, entre eles a madeira por eles mesmos)
Queremos agradecer ás persoas de ASPADISI que se achegaron ao centro, compartiron o seu tempo con nós e enriqueceron as nosas percepcións dun xeito marabilloso.
|
|||
Os equipos de Dinamización da Lingua Galega e Biblioteca ( coa colaboración inestimable do equipo de Actividades Complementarias e Extraescolares) decidiron convocar unha manifestación/camiñada ata o Concello de Boborás no 25N. Aquí tedes o cartaz que se difundiu con motivo da mesma:
Cada unha das aulas preparou a cartelería, escribiu cartaces, consignas, frases, e mostrou a súa arte e creatividade para ir ben equipados e equipadas.
Nas aulas de 4º e 6º de ED. Primaria, ademais, coa axuda do profe Michel prepararon os materiais para deleitarnos cunha "batucada" que foi a banda sonora da nosa saída. Con materiais de refugallo e eles mesmos decoraron os seus instrumentos.
Queremos agradecer tamén ao Concello de Boborás por cedernos as súas instalacións para que o alumnado do terceiro ciclo saíse ao " balcón" a compartir os seus pensamentos e consignas. Agradecer tamén ás familias que se achegaron e nos acompañaron na nosa andaina. E con todo, que o tempo acompañou acó vos quedan unhas poucas imaxes do evento:
Por outra banda, o profe Óscar, ademais de facer a reportaxe gráfica do evento, tamén recompilou os cartaces elaborados polo alumnado para que se puidesen apreciar con maior claridade.
Queremos agradecer á toda a Comunidade Educativa, e a todas as persoas que se uniron, ou colaboraron con nós nesta data. GRAZAS |
|||
OS EQUIPOS DE BIBLIOTECA E DINAMIZACIÓN DA LINGUA PROPOÑEN: UNHA CAMIÑADA VIOLETA E REIVINDICATIVA O VINDEIRO VENRES DÍA 25 ( SE O TEMPO O PERMITE) POR BOBORÁS ATA O CONCELLO. ÁS 13:00 HORAS POSTERIORMENTE O ALUMNADO DO 3º CICLO FARÁ UN COMUNICADO RELACIONADO CON ESTA DATA. UNÍDEVOS A NÓS E ANIMÁDEVOS A PARTICIPAR!!! LEVAREMOS "PANCARTAS" E TAMÉN FAREMOS MOITO REBUMBIO!!!!
|
|||
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »
