BIBLIOTECA ESCOLAR

SAÍDA DO CLUB DE LECTURA DE FAMILIAS E PROFESORADO

Ven, 05/07/2024 - 03:02 — Leo

O pasado sábado 29 de xuño tivemos a derradeira reunión do Club de Lectura de Familias e profesorado deste curso.

Partindo da proposta de lectura conxunta que nos fixo Ángeles

(coordinadora do equipo de biblioteca do CEIP PETELOS en Mos) lemos "A lavandeira de San Simón" de Eva Mejuto.

Para finalmente ese día facer unha visita os dous clubs de lectura á Illa de San Simón onde se desenvolve a historia.

Foi unha xornada moi enriquecedora, compartindo con outro Club de Lectura e falando do libro, da historia da illa, da época na que foi cárcere... mentres nos guiaban pola illa.

Queremos agradecer ao CEIP Petelos esta proposta e especialmente a Ángeles por toda a xestión da actividade e polo agasallo que nos fixeron a cada unha de nós.

Sen esquecer á Asesoría de Bibliotecas Escolares que fai posible actividades tan enriquecedoras coma esta.

De volta xa a terra fomos xantar e pola tarde fixemos a seguinte parada na nosa viaxe: Ribadavia, xa que este curso tamén lemos "Memoria do silencio" da mesma autora e quixemos dar unha volta polo barrio xudeo ...

Paseando por algúns dos lugares polos que se desenvolve a historia das Irmás Touza.

Rematamos na estación de tren de Ribadavia, buscando o lugar onde estaría o quiosco das irmás...

Foi un día para non esquecer, grazas a todas as integrantes que viñeron (xa que non foi posible que asistisen todas) e a todas as persoas que contribuíron a este "broche final" do noso club este curso...

Agora a desfrutar da lectura de verán, e vémonos en setembro!!!

blogue de Leo

OBRADOIRO DE RADIO CON IAGO GORDILLO.

Lun, 01/07/2024 - 03:04 — Leo

Este curso o Obradoiro de Radio foi destinado ao alumnado de 3º e 4º de ED. Primaria, impartido por Iago Gordillo.

Coma en ocasións anteriores o obradoiro tivo dúas partes: na primeira cada unha das aulas e de xeito telemático tivo unha clase teórico práctica con Iago, na que lles explicou os conceptos máis básicos de como funciona a radio, tipo de programas, ideas, exemplos... etc.

Finalmente e despois de todo o aprendido, púxolles "deberes", a elaboracion da "escaleta" e "guión do seu propio programa de radio.

Pasadas 2 semanas, Iago achegouse ao noso centro e estivo a metade da mañá con cada unha das aulas para facer o programa e axudarlles no proceso de creación e edición do mesmo dende a mesa de control.

Despois de "pulir" e xuntar todo o material, Iago enviounos o resultado final de cada unha das aulas, que podedes escoitar aquí:

Agardamos que o desfrutedes, tanto como o fixo o alumnado durante o proceso e moitísimas grazas a Iago por achegarse ao noso centro e por compartir con nós o seu tempo e coñecementos. E pola paciencia!!

blogue de Leo

CELEBRANDO O DÍA DA PAZ

Mér, 31/01/2024 - 08:10 — Leo

Onte, 30 de xaneiro conmemorouse o DÍA ESCOLAR DA NON VIOLENCIA E A PAZ.

Dende o equipo de biblioteca fixemos unha proposta en B.D ( xa que este curso o lema é "Unha Biblioteca Escolar en Viñetas")

Foi unha proposta para facer a nivel aula, e que dese lugar a unha pequena reflexión grupal sobre que é para nós a Paz : que cousas nos producen Paz, que entendemos que é a Paz, que actividades nos levan a sentir Paz... que persoas nos axudan a facelo así.

Comezamos hai 2 semanas lanzando esta proposta ás titorías:

Incluíndo a definición do diccionario RAG ( online) da palabra PAZ.

E partindo desas definicións, facer unha pequena reflexión e plasmalo nunha "viñeta".

E aquí deixamos unha foto de todos os traballos feitos polo noso alumnado.

blogue de Leo

2ª REUNIÓN DO CLUB DE LECTURA PARA FAMILIAS E PROFESORADO

Sáb, 11/02/2023 - 15:01 — Leo

O pasado mércores día 8 tivemos a segunda reunión do CLUBE DE LECTURA DE FAMILIAS E PROFESORADO.

Desta volta reunímonos para falar da 1ª lectura deste curso, INFAMIA de Ledicia Costas.

Foi unha reunión moi intensa, que deu lugar a un amplo debate e un intercambio de pensamentos e sobre todo falamos sobre infancia, empatía, medo, víctimas e culpabilización das mesmas.

Da importancia de que os fillos e fillas confíen sempre, e quizais a pregunta que máis saiu foi : para cando unha segunda parte de Infamia?

Gustounos moito a lectura, aínda que saiu tamén a "dureza" da historia, os paralelismos e tamén os temas de transfondo.

Presentamos tamén a seguinte lectura , que será "A CULPA" de María Solar ( Premio Xerais 2022) que ten unha sinopse máis que atractiva e interesante...

BOA LECTURA!!

blogue de Leo

CONCURSO DE POSTAIS DE NADAL

Dom, 18/12/2022 - 14:37 — Leo

Como xa é tradicional nos últiimos cursos , dende os equipos de Biblioteca e Dinamización da Lingua Galega, convocamos o concurso de postais de Nadal.

blogue de Leo

RECOMENDACIÓNS LECTORAS PARA O VERÁN

Lun, 21/06/2021 - 14:38 — Leo

A nosa recomendación é: que leades, que leades moito, e que leades cousas que vos gusten.

Deixámosvos aquí unhas poucas recomendacións lectoras para o verán, por idades.

Para ampliar a información descargade o PDF adxunto: premendo en cada un dos libros, enlazaravos a súa ficha técnica.

BO VERÁN E BOA LECTURA!!!!!!

RECOMENDACIÓNS LECTORAS PARA NADAL

Sáb, 19/12/2020 - 04:38 — Leo

Aquí vos deixamos as recomendacións lectoras para Nadal seleccionadas dende as titorías en coordinacións dos "ciclos".

En 2 formatos: un pequeno vídeo para que vos fagades unha idea máis visual , e un documento en PDF, para que o poidades ver máis detidamente.

( Nota: no documento , se premedes no título dos libros, levaravos á súa ficha técnica, para que teñades un pouco máis de información sobre os mesmos).

BOA LECTURA EN FAMILIA !!!

A CLASE DE 3 ANOS NA RADIO XUVE

Lun, 30/03/2020 - 10:10 — Visitante

As nenas e nenos da clase de 3 anos visitamos o ESPAZO MAKER para coñecer e empregar a RADIO XUVE por primeira vez.

Aquí vos deixamos un pequeno vídeo sobre como foi a nosa primeira toma de contacto.

Agardo que vos guste.

Nós seguro que repetimos, aos nenos e nenas ENCANTOULLES!!

blogue de

PROPOSTA COLABORATIVA PARA AS FAMILIAS E ALUMNADO

Mar, 17/03/2020 - 09:22 — Leo

Deixámosvos esta proposta, de participación voluntaria, por se vos animades.

Faremos unha presentación/ vídeo coas vosas colaboracións que compartiremos nas nosas redes.

Para que, aínda que na distancia, poidamos colaborar todos e todas nunha mesma actividade:

A participación é voluntaria, pero encantaríanos que participásedes:

Correo electrónico ó que enviar as vosas achegas : xuvefoto@gmail.com

Data límite de envÍo 23 de marzo.

Botádelle imaxinación, e enviádenos fotos, ou debuxos ou pequenos vídeos recitando poesía... o que consideredes !!!

MOITAS GRAZAS POLA VOSA COLABORACIÓN.

blogue de Leo

8M: CONTACONTOS CON UXÍA MORÁN.

Mar, 17/03/2020 - 06:39 — Leo

O pasado xoves, Uxía González Morán achegouse ó noso centro para celebrar con nós o 8M: Día Internacional da Muller.

Dividimos ó alumnado en tres grupos, e para o de ED. Infantil a actividade foi a través do mundo máxico dos contos.

Esta actividade foi organizada pola Mancomunidade de Concellos do Carballiño.

Así os máis pequenos do centro desfrutaron de 3 contos marabillosos, fantasticamente narrados por Uxía.

(Premede nas imaxes, se queredes coñecer a "ficha técnica de cada un deles)