CURRÍCULO CEDEIRÉS

Nesta semana o alumnado de 2º recibiu a Simone Jenkinson para

realizar unha investigación e documentación sobre a súa traxectoria teatral.

Simone Jenkinson e xunto a Joseph realizaron xiras por

todo o mundo e co nacemento da súa filla, decidiron establecerse na nosa vila.

 A Biblioteca Humana, dentro do programa Lectura e Familias, volve outro ano

máis para facer escola entre todos e todas!

Está claro que as nosas xentes son fonte de recursos diversa.
Ademáis a biblioteca, as mestras e os mestres somos conscientes

do poder motivador que pode exercer que a avoa, o tío, a madriña,

a veciña, o curmán, mamá, papá... se achegue á escola e forme

parte dela, que cree, ensine, lea, constrúa coñecemento.

Por todas estas razóns e moitas máis, abrimos novamente o

banco humano que abarca tres grandes obxectivos:

a)Continuar ampliando as persoas libro (contar oralmente

unha vivencia, experiencia, saber...

a un grupo pequeno de persoas que logo teñen opción

a facer preguntas sobre o comentado).

b)Acudir na hora de ler a contar unha historia a tódolos

compañeiros e compañeiras da aula do seu familiar.

c)Realizar un ou varios obradoiros sobre a temática

que se solicita co alumnado.

A escola conta cunha gran dotación de recursos materias

de Polos Creativos e da biblioteca escolar.

Somos moi afortunadas e afortunados pois temos

un centro con gran cantidade de material.

Agora é necesario sacarlle o máximo partido para

aprender do mellor xeito que sabemos, Xuntos!

O alumnado tivo a oportunidade de coñecer as instalacións, peixes e oficios do mar,

a través, do ofrecemento de Galp A Mariña - Ortegal cos que fixemos un roteiro

dende a escola. Paramos en edificios e prazas de interese pesqueiro para

recibir información, pero o mellor de todo foi chegar á lonxa e poder coller

coas nosas propias mans os peixes e mariscos que collen día tras día os

nosos mariñeiros/as e mariscadoras/es. Uns oficios dos que tamén

descobremos moitas cousas. Tamén aproveitamos para lembrar

fábricas das que hoxe só quedan as ruinas.

Agradecer o traballo do guía, o Galp, persoal da lonxa e a Confradía de Cedeira.

Estamos ledos! Hoxe compartimos convosco o producto final

do proxecto “Música, maestro!”. Un libro-revista cheo de historia,

da nosa, das nosas xentes. Esperamos que gocedes das fotografías,

dos textos e dos vídeos que podedes ver a través dos QRs.

Estas páxinas reunen o esforzo e traballo de todos por contar,

parte da historia músical que fomos quen de investigar, dramatizar

e recuperar. Pois é tradición e queremos que permaneza na nosa memoria,

nos nosos corazóns, pero o que máis desexamos é que forme parte

das vivencias da nosa rapazada, para que elas e eles sexan quen de transmitila ás novas xeracións.

Agradecer a colaboración dos diversos axentes sociais,

o Concello de Cedeira, o Ies Punta Candieira, as familias...

pola súa inmensa participación.

Deixamos tamén unha páxina de Facebook, Historia de Cedeira en fotos,

un recuncho que aportou moita información para recoñecer a

moitas das persoas que hai nas fotografías.

Gracias a todas, todos e cada un dos que fixestes posible este proxecto.

Estes recreos de comezo do curso deixan entrever que valeu e moito cantar,

bailar, documentarnos e recuperar. Da gusto velos levalo á práctica.

As tradicións é algo que temos que mimar e conservar.

Preparar a auga de San Xoán, coñecer as herbas necesarias

para facela, saltar o lume... A rapazada quere espantar meigas,

así que fai o potingue limpador: auga de San Xoán! Por se alguén

non a ten na casa levan a receita e uns botes

coa menciña, refregade ben as cariñas!

-Dime rapaza bonita,
Con que lavas o pelo?
-Cunhas herbas do monte,
Que fío chaman tromentelo!

Recollido na Web da Galicia Espallada.

Queremos dar as gracias a todas e cada unha das persoas que se volcaron

coa escola, tanto brindando información, como participando en innumerables

obradoiros, actividades de documentación, gravacións en radio, identificación

de persoas nas fotografías, realización de xogos, música, concertos ofrecidos...

é tanto o que nos destes  que rematamos cheos e cheas de orgullo pola nosa

vila e as nosas xentes. Sabedes tanto, tanto, non sabemos se sodes conscientes

do privilexio que temos. Sodes libros abertos e nós dámosvos as gracias.

Para a memoria de todas e todos un recordo:

"A praia do Varadeiro" ou "Son de Cedeira" (como guste).

Como colofón do proxecto levado a cabo durante todo o curso escolar,

toda a comunidade do CEIP Nicolás del Río, queremos convidar ás nosas

xentes, á nosa vila a participar cantando "A praia do Varadeiro". Esta é

só unha de toda a inmensidade musical que coñecemos e traballamos

este ano, foi a canción que nos cantaron as avoas: Josefa Leonardo Díaz,

Victorina Garrote Garrote, Consuelo Quintana García (Meni), Estrella Leonardo

Martínez e Josefa López Rey. Ide practicando, que este venres 14 de xuño,

ás 9:20h, vémonos no muro da praia da Madalena, con ou sen instrumento

para cantar todos e todas xuntas.

Deixámosvos, abaixo en ficheiros adxuntos, o mp3 coa versión que cantaremos.

Se clicades arrriba veredes o vídeo coas estrofas que estamos ensaiando.

Repetiremos a canción dúas ou tres veces para gravar e quedarnos coa mellor versión.

Un proxecto de toda unha vila!

José Antonio Suárez Aneiros, escritor de diversos libros, entre eles:

"A música popular en Cedeira e no noso cortorno", músico e  un

documento vivo;  estivo nas radios escolares respondendo a tódalas

preguntas do alumnado. A historia musical de Cedeira remóntase a

Don Gerardo Villabrille que fundou a Banda Vella, a finais do século XIX,

Don Gerardo tocaba o armonio... Seguide escoitando o programa das Radios Escolares!

O Xeoparque Cabo Ortegal ofreceunos unha charla

sobre os diferentes minerais que podemos atopar na

nosa contorna. Rexistramos tódolos nomes, pois estamos

certos que será unha aprendizaxe a longo prazo, das importantes

e necesarias. Coñecer e valorar o que temos e o punto de partida.

Coa intención de facer que as tradicións

perduren, refresquemos a memoria e practiquemos en familia!

Proxecto "Música, Maestro!"

Gracias Mari Luz Lorenzo!

Nunha vila mariñeira como a nosa o simple son do mar é

música para os nosos oídos. Aproveitando un recurso mariñeiro,

Mari Luz Lorenzo, ensínanos a tocar as cunchas e unha morea de

xogos para ter vivos na vida e na memoria. Así, xeración tras

xeración manterá asegurada as nosas tradicións.

Gracias Mari Luz!

Unha entrevista entrañable que aporta documentación

sobre a Banda de Gaitas Robaleira. Tivemos connosco a

José Antonio García e Antonio Rodríguez, dous antigos

directores da Banda. 

As radios unidas nun proxecto común

para darlle voz ás nosas xentes e documentarnos!

Proxecto "Música, Maestro". Gozade da súa escoita!

Mari Luz Lorenzo amosounos dúas cancións para tocar coa

pandeireta, de seguro que moitas e moitos as recordades.

Coa intención de facer que as tradicións

perduren, refresquemos a memoria e practiquemos en familia!

Proxecto "Música, Maestro!"

Nesta ocasión tivemos a visita de Mari Luz Lorenzo, unha persoa

que adora a música, o baile, a tradición. Unha muller inmensamente

formada e documentada que veu amosarlle á rapazada cancións de

xogo e bailes. Ollaron fotografías e se sorprenderon ao ver a familiares

seus de nenos/as nelas, e tamén escoitaron música en radio cassette

(moi común para moitos de nós, pero tan descoñecido para eles)

esas voces que escoitaron teñen máis de cen anos e son parte da

documentación que Mari luz tenta transmitirnos a través da música,

do canto e do baile. Unha tradición oral que nestes días temos o

pracer de gozar e recoller, para nunca esquecer. Gracias Mari Luz!

Fotografía recollida no libro de Willy, André López Díaz.

É ben seguro que sendo Cedeira unha vila onde a música é parte da nosa vida cotiá,

conservará moitos bens materiais e inmateriais referidos ao mundo do canto, o baile,

as festas... Algúns deles aparecen xa recompilados en traballos feitos por autores

cedeireses como poden ser os libros de José Antonio Suárez Aneiros.

A Biblioteca Escolar “Carlos Labraña” do CEIP Nicolás del Río e o Concello de Cedeira,

conscientes de que a memoria gráfica dunha comunidade forma unha parte do seu

Patrimonio cultural, solicitamos a vosa colaboración para artellar

unha exposición de fotografías para o recordo.

Non faremos mal ao supoñer que os máis de nós teremos algunha instantánea,

algún retrato, algunha imaxe nas nosas familias que reflicta calquera dos rexistros

da vida cotiá da Cedeira musical anteriores ao ano 1960. Esas son as fotografías

que agardamos enviedes á escola co fin de poder armar este labor.

Así pois dende a biblioteca, convidamos a todas as familias a enrolarse neste

proxecto musical, unha mostra fotográfica na que se miren os esforzos dos nosos devanceiros.

Poden deixar as súas fotografías na secretaria do CEIP Nicolás del Río.

Serán escaneadas e devoltas á maior brevidade. Tamén existe a posibilidade

de que mandedes vos a fotografía ao seguinte correo:

biblio.nicolas.del.rio@gmail.compoñendo de título: MÚSICA MAESTRO.

PRAZO PARA TRAER AS FOTOGRAFÍAS: ATA O 10 DE MAIO

Seguindo co proxecto "Vivamos como cedeireses",

e aproveitando que no 2° trimestre os nenos e nenas de

4 anos investigaron cousiñas sobre a nosa vila,  estes e o

alumnado de 5 anos, fixeron unha visita ó Castro Sarridal e

ó Castelo da Concepción. No Castelo esperaba o alumnado do

IES para bailar unha danza medieval.

A camiñata foi longa e o día moooi caluroso,

pero... pasárono xenial!

O alumnado da escola converteuse en redeiras e redeiros guiados

por Paula do Mimo (Paula González López), co apoio do CFR de Ferrol.