Blog de biblioteca
Como comentamos onte nesta entrada 3 DE DECEMBRO DÍA DAS PERSOAS CON DISCAPACIDADE hoxe tivemos 2 actividades que levou a cabo Sandra Coego, a nai de Iria da clase de 5º de ED. Primaria.
Dende o equipo de biblioteca e tamén dende o centro queremos agradecer a Sandra a súa implicación, creatividade e bo facer, e compartir todo iso con nós é un privilexio.
Hoxe fixo dúas "contadas" a primeira para o alumnado de ED. Infantil. No que despois de visionar o vídeo de "Diferentes" falounos da diversidade a todos os niveis e o enriquecedor que resulta que todos e todas sexamos diferentes. que é o enfoque lle demos á actividade para os máis pequenos e pequenas) e despois contounos ¡Vivan las uñas de colores! para a continuación facer un mural colectivo con todo o alumnado de ED. Infantil e finalizar pintándonos as uñas de cores ( coa colaboración das profes Natalia, Mercedes e Mirian)
E aquí vos queda unha pequena escolma fotográfica do momento:
A seguinte quenda foi para o alumnado de 1º e 2º de ED. Primaria que tamén desfrutaron do vídeo que Sandra "dobrou " ao galego , despois de falarlles de discapacidade e diversidade. Para contarlles o "conto da cebola" . Unha historia que invita a reflexionar sobre o que pode influir en nós os comentarios ou reaccións dos demais. E quizais o que máis lles gustou, ou co que máis desfrutaron foi co "RAP DA CEBOLA" co que nos deleitou Sandra e nos puxo a todos a bailaaaar. E por último , utilizou unha cebola para darnos a coñecer unha marabillosa mensaxe, na que estamos totalmente dacordo: so podemos darlle AS GRAZAS . Acó vos quedan unhas poucas fotos da actividade.
|
|||
Hoxe, 3 de decembro é o DÍA INTERNACIONAL DAS PERSOAS CON DISCAPACIDADE.
A nivel de centro imos distribuir as actividades arredor desta data en 2 días. Mañá día 4 a actividade irá dirixida ao alumnado de ED. Infantil e 1º ciclo de ED. Primaria. Sandra, a nai de Iria, da clase de 5º vai representar 2 contos relacionados coa diversidade e a discapacidade, ademais dunha serie de actividades de concienciación mediante o conto e a actividade lúdica. Moitísimas grazas a Sandra por colaborar con nós. O martes dia 5 , unha pequena representación de ASPADISI visitará o noso centro , para desenvolver unha actividade para o 2º e 3º ciclo de ED. Primaria e tamén unha actividade de xogo na hora do recreo para todo o alumnado do centro.
Por outra banda, queremos agradecer novamente a Sandra, que locutou e dobrou ao galego, un vídeo da "Seño Mica" ( co permiso da autora) sobre a diversidade : DIFERENTES. Queremos agradecer tamén ao profe Javi xa que foi o que editou e gravou con Sandra en Radio Xuve a dobraxe do vídeo, que vos deixamos a continuación:
|
|||
Por sexto ano consecutivo poñemos en marcha o concurso de Postais de Nadal. Acó vos queda o texto da convocatoria. Grazas por participar ,implicarvos e compartir :
|
|||
Hoxe , luns 27 , se o tempo o permite, imos facer unha camiñada ata o Concello e despois o alumnado de 4º lerá un pequeno manifesto. Notificamos ás familias e convidámolas a unirse anós. Acó tedes toda a información:
|
|||
Novembro é o MES DA CIENCIA EN GALEGO. Na páxina da Asesoría de Bibliotecas Escolares están recollidos diversos materiais para traballar durante este mes así podedes atopar diversos materiais e contidos sobre ciencia en galego e tamén o MANIFESTO elaborado por Elena Vázquez Cendón , do que reproducimos aquí un pequeno anaco:
"A ciencia é un dos sabores do saber. Para degustala, é moi importante a nosa participación activa, e o grande activador é a curiosidade. Precisamos formular preguntas para saborear a ciencia e a lingua pemítenos degustala, e tamén é a canle para contar e escoitar as respostas".
Elena Vázquez Cendón
A nivel centro, propuxemoslle ao alumnado de ED. Primaria que investigasen e preparasen experimentos ( a poder ser relacionados cos alimentos , xa que imos na liña do noso PDI deste curso: XUVE SAUDABLE) para facer a demostración dos mesmos ao resto do alumnado. Así, esta semana a "hora de ler" desenvolveuse dun xeito diferente: cada día un dos ciclos realizou os seus experimentos en dúas quendas para que o puidesen observar o resto do alumnado Un grupo fíxoo no patio "tapado " novo e o outro no patio , diante da nosa B.E. . E así dividimos ao alumnado en 2 grupos que rotaron polos mesmos.
Foi unha actividade moi interesante , na que o alumnado buscou, experimentou e despois expuso diante do resto o que aprendeu .
Queremos agradecer ás titoras de ED. Primaria o traballo de investigación e coordinación que supuxo, para dar lugar a uns experimentos moi interesantes.
Adxuntamos a infografía en formato PDF para poder vela cunha maior calidade.
|
|||
O pasado xoves día 9 de Novembro tivemos a primeira reunión do Club de Lectura de familias e profesorado. Este curso aumentamos o número de familias participantes , aínda que como pasa ás veces por diversos motivos, varias das novas incorporacións non puideron asistir. Comezamos ás 16:00 horas na zona “maker” da nosa biblioteca. O punto principal foi falar das nosas “Lecturas de Verán”, e houbo un pouco de todo, en xeral gustaron pero tamén houbo algunha delas que non foi o interesante que se podía agardar, ou que a espectativa non se cumpriu...
Falamos das lecturas posibles para este curso, e a idea de comezar cunha de Ledicia Costas, como fixemos os dous cursos anteriores, que casualmente acaba de sacar un libro de poesía: “Ultraluz”. A poesía quizais non sexa o xénero máis popular no noso club, falamos de varias ideas para facer unha lectura compartida e reflexionar sobre o contido e compartir as nosas impresións. Tamén se falou de que as novas incorporacións lesen o primeiro libro que lemos no club: “Golpes de Luz” de Ledicia costas tamén e tamén falamos da seguinte lectura para todas.
Unha vez compartidas as nosas impresións sobre as lecturas de verán pasamos á tomar un café á sala de mestras e queremos agradecer a Bea e a María Luísa que aportaron parte da sobremesa.
Beatriz fíxonos 2 receitas dun libro de Receitas de Harry Potter: uns panciños de queixo moi saborosos e unhas galletas que estaban moi boas. Pola súa parte María Luisa deleitounos cun “brownie saudable” sen azucre e con fariña de avea que estaba espectacular. Finalizamos a reunión con varias ideas de lecturae postergamos a seguinte reunión para final de trimestre e xa coa nova lectura escollida xa máis de relax...
|
|||
Hai 2 semanas, dende o equipo de Biblioteca e Dinamización da Lingua galega, lanzamos unha proposta ás aulas de ED. PRIMARIA: A elaboración dun MENÚ ESPECIAL SAMAÍN TERRORIFICAMENTE SAUDABLE. Dende as titorías acolleron a nosa proposta e puxéronse a argallar... seleccionaron as súas receitas ( terroricamente saudables, ou so terroríficas, ou beberaxes... unha soa... houbo quen fixo varias) sempre traballando en equipo e desfrutando de todo o proceso.
Queremos agradecer ás titoras e a todo o alumnado que se implicou , participou e pasouno moi ben durante todo o proceso. Aquí vos quedan os terroríficos resultados finais deste menú de Samaín.
BO PROVEITO!!!!! |
|||
O dia 25 de outubro celebramos no colexio o día das bibliotecas. Nesta xornada amosamos ao alumnado o funcionamento da mesma. Ademais os rapaces e rapazas degustaron un delicioso almorzo saudable. Para rematar a xornada o alumnado de 5º e 6º fixo unha representación sobre o proxecto que levaremos a cabo no centro este curso, despois dun duro traballo de investigación ALFIN/ AMI dende as titorías e que ten que ver cos hábitos de vida saudables, o seu nome: "Xuve saudable". Aquí tedes un pequeno vídeo da recopilación de actividades:
|
|||
Dende o equipo de Biblioteca e Dinamización da Lingua galega, lanzamos esta proposta ás aulas de ED. Primaria para que traballen en equipo, potencien a súa creatividade e compartan con nós o resultado final.
Acó vos deixamos a proposta:
|
|||
Onte, día 25 parte das integrantes do Club de Lectura de familias e profesorado desprazámonos ata Vigo para poñernos en situación e falar sobre a derradeira novela que limos este curso: Sete Caveiras de Elena Gallego A novela transcorre na cidade de Vigo, escollemos 3 dos lugares máis emblemáticos onde apareceron 3 dos cadáveres: O museo do Mar de Vigo ( que visitamos e contamos con visita guiada) , concretamente o seu FARO. Ademais da praia de Samil e a Illa de Toralla.
Tamén fixemos unhas fotos artísticas grazas ao material facilitado por Bea:
E aquí tedes ás artífices da creación:
Despois da visita, dirixímonos a Samil, porque alí ( ademais de comer o xantar que levabamos) desenvólvese parte da novela, onde aparece outro dos cadáveres. Houbo momento para un café relax... e falar outro pouco sobre ese fragmento da novela. E por ultimo achegámonos ata a Illa de Toralla, porque , efectivamente alí apareceu outro dos cadáveres. Foi unha xornada distinta, interesante e moi divertida. Botamos de menos ás participantes que non puideron asistir, pero xa argallamos a primeira reunión do vindeiro curso.
Finalmente , de volta xa un último momento , na que non estamos todas as que somos pero unha boa representación das mesmas
Pero isto non foi todo, na viaxe de ida ademais de falar do libro escoitamos 2 audios. Un deles foi a entrevista que lle fixemos a María Solar coas nosas dúbidas sobre o seu libro "A CULPA". Enviámoslle as nosas dúbidas ( recollidas en Radio Xuve) e ela amablemente contestounos. E fomos escoitando o resultado final . Agradecemos ao profe Javi que foi o que editou e xuntou as preguntas coas respostas. ( Non imos subir ese audio aquí , porque sería un SPOILER inmenso para as persoas que aínda non o lestes)
O que si imos compartir con vós foron os Poemas que recitaron Glenmy e Carolina , xa que non puideron asisitir e deixaron así a a súa despedida. Non sabíamos que Glenmy (sempre tan discreto) escribiu un libro de poemas para adultos titulado "Del amor y algo más" e recitou magnificamente un dos mesmos.
Queremos agradecer tamén á biblioteca pública Xosé Neira Vilas de Vigo que compartiu con nós o "mapa literario de Vigo" , no que aparece "Sete Caveiras" na liña 5. (Adxuntamos o documento que nos compartiron e que repartimos entre todas as asistentes) Foi un pracer compartir e formar parte deste club de lectura tan intenso... pensando xa no vindeiro curso. Bo verán e boa lectura!!! |
|||
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
