Blog de biblioteca
Este curso, para conmemorar o día da POESÍA, e xa que no centro estamos traballando a inclusión e dentro diso estamos introducíndonos en DUA (Deseño Universal da Aprendizaxe)
Dende o equipo de biblioteca, e en coordinación co D.O por medio da mestra de A.L fixemos a seguinte proposta: Que escollesen poemas e os convertisen a DUA. Centrándonos no segundo dos principios : "Proporcionar múltiples formas de representación" porque non todas as persoas percibimos e comprendemos do mesmo xeito. Nos cursos máis baixos, pedimos que elaborasen un ou dous poemas por aula ( nos máis pequenos coa axuda dos titores e titoras) , e nos máis altos, que os elaborasen de xeito autónomo en pequeno grupo. Parte do alumnado de sexto , ademais de presentar os poemas de xeito textual adxuntou un "CÓDIGO QR" para que tamén se puidesen escoitar, ampliando así a accesibilidade dos mesmos.
Foi unha experiencia interesante e motivadora para o alumnado e tamén serviu para adquirir outras perspectivas á hora de recibir e transmitir a información, tendo en conta a diversidade.
A escolma poéitca recompilada aparece a continuación en formato PDF, coma arquivos adxuntos.
BO DÍA DA POESÍA.
|
|||
O martes tivo lugar a terceira e última parte do Obradoiro de Radio con Iago Gordillo. Desta volta cada aula tivo unha sesión telemática individual para falar da súa creación, do seu programa de radio. Escoitárono, con moitísima atención, e falaron de como corrixir erros comúns, subir ou baixar as voces, as sintonías e depurar pequenos detalles para facer que a súa creación tivese unha mellor calidade. Moitas grazas novamente a Iago, porque foi un obradoiro interesante, moi ilustrativo, no que aprenderon moito, implicáronse e desfrutaron.
SESIÓN NA CLASE DE QUINTO:
SESIÓN NA CLASE DE SEXTO:
|
|||
Cada unha das aulas preparou un "pareado" ou "rima", hai quen tamén lle chama "coplas" para celebrar o noso entroido.
Cada unha das aulas pasou por "Radio Xuve" para facer a gravación das súas creacións, e aquí tedes o resultado final. Grazas ao profe Rubén pola montaxe do mesmo: (A canción que se escoita é dos "Amigos dos Músicos", titulada " Non pare a festa" )
|
|||
Hoxe contamos no centro con Uxía Morán , para desenvolver o OBRADOIRO 8M PARA O FOMENTO DA IGUALDADE: ROMPEMOS COS ROLES?
Dividiuse ao alumnado en 3 grupos, con distintas actividades para cada un deles. Comezou o alumnado de ED. Infantil , que non perdeu detalle de ningún dos 3 contos que narrou: (Se premedes no titulo de cada un, accederedes a súa ficha técnica)
Para os outros 2 grupos, ademais de contarlles os contos dun xeito engaiolante, fixeron unha serie de actividades moi dinámicas, para pensar e reflexionar sobre as nosas actitudes.
Foi unha actividade moi completa e interesante, e agradecemos tanto á Mancomunidade coma a magnífica contadora de contos Uxía Morán, este obradoiro.
Aquí deixamos unhas poucas fotos do evento , que se desenvolveu no patio exterior do centro.
|
|||
Outra das actividades desenvolvidas no 8M foi este LIP DUB realizado polo alumnado de quinto e sexto de primaria, en colaboración coas titoras e os profes Jose e Rubén.
O primeiro foi traballar a letra da canción , que deu moito que falar, e un debate sobre se aínda hai cousas nas que non somos iguais homes e mulleres, e reflexións sobre a concepción do corpo masculino e feminino socialmente.
Posteriormente pediuse a colaboración das familias para que aportasen ( quen quixese) unha fotografía das súas nais, xa que eran o obxecto de homenaxe neste proxecto e despois de todo este traballo previo, na semana do 8M fíxose a gravación do mesmo.
E aquí tedes o resultado!!!
|
|||
O pasado martes comezamos a formación en radio deste curso, impartida por Iago Gordillo, creador de contido en galego. Con unha videoconferencia na que nos explicou as bases teóricas, dun xeito moi lúdico e fixo unha proposta para o alumnado: guionizar o seu propio programa de radio para hoxe, levalo á práctica.
Foi un pracer contar con Iago no centro, e foi unha actividade moi completa e interesante para o noso alumnado .
Hoxe puxeron en práctica os guións elaborados durante a semana ( como tarefa proposta na primeira sesión), deulles unhas nocións básicas de como "locutar" correctamente. Despois veu a parte máis técnica de probar o funcionamento dos micros e un pouco de "linguaxe xestual" para comunicarse na radio. Tamén fixeron uns "mini anuncios", e "recomendacións" Xuntaron todo o que fixeron en "pequeno grupo" para así dar lugar a un programa de radio ( un por cada aula) como resultado de todo o proceso... que verá a luz o próximo martes na derradeira sesión formativa deste obradoiro de radio tan completo!! Moitas grazas a Iago, pola súa colaboración. E aquí vos quedan unhas poucas fotos do momento das gravacións, e un pequeno vídeo do alumnado de quinto en acción.
|
|||
O alumnado de sexto de ED. Primaria, coa colaboración do profe Rubén , está desenvolvendo esta actividade denominada "bookface" ou o que é o mesmo: a arte de fundirse coa portada dun libro.
Aquí temos as 5 primeiras creacións, acompañadas dunha breve reseña de cada un dos libros:
As estrambóticas viaxes de Gulliver (Adrián) Autor: Pinto y Chinto. Sinopse: O que Jonathan Swift, o mordaz escritor anglo-irlandés, presenta na súa novela satírica As viaxes de Gulliver, é o colmo do absurdo para a literatura da época. Gulliver viaxa catro veces como médico dun barco, rematando catro veces entre estrañas civilizacións que non só teñen nomes que parecen trabalinguas, senón que non poderían ser máis singulares. Idade recomendada: 3º e 4º de primaria. A miña opinión. A min gustoume, pero pareceume un pouco longo.
Arrodeos e desvios do camiño de Santiago e outras rotas (Alfonso) Autor: Uxío Novoneyra Sinopse: Libro de poemas de Uxio Novoneyra entorno o camiño de Santiago e as suas rutas. Idade recomendada: libro para adultos A miña opinión: Ten un vocabulario moi complicado.
El chubasquero de Aurora (Christian) Autor: Paco Ortega. Sinopse: O libro trata dunha nena que cre nuns monstros que a atacaban todo o tempo entón a súa mama regaloulle un chuvasqueiro branco con botóns moi grandes e de distintas cores para que perda o medo aos monstros. Idade recomendada: 10 anos A miña opinión: Non me gustou moito, pero si que me encantaron os monstros.
A escalada vermella (Diego) Autor: Fernando Pérez Hernando Sinopse O libro trátase dun paxaro que usa unha escaleira para subir a lugares, e un día o paxaro perdeu a escaleira pero o seu amigo o coello dille que pode voar e o problema solucionouse e aquí terminan os problemas. Idade recomendada: nenos e nenas de ED. Infantil A Miña opinión: a miña opinión sobre o libro é que e un bó libro para o publico que esta dirixido.
Insólitos dinosaurios (Gabriel) Autor: María Mañeru Sinopse O libro trata de dinosaurios e pon varios dinosaurios e as súas características. Idade recomendada: de 6 a 10 anos. A Miña opinión o libro está regular porque as imaxes son pouco cribles e di algunha información incorrecta por exemplo: Pon aos pterosaurios como un dinosauro e non é verdade xa que é unha familia de réptiles voadores.
|
|||
Onte tivemos a primeira sesión de formación en Radio, con Iago Gordillo. Creador de contido, en galego (en diversas redes) e experto na materia radiofónica.
Esta sesión desenvolveuse de xeito "telemático" para o alumnado de quinto e sexto de ED. Primaria.
Durante a videoconferencia tratou diversos temas que espertaron o interese e curiosidade do noso alumnado, primeiro introduciunos na historia da radio, e os tipos de radio que se poden atopar.
Poñendo exemplos das distintas temáticas que podería ter un programa de radio, explicando a diferenza entre este e un podcast .
Para rematar facendo un repaso dos distintos formatos existentes e as características de cada un deles. Todo dende unha óptica dinámica e divertida que enganchou ao noso alumnado.
E por último.. unha rolda de preguntas, porque o noso alumnado é ben curioso!!
Foi unha experiencia moi interesante e amena, que captou a atencióin do noso alumnado Agardan impacientes a vindeira sesión, para poñer en práctica o aprendido, desta volta en "modo presencial".
|
|||
Onte, 8 de marzo , conmemorouse o DÍA INTERNACIONAL DA MULLER . Dende a biblioteca propúxose unha pequena escolma de libros para conmemorar esta data. Tamén se propuxo a elaboración dun pequeno texto, reflexivo, sobre "a muller máis importante nas súas vidas", a lonxitude do mesmo adaptada ás distintas idades do noso alumnado. Para as e os máis pequenos a proposta foi gráfica. Agradecemos a todo o alumnado a súa participación e explicación de porqué estas mulleres ( na maioría a muller elexida foi a súa nai) son importantes para eles e para elas. Para compartilas con toda a comunidade educativa, colgáronse na entrada do centro e acceso á nosa biblioteca escolar.
Quedan 2 actividades pendientes para conmemorar esta data: o alumnado de quinto e sexto está preparando un "lip dub" para homenaxear ás súas proxenitoras e a vindeira semana , e grazas á Mancomunidade de concellos do Carballiño teremos un contacontos sobre a temática. Seguiremos informando...
AMPLIACIÓN: -Xa está dispoñible o LIP DUB elaborado polo alumnado de quinto e sexto de ED. Primaria : premede no título para acceder ao artigo sobre o mesmo: "AY, MAMÁ"
-Hoxe día 17 desenvolveuse o OBRADOIRO 8M : Contacontos con Uxía Morán. |
|||
Chegou outro "contacontos" por parte das familias. Desta volta, Vanessa, a mamá de Kay de 4 anos, contounos o conto favorito do seu fillo: Los 3 piratas y el león. ( De Jorge Cervantes)
Agardamos que vos guste, e o disfrutedes e moitas grazas a Vanessa pola súa contribución.
|
|||
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »
