Blog de biblioteca
O 11 de febreiro conmemórase o
Imos desenvolver unha serie de actividades a nivel ciclo, relacionadas con esta data: de investigación (sexa na web ou mediante os libros que temos relacionados coa temática) , algunha charla informativa por parte dunha muller científica galega (grazas á Uvigo), xogos e visionado dalgúns vídeos
O primeiro que faremos será recordar o traballo que desenvolvemos hai 3 cursos sobre esta temática, que comezamos en novembro e rematamos no 8M: Científicas Galegas: Mulleres Bravas.
Aquí deixamos o RAP que fixemos como produto final deste proxecto:
Na páxina web 11 de Febreiro podedes atopar moitísimo material para traballar este tema: actividades, materiais, estatísticas, información sobre mulleres e ciencia, chicas e estudos STEAM e un longo etc...
Aquí vos deixamos un vídeo, titulado "Ese lugar" que foi eaborado pola Cátedra de Cultura Ciencífica da UPV/EHU. Xa que o 11 de febreiro será o día da Muller e a Nena na Ciencia, e o día seguinte... e os que virán despois...
Este vídeo "Yo quiero ser científica" no que 9 mestras da Universidade pública de Navarra (UPNA) son intérpretes e autoras dunha obra de teatro divulgativa na que rescatan a vida e obra de mulleres científicas do pasado:
Para os máis pequenos, este vídeo gañador do concurso de curtametraxes da Unesco "Mujeres en la CTI y matemáticas":
Podedes ver tamén a serie de animación "Mujer en la ciencia" As ilustracións e a animación do vídeo deste proxecto son do profesor de bioquímica Iñigo Izal Azcárate e a narración en "voz en off "corre a cargo da periodista Eva Lus (Radio Universidad de Navarra).Tamén colabora nesta serie de animación o grupo Women for Science and Technology e diferentes persoas expertas asesoran na elaboración dos guions das distintas biografías. As protagonistas destas historias son: A microbióloga Alice Catherine Evans (1881-1975). A enfermeira e estadística Florence Nightingale (1820-1910) A bióloga e divulgadora Rachel Louise Carson (1907-1964) A astrónoma Cecilia Payne-Gaposchkin (1900-1979), … (fonte https://mujeresconciencia.com/2019/11/19/serie-de-animacion-la-mujer-en-la-ciencia/)
Se queredes seguir "curioseando" deixámosvos un link con libros e películas recopilados en 11defebrero.org. ( E se premedes aquí, accederedes a todos os materiais dispoñibles)
Tedes á vosa disposición os PODCAST de "VOCES 11F" (hai 4 tempadas nas que diversas mulleres científicas falan do seu traballo, das súas investigacións e das súas experiencias)
Se vos apetece xogar "ó rosco das científicas" non tedes máis que premer AQUÍ CIENTÍFICAS: O CÓMIC dende a Universidade de Sevilla e executado pola precisa man da ilustradora Raquel García Ulldemolins
Outra iniciativa destacable foi a de "Mi científica favorita"
É unha iniciativa da Comisión de Género do Instituto de Ciencias Matemáticas (ICMAT) en colaboración coa Unidad de Comunicación del ICMAT e a Fundación Española para la Ciencia y la Tecnología, e coa asesoría do mestre de educación primaria Roberto Soto Varela.
Elas son: Ada Lovelace, Sophie Germain, Hipatia de Alejandría, Katherine Johnson, Jocelyn Bell, Jane Goodall, Bárbara McClintock, Bonnie Lynn Bassler, Mary Anderson, Merit Ptah , Elena García, Margarita Salas, Milena Peraita, Marie Curie, Clara González Marín, Virginia Apgar, Esther Lederberg, María Blasco, Caroline Herschel, Rosalind Franklin, Wang Zhenyi, Mara Dierssen, Pilar Mateo, Vera Rubin, Tu YouYou, Marta Navarrete Llinás, Joan Feynman , Hedy Lamarr.
(Premede nos seus nomes para acceder á información sobre elas)
Podedes descargar este libro de balde, en PDF premendo aquí: MI CIENTÍFICA FAVORITA e tamén podedes descargar en PDF "MI CIENTÍFICA FAVORITA 3"
Outra páxina que non se pode esquecer nesta viaxe de referenciación da muller e a nena na ciencia é MUJERES CON CIENCIA onde poderedes atopar todo tipo de noticias, materiais, actividades relacionadas, coas mulleres e coa ciencia...
ACTUALIZACIÓN: Engadimos unha recomendación feita dende o Centro Oceanográfico de Vigo (Instituto Español de Oceanografía - IEO) "Oceánicas: pioneras de la oceanografía" onde nos contan a historia de 10 científicas ilustres . Podedes descargar o libro en PDF de balde!!! Dende o equipo de biblioteca agardamos que todos estes recursos e información vos sexa de utilidade. #11deFebreiro2024 #11F #11Febreiro.
|
|||
Onte, 30 de xaneiro conmemorouse o DÍA ESCOLAR DA NON VIOLENCIA E A PAZ. Dende o equipo de biblioteca fixemos unha proposta en B.D ( xa que este curso o lema é "Unha Biblioteca Escolar en Viñetas") Foi unha proposta para facer a nivel aula, e que dese lugar a unha pequena reflexión grupal sobre que é para nós a Paz : que cousas nos producen Paz, que entendemos que é a Paz, que actividades nos levan a sentir Paz... que persoas nos axudan a facelo así.
Comezamos hai 2 semanas lanzando esta proposta ás titorías:
Incluíndo a definición do diccionario RAG ( online) da palabra PAZ. E partindo desas definicións, facer unha pequena reflexión e plasmalo nunha "viñeta".
E aquí deixamos unha foto de todos os traballos feitos polo noso alumnado.
|
|||
O pasado mércores día 20 tivemos a 2ª reunión do Club de Lectura de familias e profesorado. Desta volta para falar de ( ou máis ben escoitar) Ultraluz, o libro de poemas de Ledicia Costas. Comezamos cunha pequena introducción sobre poesía que nos fixo a profe Mercedes e continuamos...
Somos conscientes de que quizais a poesía e o teatro non sexan os xéneros que máis gustan, polo que decidimos que en lugar de enviar o libro para que o leran en casa, fixemos unha especie de lectura compartida na reunión ( ou máis ben escoita activa)
Tamén falamos de se nos gustaba a poesía ou non, e os posibles motivos.
Hai un par de meses, presentouse Ultraluz , unha lectura do libro por parte da autora, e co acompañamento musical dos irmáns Ferreiro: Iván e Amaro.
Despois escoitamos algúns dos poemas na voz da propia Ledicia, que están dispoñibles en Youtube (subidos pola propia autora) e falamos das sensacións que nos producían. Aquí vos deixamos algúns dos poemas que escoitamos : Episodio primeiro, Hibernación, Unha casa inmóbil e Mente colmea , entre outros..
Posteriormente compartimos a nosa seguinte lectura: "Senlleiras" de Antía Yáñez.
Para finalizar movémonos ata a "sala de mestras" para compartir a "merendiña" maioritariamente saudable. Desta volta foron Lucía e Mª José as que nos deleitaron cunhas riquísimas sobremesas. Moitísimas grazas ás dúas polo seu tempo e por estas elaboracións tan saborosas.
Vémonos na vindeira reunión para falar de "Senlleiras".. |
|||
O pasado luns, día 18 tivemos a primeira reunión do club de lectura de alumnado do 3º ciclo e comezamos con banda deseñada, desta volta con "Irene a Porteira" de Xulia Pisón e Óscar Losada.
O primeiro que fixemos , para romper un pouco o xeo foi facer 2 equipos para xogar a 2 dos xogos de mesa que nos deixaron dende o C.E.E Infanta Elena de Monforte de Lemos. "Imagine Family" tivo moito éxito.
E "Just one" non quedou atrás...
Despois xuntámonos arredor da mesa e falamos do libro, tamén da autora e da protagonista: Irene González, unha das pioneiras do fútbol en Galicia e que sentou as bases...
Tamén buscamos a foto orixinal da portada, afondamos na súa biografía e falamos doutras mulleres galegas futbolistas . Deu lugar a un debate bastante interesante, que nos fixo reflexionar un pouco.
E finalizamos cunha "merendiña" saudable.... e agardando xa a próxima lectura.
|
|||
Como xa sabedes, levamos uns anos propoñendo un Concurso de postais de Nadal ao alumnado do noso centro, para que elaboren na casa coa axuda das súas familias.
Repartimos posteriormente as postais recibidas a centros de maiores, outros centros educativos e tamén por outras entidades do Concello.
Moitas grazas a todas as familias que se animaron a participar e compartir a súa creatividade con todas nós. Aquí quedan as fotos dos gañadores e gañadoras ( un por ciclo, agás no 1º ciclo que houbo "empate" e hai 2 gañadores) parabéns!!
ED. INFANTIL
1º CICLO ED. PRIMARIA:
2º CICLO ED. PRIMARIA:
3º CICLO DE ED. PRIMARIA:
AGRADECEMENTOS:
E tamén queremos agradecer a quen tomou o seu tempo e contestou as nosas postais. Así damos as grazas ao equipo de biblioteca do C.E.E. Infanta Elena de Monforte de Lemos e ao equipo de biblioteca do CEIP de Figueroa da Estrada.
Dende o museo Municipal de Lalín, agradeceron tamén a postal que lles fixemos chegar, e agasalláronnos cun libro!!
E por último , queremos agradecer tamén á Residcencia San Antonio de Beariz, que nos compartiu este vídeo coas postais que lles fixemos chegar!!
BOAS FESTAS!! |
|||
Compartímosvos as recomendacións lectoras para este Nadal , por se non tedes claro que agasallar. Damos ás grazas ás titorías que nos aportaron as ideas, e tamén ao Departamento de Orientación. Este ano engadimos tamén algún "xogo" e como o lema deste ano das Bibliotecas Escolares, é "Unha biblioteca escolar en viñetas" tamén engadimos recomendacións de B.D. Achegamos as recomendacións en formato "vídeo" pero tamén en formato PDF ( onde se premedes nas imaxes dos libros podedes acceder á súa ficha técnica)
Boa lectura, e bo Nadal en Familia!
|
|||
Como comentamos onte nesta entrada 3 DE DECEMBRO DÍA DAS PERSOAS CON DISCAPACIDADE hoxe tivemos 2 actividades que levou a cabo Sandra Coego, a nai de Iria da clase de 5º de ED. Primaria.
Dende o equipo de biblioteca e tamén dende o centro queremos agradecer a Sandra a súa implicación, creatividade e bo facer, e compartir todo iso con nós é un privilexio.
Hoxe fixo dúas "contadas" a primeira para o alumnado de ED. Infantil. No que despois de visionar o vídeo de "Diferentes" falounos da diversidade a todos os niveis e o enriquecedor que resulta que todos e todas sexamos diferentes. que é o enfoque lle demos á actividade para os máis pequenos e pequenas) e despois contounos ¡Vivan las uñas de colores! para a continuación facer un mural colectivo con todo o alumnado de ED. Infantil e finalizar pintándonos as uñas de cores ( coa colaboración das profes Natalia, Mercedes e Mirian)
E aquí vos queda unha pequena escolma fotográfica do momento:
A seguinte quenda foi para o alumnado de 1º e 2º de ED. Primaria que tamén desfrutaron do vídeo que Sandra "dobrou " ao galego , despois de falarlles de discapacidade e diversidade. Para contarlles o "conto da cebola" . Unha historia que invita a reflexionar sobre o que pode influir en nós os comentarios ou reaccións dos demais. E quizais o que máis lles gustou, ou co que máis desfrutaron foi co "RAP DA CEBOLA" co que nos deleitou Sandra e nos puxo a todos a bailaaaar. E por último , utilizou unha cebola para darnos a coñecer unha marabillosa mensaxe, na que estamos totalmente dacordo: so podemos darlle AS GRAZAS . Acó vos quedan unhas poucas fotos da actividade.
|
|||
Hoxe, 3 de decembro é o DÍA INTERNACIONAL DAS PERSOAS CON DISCAPACIDADE.
A nivel de centro imos distribuir as actividades arredor desta data en 2 días. Mañá día 4 a actividade irá dirixida ao alumnado de ED. Infantil e 1º ciclo de ED. Primaria. Sandra, a nai de Iria, da clase de 5º vai representar 2 contos relacionados coa diversidade e a discapacidade, ademais dunha serie de actividades de concienciación mediante o conto e a actividade lúdica. Moitísimas grazas a Sandra por colaborar con nós. O martes dia 5 , unha pequena representación de ASPADISI visitará o noso centro , para desenvolver unha actividade para o 2º e 3º ciclo de ED. Primaria e tamén unha actividade de xogo na hora do recreo para todo o alumnado do centro.
Por outra banda, queremos agradecer novamente a Sandra, que locutou e dobrou ao galego, un vídeo da "Seño Mica" ( co permiso da autora) sobre a diversidade : DIFERENTES. Queremos agradecer tamén ao profe Javi xa que foi o que editou e gravou con Sandra en Radio Xuve a dobraxe do vídeo, que vos deixamos a continuación:
|
|||
Por sexto ano consecutivo poñemos en marcha o concurso de Postais de Nadal. Acó vos queda o texto da convocatoria. Grazas por participar ,implicarvos e compartir :
|
|||
Hoxe , luns 27 , se o tempo o permite, imos facer unha camiñada ata o Concello e despois o alumnado de 4º lerá un pequeno manifesto. Notificamos ás familias e convidámolas a unirse anós. Acó tedes toda a información:
|
|||
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
