APRENDIZAXE BASEADO EN PROXECTOS

Queremos dar as gracias a todas e cada unha das persoas que se volcaron

coa escola, tanto brindando información, como participando en innumerables

obradoiros, actividades de documentación, gravacións en radio, identificación

de persoas nas fotografías, realización de xogos, música, concertos ofrecidos...

é tanto o que nos destes  que rematamos cheos e cheas de orgullo pola nosa

vila e as nosas xentes. Sabedes tanto, tanto, non sabemos se sodes conscientes

do privilexio que temos. Sodes libros abertos e nós dámosvos as gracias.

Para a memoria de todas e todos un recordo:

"A praia do Varadeiro" ou "Son de Cedeira" (como guste).

Coa intención de facer que as tradicións

perduren, refresquemos a memoria e practiquemos en familia!

Proxecto "Música, Maestro!"

Gracias Mari Luz Lorenzo!

Mari Luz Lorenzo amosounos dúas cancións para tocar coa

pandeireta, de seguro que moitas e moitos as recordades.

Coa intención de facer que as tradicións

perduren, refresquemos a memoria e practiquemos en familia!

Proxecto "Música, Maestro!"

Agradecer ao alumnado de 3 anos e ás familias que crearon o Maio.

Nesta ocasión temos na Radio Experimental a Xavier Carro,

antigo director da Banda de gaitas Robaleira e integrante

do grupo Debadoira. Documentación recadada para o proxecto

"Música, Maestro". Gozade da súa escoita!

 Gracias Xavier pola túa colaboración.

Nesta ocasión tivemos a visita de Mari Luz Lorenzo, unha persoa

que adora a música, o baile, a tradición. Unha muller inmensamente

formada e documentada que veu amosarlle á rapazada cancións de

xogo e bailes. Ollaron fotografías e se sorprenderon ao ver a familiares

seus de nenos/as nelas, e tamén escoitaron música en radio cassette

(moi común para moitos de nós, pero tan descoñecido para eles)

esas voces que escoitaron teñen máis de cen anos e son parte da

documentación que Mari luz tenta transmitirnos a través da música,

do canto e do baile. Unha tradición oral que nestes días temos o

pracer de gozar e recoller, para nunca esquecer. Gracias Mari Luz!

Olivia e Ramón veñen a montar o Maio co alumnado de tres anos.

As familias na escola! As tradicións sempre presentes!

Fotografía recollida no libro de Willy, André López Díaz.

É ben seguro que sendo Cedeira unha vila onde a música é parte da nosa vida cotiá,

conservará moitos bens materiais e inmateriais referidos ao mundo do canto, o baile,

as festas... Algúns deles aparecen xa recompilados en traballos feitos por autores

cedeireses como poden ser os libros de José Antonio Suárez Aneiros.

A Biblioteca Escolar “Carlos Labraña” do CEIP Nicolás del Río e o Concello de Cedeira,

conscientes de que a memoria gráfica dunha comunidade forma unha parte do seu

Patrimonio cultural, solicitamos a vosa colaboración para artellar

unha exposición de fotografías para o recordo.

Non faremos mal ao supoñer que os máis de nós teremos algunha instantánea,

algún retrato, algunha imaxe nas nosas familias que reflicta calquera dos rexistros

da vida cotiá da Cedeira musical anteriores ao ano 1960. Esas son as fotografías

que agardamos enviedes á escola co fin de poder armar este labor.

Así pois dende a biblioteca, convidamos a todas as familias a enrolarse neste

proxecto musical, unha mostra fotográfica na que se miren os esforzos dos nosos devanceiros.

Poden deixar as súas fotografías na secretaria do CEIP Nicolás del Río.

Serán escaneadas e devoltas á maior brevidade. Tamén existe a posibilidade

de que mandedes vos a fotografía ao seguinte correo:

biblio.nicolas.del.rio@gmail.compoñendo de título: MÚSICA MAESTRO.

PRAZO PARA TRAER AS FOTOGRAFÍAS: ATA O 10 DE MAIO

Seguindo co proxecto "Vivamos como cedeireses",

e aproveitando que no 2° trimestre os nenos e nenas de

4 anos investigaron cousiñas sobre a nosa vila,  estes e o

alumnado de 5 anos, fixeron unha visita ó Castro Sarridal e

ó Castelo da Concepción. No Castelo esperaba o alumnado do

IES para bailar unha danza medieval.

A camiñata foi longa e o día moooi caluroso,

pero... pasárono xenial!

O alumnado de tres anos emprendeu un proxecto sobre

"O mundo polar" e unha das súas actividades de experimentación

tivo a auga como fío conductor. A colleron e fase líquida e a converteron

a sólida, posteriormente a pintaron e conversaron sobre que pasaba

ao manexala e pasar o tempo. Pequenos procesos de investigación e reflexión.

Estimadas familias e diferentes axentes sociais,

desexamos que compartades connosco aquelas cancións da

infancia, coas que saltabas á corda, xogabas coas palmas, facías a roda...

Podedes mandalas escritas na ficha e ensinárllelas ao teu peque e,

aínda mellor, podes vir á escola e ensinárnolas.

Anexamos a ficha para a recollida da documentación. Gracias por participar!

Orgullo das nosas xentes, da nosa flora, fauna, paisaxes!

Gracias a todas e todos os que sementastes neste proxecto,

moita xente pasou pola biblioteca, pola escola, polos roteiros...

unha vila ollou a natureza, escoitouna, mimouna, observouna.

Grandes e pequenos, todos xuntos aprendemos a mirar.

Hoxe estamos de parabéns! Saimos premiados no

IX Concurso de Traballo por Proxectos coordinados

ou co apoio da biblioteca escolar.

Recordade seguir observando. Deixamos unha entrada do blog

"Ao Noroeste, do Noroeste" de Rafael López Loureiro, de seguro vos vai gustar.

Os animais vertebrados e invertebrados foron tema de investigación,

o alumnado creou un libro de lapelas para concentrar a información.

Durante o proxecto recibiron a visita de Algodón, un coelliño a mar de doce.

Esta semana avoas e avós do Taller de memoria achegáronse ata o cole,

despois de diversas reunións e ensaios para amosarnos tradición oral.

Somexirdos nun mar de contacontos e cancións da vila gozamos de

intres fermosos acariñados polas verbas do saber. Avoas e avós de

moitos de nós espallaron un legado oral que agora temos que protexer

con sumo coidado. Temos que protexelo do esquecemento e un bo xeito

e contando e cantando. Esta entrada irá medrando co paso dos días,

pois é moito o material que nos ofreceron. O mellor de todo e que floreceron

lazos e esta non será a última vez que coincidiremos.

Realizaremos diversas reunións ao seu carón, pois é tanto

o que saben que moito dubidamos que un ano chegue para contalo.

Gracias avoas e avós!

Máis de cincuenta pequenas e pequenos inundaron Mares de Cedeira Museo,

o venres 17, con ollos curiosos e cheos de preguntas.

Alí puideron gozar de dúas visitas:

1º-. Unha exposición artística a cargo de Francisco Pérez Alonso,

pintor zamorano. Na que a rapazada tivo o pracer

de escoitar ao autor explicando as súas obras de artes:

- diversos instrumentos musicais tocados e acompañados cos seus cantos.

- pinturas cinéticas de edificios emblemáticos de Ferrol, nos que a obras adquiren

movemento e que cada unha ten unhas centro cincuenta horas de traballo.

- e figuras con moito contido talladas en madeira.

2º-. E por suposto, o noso museo do mar, cheo de barcos onde explorar o oficio do

carpinteiro de ribeira, ver o paso do tempo a través das fábricas conserveiras,

ollar anzós e artes de pesca, unha inmensa exposición de cunchas,

crustáceos e rematar cunha historia de viaxes en botella.

Recomendamos a visita e se ides, escoitade a historia!

O alumnado de segundo de primaria remata a unidade sobre

o Concello e os servizos públicos cunha visita ao mesmo

Concello de Cedeira. Alí tiveron a oportunidade de coñecer a

diferentes traballadores, saber das súas profesións, ollar os

diversos espazos de reunións, conversar con varios conselleir@s

e co alcalde Pablo Moreda. Incluso entraron ver o Pazo de Moscoso reformado,

onde se aloxará Policia Local e Servizos Sociais. Por suposto, falaron, contaron e

opinaron da vida na escola e na vila! Gracias a todos o que fixeron posible esta visita.

O alumnado de 5º escolleu o mes das Ciencias para realizar

unha saída didáctica a tres museo da Coruña.

No Domus visionaron temática da alimentación, nutrición,

a evolución dende os primeiros homínidos e realizaron xogos

interactivos de olores, neurons, actividades sobre xenética e adn.

Na Casa das Ciencias gozaron unha manchea co péndulo de Foucault

ata aplaudiron ao caer o pivote, encantoulles! Posteriormente, traballaron

de xeito interactivo péndulos, gravidade e no planetario (que tiveron o

privilexio de ollar os dous, un recén estrenado!) disfrutaron do anoitece e

amancer no ceo, mentres escoitaban explicacións sobre os astros, os puntos cardinais...

Por último, no acuario Finisterrae, coñeceron a Gastón, o tiburón touro

que vive alíe entre outras especies típicas de Galicia. Conversaron sobre a

reprodución sexual e asesual dos seres vivos. Viron os ajolotes que están

en perigo de extinción e os deixaron namorados!

Aprenderon unha manchea de curiosidades. E ollaron diferentes

adornos realizados cos materiais que desbota o mar.

Como vén sendo habitual ano a ano, a biblioteca da escola embárcase

nun proxecto de traballo no que a colaboración de toda a comunidade

educativa é condición indispensable para arribar en bo porto.

Basearemos coma sempre as nosas investigacións no currículo

cedeirés e así propoñemos este curso un tema que forma

parte esencial da existencia da nosa vila A MÚSICA.

Cedeira...unha vila que non se entende sen o compoñente musical.

Foron, son e serán moitos os músicos e agrupacións que manteñen

viva a nosa tradición musical. A música é parte da vida cotiá:

cantamos cando xogamos, cando contamos contos ,

despois dun xantar compartido e mesmo cando traballamos,

forma parte das nosas vidas e da nosa historia como pobo.

Non entenderemos pois o currículo cedeirés sen o compoñente musical.

Queremos achegar aos nosos nenos e nenas a nosa tradición máis sonora,

queremos facelo dende a escola, dende a biblioteca

e coa axuda inestimable de todos vosoutros.

Ao estar en vésperas do Tempo de Nadal e coa intención de ir preparando

os cantares de aguinaldo iniciamos este proxecto. Se conservades na vosa

memoria ou na dos vosos avós algún cantar tradicional, cubride o seguinte

cuestionario que vos enviamos ou solicitade un na biblioteca ou en secretaría.

https://www.facebook.com/bibliotecacarloslabranha/
@beCarlosLabrana
biblio.nicolas.del.rio@gmail.com

O alumando de 5º de primaria preséntanos o seu caderno

de campo de Castro Sarridal, un traballo que comezaron

documentándose na biblioteca escolar, con saída incluída. Primeiro recolleron

datos en sucio e posteriormente, corrixiron e pasaron a limpo.

Un produto final fermoso para compartir con toda a familia.

Parabéns chicas e chicos!