ALUMNADO

O alumnado de 6º de primaria, en grupos cooperativos, 

escribe pequena pezas teatrais, a modo de microteatro

e as leva a escena! Un traballo de expresión escrita e oral,

combinado cunha gran creatividade.

Un ano máis a biblioteca da escola embárcase nun proxecto de traballo onde a colaboración de toda a
comunidade educativa é indispensable. As nosas investigación basearanse no currículo cedeirés, sendo o
teatro un xénero con grandes antecedentes na nosa vila.

Comezando por Dina Montero, no 1907 e continuando con toda unha traxectoria de actores, actrices:
Fusa Guillén, Carlos Labraña, Quique Vázquez... e moitas/os outros/as que remaron conxuntamente para
que a vila de Cedeira goce dun alto nivel cultural. Decidimos adicar este curso escolar ao drama como
divertimento.

As artes escénicas, algunhas como a música xa investigadas o curso pasado, teñen outros dous grandes
xéneros: teatro e danza. Dúas categorías que serán exploradas neste curso escolar.

A colaboración das familias e axentes sociais é de vital importancia e virá definida neste términos:

* Aportacións de material gráfico (fotografías, vídeos...) nos que vosoutros ou algún familiar participara
de xeito activo nunha representación teatral, coreografía, danza... na escola, catecismo, festas da vila,
actividades de asociacións...

* Realización de tipo individual ou grupal dalgún tipo de representación/actuación: teatro, monólogo,
coreografía, danza, baile, maxia, monicreques, contacontos con apoios visuais, ... no que exista unha
comunicación como divertimento.

Para ámbolos dous casos temos dispoñible un anexo para cubrir e entregar na secretaría da escola.

Continúan pasando os cursos para recibir a formación de usuarios.

Este ano o noso alumnado voluntario de biblioteca de 5º e 6º

curso axudan ao profesorado a impartir a formación.

Grazas rapazada, sodes inmens@s!

O alumnado de 1º de primaria investigan os poderes curativos

do tomillo e realizan unha receita contra a tos na cociña da biblioteca,

para darlles unhas fregas ás avoas e aos avós que

nestas datas comezan a coller os catarros.

Complementan a pomada coa creación dun marcapáxinas coa receita.

Así poderán facer máis cantidade na casa, se o desexan.

Despedimos a un alumnado que formou parte da nosa equipa de biblioteca.

Unha rapazada que deu vida día a día á nosa biblioteca.

Xuntos fixemos que esta maquinaria funcionase.

Elas e eles agasallan co seu tempo e traballo para que todos gocen

de recomendacións lectoras, organizan obradoiros, controlan préstamos

de aparellos tecnolóxicos, xogos didácticos, libros... Son a alma da biblio.

Gracias rapazada por acompañarnos nesta aventura!!

En recoñecemento pola súa labor un certificado e un

chaveiro de madeira co logo do noso Percebiño.

Parabéns rapazada!!

Pechamos un ciclo con dozura. Esperamos vervos con moitas máis l

ecturas o vindeiro curso! Os que pasades para o IES,

xa vistes que ten unha biblioteca fermosa,

alí tamén teñen Club de Lecturas.

Moitas historias agardan por vos!

O alumnado de quinto fixo un álbum personalizado coa app Canva

con fotografías  de Manzaneda que foi seleccionando e clasificando.

Nelas contan o que fixeron, acnédotas... engaden música adaptandoa

a cada actividade que hai na presentación (actividades na natureza,

discoteca,...). Crear documentos para manter os mellores

recordos é necesario e moi saudable!

O alumnado de 2º B tivo o pracer de contar con Almudena

e Celia para facer un obradoiro de Hama beads.

Pasáronno en grande.

Agradecer ás familias a súa colaboración.